കിട്ടിയ അ‌വസരം പാഴാക്കേണ്ട! ആമസോൺ ​പ്രൈം ഡേ സെയിലിൽ വാങ്ങാൻ പരിഗണിക്കാവുന്ന 6 സ്മാർട്ട്ഫോണുകൾ

കിടിലൻ ഓഫറുകളുമായി ആമസോൺ ​പ്രൈം ഡേ സെയിൽ ജൂ​ലൈ 15 ന് ആരംഭിക്കുകയാണ്. 48 മണിക്കൂർ നീണ്ടുനിൽക്കുന്ന ഓഫർ സെയിൽ ജൂ​ലൈ 16 ന് രാത്രി 11: 59 ന് ആണ് അ‌വസാനിക്കുക. സ്മാർട്ട്ഫോണുകളുടെ വിലയിൽ 40 ശതമാനം വരെ ഡിസ്കൗണ്ട് ഓഫർ സെയിലിൽ ലഭ്യമാകും.

വിവിധ ബാങ്ക് ഓഫറുകളുടെ ഭാഗമായും ​പ്രൈം ഡേയിൽ മികച്ച ഡിസ്കൗണ്ടുകൾ ലഭ്യമാകും. വിവിധ രീതിയിലുള്ള ഡിസ്കൗണ്ടുകൾ പ്രയോജനപ്പെടുത്താവുന്നതിനാൽ സ്മാർട്ട്ഫോൺ വാങ്ങാൻ ഉദ്ദേശിക്കുന്നവർക്ക് ആമസോൺ ​പ്രൈം ഡേ സെയിൽ ഒരു സുവർണാവസരമാണ്. ​പ്രൈം ഡേ സെയിലിൽ വാങ്ങാൻ പരിഗണിക്കാവുന്ന ചില സ്മാർട്ട്ഫോണുകൾ ഇവിടെ പരിചയപ്പെടാം.

ഐക്യൂ നിയോ 7 പ്രോ: സ്‌നാപ്‌ഡ്രാഗൺ 8+ ജെൻ 1 പ്രോസസർ കരുത്തിൽ മികച്ച പ്രകടനം കാഴ്ചവയ്ക്കുന്ന നിയോ 7 പ്രോ ഗെയിമർമാർക്കായി ഒരു പ്രത്യേക ഗെയിമിംഗ് ചിപ്പ് സഹിതം രൂപകൽപ്പന ചെയ്‌തിരിക്കുന്നു. 120W ഫ്ലാഷ് ചാർജ്, 5000mAh ബാറ്ററി തുടങ്ങി മികച്ച ഫീച്ചറുകളുള്ള ഈ ഫോൺ ഇപ്പോൾ 1000 രൂപയ്ക്ക് പ്രീബുക്ക് ചെയ്യാം.

വൺപ്ലസ് നോർഡ് 3: 6.74-ഇഞ്ച് സൂപ്പർഫ്ലൂയിഡ് അമോലെഡ് ഡിസ്‌പ്ലേ, 120Hz റിഫ്രഷ് റേറ്റ്, മീഡിയടെക് ഡൈമെൻസിറ്റി 9000 ചിപ്‌സെറ്റ് കരുത്ത്, 16 ജിബി വരെ റാം തുടങ്ങിയ മികച്ച ഫീച്ചറുകളുമായാണ് നോർഡ് 3 എത്തുന്നത്. ഇന്ത്യയിൽ വൺപ്ലസ് നോർഡ് 3യുടെ അടിസ്ഥാന മോഡലിന് 33999 രൂപയും ഉയർന്ന മോഡലിന് 37999 രൂപയുമാണ് വില.

റിയൽമി നാർസോ 60: 90Hz സൂപ്പർ അമോലെഡ് ഡിസ്‌പ്ലേയും 64 എംപി സ്ട്രീറ്റ് ഫോട്ടോഗ്രാഫി ഫീച്ചറുകളും ഇതിലുണ്ട്. 20000 രൂപയിൽ താഴെ വിലയിൽ വാങ്ങാവുന്ന മികച്ച സ്മാർട്ട്ഫോണുകളിൽ ഒന്നാണിത്. നാർസോ 60 യുടെ പ്രാരംഭമോഡലി​ന്റെ വില 17,999 മുതൽ ആരംഭിക്കുന്നു. 999 രൂപയ്ക്ക് ഇപ്പോൾ പ്രീബുക്ക് ചെയ്യാം.

സാംസങ് ഗാലക്സി എം34: ഗാലക്സി എം34 5ജി സ്മാർട്ട്‌ഫോൺ വിഷൻ ബൂസ്റ്റർ സാങ്കേതികവിദ്യയും നോ-ഷേക്ക് ക്യാമറ ഫീച്ചറും വാഗ്ദാനം ചെയ്യുന്നു. 120Hz AMOLED ഡിസ്‌പ്ലേ, ഗൊറില്ല ഗ്ലാസ് 5 സ്‌ക്രീൻ, 6000mAh ബാറ്ററി എന്നിവയുമായാണ് ഈ സാംസങ് ഫോൺ എത്തുന്നത്. ഇപ്പോൾ 999 രൂപയ്ക്ക് ഈ സ്മാർട്ട്ഫോൺ പ്രീബുക്ക് ചെയ്യാം.

ഐടെൽ P40+: 7000 mAh ബാറ്ററിയാണ് ഈ സ്മാർട്ട്ഫോണിന്റെ പ്രധാന പ്രത്യേകത. ഒക്ടാകോർ പ്രൊസസർ, പഞ്ച്-ഹോൾ ഡിസൈനുള്ള 6.8 ഇഞ്ച് ഡിസ്‌പ്ലേ, 90Hz റിഫ്രഷ്റേറ്റ് എന്നിവ ഇതിലുണ്ട്. 8,099 രൂപ പ്രാരംഭ വിലയിൽ ഐടെൽ P40+ സ്മാർട്ട്ഫോൺ ആമസോണിൽ നിന്ന് വാങ്ങാം.

ടെക്നോ കാമൺ 20 പ്രീമിയർ 5ജി: 108എംപി അൾട്രാവൈഡ് മാക്രോ ലെൻസ്, ഗംഭീരമായ ഡിസൈൻ, 6.67-ഇഞ്ച് FHD+ AMOLED ഡിസ്‌പ്ലേ, 5000 എംഎഎച്ച് ബാറ്ററി തുടങ്ങിയ ഫീച്ചറുകളുമായാണ് ഈ ടെക്നോ ഫോൺ എത്തുന്നത്. 29,999 രൂപ പ്രാരംഭവിലയിൽ ഈ സ്മാർട്ട്ഫോൺ ലഭ്യമാകും.

ഈ സ്മാർട്ട്ഫോണുകളിൽ പലതും ജൂ​ലൈ ആദ്യ ആദ്യ ആഴ്ചയിൽ ലോഞ്ച് ചെയ്തവയാണ്. ഇവയിൽ പലതിന്റെയും വിൽപ്പന ആരംഭിക്കുന്നതുതന്നെ ആമസോൺ ​പ്രൈം ഡേ സെയിലിൽ ആണ്. വിൽപ്പന ആരംഭിക്കുന്നതിനാൽ മികച്ച ഡിസ്കൗണ്ടുകളോടെ ഈ സ്മാർട്ട്ഫോൺ വാങ്ങാൻ അ‌വസരം ഉണ്ടാകും. എന്നാൽ നിശ്ചിത ദിവസത്തേക്ക് മാത്രമാകും ഈ വിലക്കുറവ് ലഭ്യമാകുക. അ‌തിനാൽ കിട്ടുന്ന അ‌വസരം വിനിയോഗിക്കാൻ ശ്രമിക്കുക.