ആപ്പിള്‍ ഐ.ഒ.എസ്. 8 അവതരിപ്പിച്ചു; 10 പ്രധാന ഫീച്ചറുകള്‍!!!

Posted By:

പ്രതീക്ഷിച്ചപോലെ ആപ്പിള്‍ പരിഷ്‌കരിച്ച ഓപ്പറേറ്റിംഗ് സിസ്റ്റമായ ഐ.ഒ.എസ്. 8 അവതരിപ്പിച്ചു. ഇന്നലെ ആരംഭിച്ച വാര്‍ഷിക WWDC ഇവന്റിലാണ് പുതിയ ഒ.എസ് പ്രഖ്യാപിച്ചത്.

ഐ.ഒ.എസ് 7-നേക്കാള്‍ ലളിതവും വേഗതയുള്ളതും ഉപയോഗിക്കാന്‍ സൗകര്യപ്രദവുമാണ് ഐ.ഒ.എസ്. 8 എന്ന് കമ്പനി അവകാശപ്പെടുന്നു. ഉപയോക്താക്കള്‍ക്കും ആപ് ഡവലപ്പര്‍മാര്‍ക്കും ഏറെ സാധ്യതകളുള്ളതാണ് പുതിയ ഒ.എസ്.

എന്തായാലും ഐ.ഒ.എസ്. 8 -ന്റെ 10 പ്രധാന ഫീച്ചറുകള്‍ പരിശോധിക്കാം.

കൂടുതല്‍ ടെക്നോളജി വാര്‍ത്തകള്‍ക്ക് ഗിസ്ബോട്ട്

#1

ടെക്‌സ്റ്റ് മെസേജ്, ഇമെയില്‍, ഫേസ്ബുക് റിമൈന്‍ഡര്‍ എന്നിവ സംബന്ധിച്ച നോട്ടിഫിക്കേഷനുകളില്‍ പ്രസ്തുത ആപ്ലിക്കേഷന്‍ തുറക്കാതെ തന്നെ ആക്റ്റിവിറ്റികള്‍ നടത്താം. അതായത് ഫോണില്‍ ഗെയിമിംഗോ മറ്റെന്തെങ്കിലും ആക്റ്റിവിറ്റികളോ നടത്തുമ്പോള്‍ തന്നെ ഇമെയില്‍, ടെക്‌സ്റ്റ് മെസേജ് എന്നിവയ്ക്ക് മറുപടി നല്‍കാം.

 

#2

ഐ.ഒ.എസ്. 8 പുതിയ മെസേജിംഗ് ആപ് അവതരിപ്പിക്കുന്നുണ്ട്. ഒറ്റ സൈ്വപിലൂടെ ആശയവിനിമയം സാധ്യമാകുമെന്നതാണ് ഈ മെസേജിംഗ് ആപ്ലിക്കേഷന്റെ ഗുണം. ഇതിലുള്ള ടാപ് ടു ടോക് എന്ന ഫീച്ചര്‍, വേയ്‌സ് മെസേജ് അയയ്ക്കാന്‍ സാധിക്കും. വീഡിയോ, ഫോട്ടോ എന്നിവയെല്ലാം ഇത്തരത്തില്‍ വളരെയെളുപ്പം അയയ്ക്കാം. ലൊക്കേഷന്‍ ഷെയര്‍ ചെയ്യാനുള്ള സംവിധാനവും ഉണ്ട് ആപ്ലിക്കേഷനില്‍.

 

#3

വിവിധ ഹെല്‍ത് ആപ്ലിക്കേഷനുകള്‍ വഴിയും ഫിറ്റ് ബിറ്റ്, ഫ്യുവല്‍ ബാന്‍ഡ് തുടങ്ങിയ ഫിറ്റ്‌നസ് ഉപകരണങ്ങള്‍ വഴിയും ലഭിക്കുന്ന ആരോഗ്യ സംബന്ധമായ വിവരങ്ങള്‍ ശേഖരിച്ച് ആരോഗ്യം സംബന്ധിച്ച വ്യക്തവും ഏകീകൃതവുമായ വിവരം ലഭ്യമാക്കുന്ന ആപ്ലിക്കേഷനും ഐ.ഒ.എസ്. 8-ന്റെ പ്രത്യേകതയാണ്.

 

#4

ആന്‍ഡ്രോയ്ഡിനു സമാനമായി തേര്‍ഡ് പാര്‍ടി കീബോര്‍ഡ് ഐ.ഒ.എസ്. 8 സപ്പോര്‍ട് ചെയ്യും.

 

#5

ഒരു കുടുംബത്തിലുള്ളവര്‍ക്കോ വേണ്ടപ്പെട്ടവരായ ആളുകള്‍ക്കോ പരസ്പരം വേഗത്തില്‍ ആശയവിനിമയം നടത്താനുള്ള സംവിധാനമാണ് ഫാമിലി ഷെയറിംഗ്. 6 അംഗങ്ങളെ വരെ ഈ സംവിധാനത്തില്‍ ഉള്‍പ്പെടുത്താം. ഇവര്‍ക്ക് ഫോട്ടോകള്‍, കലണ്ടറുകള്‍ എന്നിവ ഷെയര്‍ ചെയ്യാം. അതിനുപുറമെ ഗ്രൂപ്പില്‍ അംഗങ്ങളായുള്ളവര്‍ക്ക് ഗ്രൂപ്പില്‍ തന്നെയുള്ള മറ്റൊരാളുടെ ഐ ട്യൂണ്‍സ് അക്കൗണ്ടില്‍ നിന്നോ ഐബുക്, ആപ്പ് സ്‌റ്റോര്‍ എന്നിവയില്‍ നിന്നോ ആവശ്യമുള്ള കണ്ടന്റ് ഡൗണ്‍ലോഡ് ചെയ്യാനും സാധിക്കും.

 

#6

ഐ.ഒ.എസ് 8ഉം അതിനൊപ്പം ആപ്പിള്‍ അവതരിപ്പിച്ച മാക് ഒ.എസ് ആയ ഒ.എസ്. X യോസ്‌മൈറ്റും ഐ.ഒ.എസ്, മാക് ഡിവൈസുകള്‍ മാറിമാറി ഉപയോഗിക്കാന്‍ സഹായിക്കും. അതായത് ഐ.ഒ.എസ് ഫോണില്‍ വരുന്ന കോളുകള്‍ക്ക് മാക് കമ്പ്യൂട്ടറിലൂടെയോ ഐ പാഡിലൂടെയോ മറുപടി നല്‍കാം. അതുപോലെ മെസേജുകള്‍ അയയ്ക്കാനും സാധിക്കും. കൂടാതെ ഒരു ഒ.എസ്. X ഉപകരണത്തില്‍ എഴുതുന്ന ഇമെയില്‍ ഐ.ഒ.എസ് ഉപകരണത്തില്‍ ആക്‌സസ് ചെയ്യാനും കഴിയും.

 

#7

ഏതു തരത്തിലുള്ള ഡോക്യമെന്റുകളും സ്‌റ്റോര്‍ ചെയ്യാനും ഐ.ഒ.എസ്, മാക് ഉപകരണങ്ങളിലൂടെ അത് ആക്‌സസ് ചെയ്യാനും സാധിക്കുന്ന സംവിധാനമാണ് ഐ ക്ലൗഡ് ഡ്രൈവ്.

 

#8

ഐ.ഒ.എസ് 8-ലെ ഫോട്ടോ ആപ്ലിക്കേഷനും അപ്‌ഡേറ്റ് ചെയ്തിട്ടുണ്ട്. കൂടുതല്‍ ഫോട്ടോകള്‍ ക്ലൗഡില്‍ സ്‌റ്റോര്‍ ചെയ്യാം എന്നരിലുപരി കുടുതല്‍ മികച്ച എഡിറ്റിംഗ് ഫീച്ചറുകളും ഉള്‍ക്കൊള്ളച്ചിട്ടുണ്ട്.

 

#9

ഐ.ഒ.എസ് 8-ലെ സിരി ആപ്ലിക്കേഷന് പാട്ടുകള്‍ തിരിച്ചറിയാനുള്ള ശേഷിയുണ്ട്. അതായത് നിങ്ങള്‍ക്ക് ഐ ട്യൂണ്‍സില്‍ നിന്ന് പാട്ടുകള്‍ തെരഞ്ഞെടുക്കണമെങ്കില്‍ അതിന്റെ ഏതാനും വരികള്‍ പാടിയാല്‍ മതി. 22 ഭാഷകളും സിരി സപ്പോര്‍ട് ചെയ്യുന്നുണ്ട്.

 

#10

ഐഫോണ്‍ 4 എസ്, ഐ ഫോണ്‍ 5, ഐ ഫോണ്‍ 5 എസ്, ഐ ഫോണ്‍ 5 സി, ഐ പോഡ് ടച്ച് 5 ജി, ഐ പാഡ് 2, ഐ പാഡ് വിത് റെറ്റിന ഡിസ്‌പ്ലെ, ഐ പാഡ് എയര്‍, ഐ പാഡ് മിനി റെറ്റിന ഡിസ്‌പ്ലെ എന്നീ ഉപകരണങ്ങളില്‍ ഐ.ഒ.എസ് 8 അപ്‌ഡേറ്റ് ചെയ്യാം.

 

കൂടുതല്‍ ടെക്നോളജി വാര്‍ത്തകള്‍ക്ക് ഗിസ്ബോട്ട്

Social Counting

ബ്രേക്ക് ന്യൂസ് അറിയിപ്പുകള് നേടൂ. - Malayalam Gizbot

We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Gizbot sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Gizbot website. However, you can change your cookie settings at any time. Learn more