ചരിത്രം സൃഷ്ടിക്കാൻ ഇനി ദിവസങ്ങൾ മാത്രം! വരാനിരിക്കുന്ന ഐഫോൺ 16 സീരീസിനെ കുറിച്ച് അറിയേണ്ടതെല്ലാം!

ആപ്പിൾ അതിൻ്റെ സ്‌പെഷ്യൽ "ഇറ്റ്സ് ഗ്ലോടൈം" ഇവൻ്റിൽ നിരവധി ഉൽപ്പന്നങ്ങൾ അവതരിപ്പിക്കും എന്നാണ് പ്രതീക്ഷിക്കുന്നത്. ഐഫോൺ 16, ഐഫോൺ 16 പ്ലസ്, ഐഫോൺ 16 പ്രോ, ഐഫോൺ 16 പ്രോ മാക്‌സ് എന്നിവയുൾപ്പെടെ ഏറ്റവും പുതിയ ഐഫോൺ 16 സീരീസ് കമ്പനി പുറത്തിറക്കും. ഇവൻ്റിൽ പുതിയ ആപ്പിൾ വാച്ച് സീരീസ്, എയർപോഡുകൾ, മറ്റ് ഹാർഡ്‌വെയർ എന്നിവയും കമ്പനി ലോഞ്ച് ചെയ്യുമെന്ന് റിപ്പോർട്ടുണ്ട്. മാത്രമല്ല, ഏറ്റവും പുതിയ iOS 18, iPad OS 18, MacOS എന്നിവയ്‌ക്കും മറ്റുമുള്ള റോൾഔട്ട് ഷെഡ്യൂളും ഉണ്ടായേക്കാം.

എല്ലാ വർഷത്തേയും പോലെ 2024ലെ കമ്പനിയുടെ മുൻനിര ഫോണുകൾ ആണ് ഇൻ്റിൽ ഇറങ്ങാൻ പോകുന്നത്. ഇവൻ്റിൻ്റെ പ്രത്യേക ശ്രദ്ധ ആപ്പിൾ ഐഫോൺ 16 പ്രോ, ഐഫോൺ 16 പ്രോ മാക്സ് എന്നിവയിലായിരിക്കും. ഏറ്റവും പുതിയ ഐഫോൺ 16 സീരീസിന് കരുത്ത് പകരുന്ന ആപ്പിൾ ഇൻ്റലിജൻസിൻ്റെ വരവ് ഈ വർഷം അടയാളപ്പെടുത്തുന്നു.

അതിനാൽ, നിങ്ങളൊരു ഐഫോൺ ആരാധകനാണെങ്കിൽ, വരാനിരിക്കുന്ന ഐഫോൺ 16 പ്രോ സീരീസിനെ കുറിച്ച് ആഴത്തിൽ അറിയാൻ ആഗ്രഹിക്കുന്നുവെങ്കിൽ, ഈ ലേഖനം നിങ്ങൾ സഹായിക്കും. ഈ ലേഖനത്തിൽ, പ്രോ സീരീസ്, ഇന്ത്യയിൽ അതിൻ്റെ പ്രതീക്ഷിക്കുന്ന വില, സവിശേഷതകൾ എന്നിവയും മറ്റ് കാര്യങ്ങളും വിശദമായി നൽകിയിട്ടുണ്ട്. അതിനാൽ, അധികം സമയം കളയാതെ, വിഷയത്തിലേക്ക് വരാം.

ഐഫോൺ 16 പ്രോ, ഐഫോൺ 16 പ്രോ മാക്‌സ് ഇന്ത്യ ലോഞ്ച് വിശദാംശങ്ങൾ: 2024 സെപ്റ്റംബർ 09ന് ഒരു സ്‌പെഷ്യൽ "ഇറ്റ്സ് ഗ്ലോടൈം" ഇവൻ്റ് നടത്തുമെന്ന് ആപ്പിൾ അടുത്തിടെ പ്രഖ്യാപിച്ചിരുന്നു. കമ്പനി കൃത്യമായി പ്രൊഡക്ടുകളെ കുറിച്ച് പറയുന്നില്ലെങ്കിലും, ഐഫോൺ 16 സീരീസിന്റെ വരവ് എന്തായാലും ഉണ്ടാകുമെന്ന് ഉറപ്പാണ്.

ലോഞ്ച് സമയത്ത്, ബ്രാൻഡ് അതിൻ്റെ മുൻനിര ഫോണുകൾ ആയ ഐഫോൺ 16 പ്രോ, ഐഫോൺ 16 പ്രോ മാക്സ് എന്നിവയും ലോഞ്ച് ചെയ്യും. എല്ലാ വർഷത്തേയും പോലെ, ആപ്പിൾ പാർക്കിലെ സ്റ്റീവ് ജോബ്സ് തിയേറ്ററിലാണ് ഇവൻ്റ് നടക്കുക. ഇവൻ്റ് ബ്രാൻഡിൻ്റെ ഔദ്യോഗിക യൂട്യൂബ് ചാനലിലും അതിൻ്റെ വെബ്‌സൈറ്റിലും തത്സമയ സ്ട്രീം ചെയ്യും. 2024 സെപ്റ്റംബർ 09ന് ഇന്ത്യൻ സമയം രാത്രി 10.30ന് ഇവൻ്റിൻ്റെ തത്സമയ സ്ട്രീം കാണാൻ സാധിക്കും.

ഐഫോൺ 16 പ്രോ, ഐഫോൺ 16 പ്രോ മാക്സ് പ്ലസ് ഇന്ത്യയിൽ പ്രതീക്ഷിക്കുന്ന വിലയും വിൽപ്പന തീയതിയും: ഏറ്റവും പുതിയ ലീക്ക് റിപ്പോർട്ടുകൾ അനുസരിച്ച്, ഐഫോൺ 16 പ്രോയുടെ വില $1,099 ആയിരിക്കാം. അതേ സമയം ഏറ്റവും ഉയർന്ന ഐഫോൺ 16 പ്രോ മാക്‌സിന് $1,199 മുതൽ ആരംഭിക്കാം. പുതിയ പ്രോ വേരിയൻ്റുകൾ ഇന്ത്യൻ വിപണിയിൽ എത്തുമ്പോൾ ഐഫോൺ 15 പ്രോ സീരീസിനേക്കാൾ വില ഉണ്ടായേക്കാൻ ആണ് സാധ്യത.

ഐഫോൺ 16 പ്രോയുടെ അടിസ്ഥാന വേരിയൻ്റിന് ഏകദേശം 1 ലക്ഷം രൂപയോ അതിൽ കൂടുതലോ വിലയിൽ എത്താൻ സാധ്യത ഉണ്ട്. അതേ സമയം ഐഫോൺ 16 പ്രോയ്ക്ക് ഏകദേശം 1.2 ലക്ഷം രൂപയായിരിക്കാം. എന്നിരുന്നാലും, ഇവ വെറും ഊഹാപോഹങ്ങൾ മാത്രമാണ് എന്നത് ഓർക്കുക.

യഥാർത്ഥ വിലനിർണ്ണയ വിശദാംശങ്ങൾ ലോഞ്ച് ഇവൻ്റിൽ മാത്രമേ പുറത്ത് വിടുകയുള്ളു. പുതിയ ഐഫോൺ 16 പ്രോ മോഡലുകൾ ഔദ്യോഗിക ലോഞ്ച് കഴിഞ്ഞ് ഒരാഴ്ച മുതൽ പ്രീ-ഓർഡറിനായി ലഭ്യമാകും. അതേ സമയം മറ്റ് മോഡലുകൾ സെപ്റ്റംബർ മൂന്നാം അല്ലെങ്കിൽ നാലാമത്തെ ആഴ്ച മുതൽ വിൽപ്പനയ്ക്ക് ലഭ്യമാകും.

ഐഫോൺ 16 പ്രോ, ഐഫോൺ 16 പ്രോ മാക്സ് പ്രതീക്ഷിക്കുന്ന ഫീച്ചറുകളും സ്പെസിഫിക്കേഷനുകളും: വരാനിരിക്കുന്ന ഐഫോൺ 16 പ്രോയും ഐഫോൺ 16 പ്രോ മാക്സും നിരവധി ലീക്ക് റിപ്പോർട്ടുകളിൽ ഇടം നേടിയിട്ടുണ്ട്. അവയിൽ ചിലത് അവയുടെ സവിശേഷതകളെയും ഫീച്ചറുകളെയും കുറിച്ച് വിശദീകരിക്കുന്നുണ്ട്. ലീക്ക് റിപ്പോർട്ടുകളുടെ അടിസ്ഥാനത്തിൽ ഉള്ള 16 സീരിസിന്റെ സവിശേഷതകൾ എന്തൊക്കെ എന്ന് നോക്കാം.

ഡിസൈൻ: പ്രോ സീരീസിൽ ആപ്പിൾ സൂക്ഷ്മമായ മാറ്റങ്ങൾ വരുത്തിയേക്കാം. ഡെസേർട്ട് ടൈറ്റാനിയം എന്നറിയപ്പെടുന്ന ഒരു പുതിയ കളർ ഓപ്ഷനിൽ കമ്പനി പ്രവർത്തിക്കുന്നതായി റിപ്പോർട്ട് ചെയ്യുന്നു. അത് ഗോൾഡ് അല്ലെങ്കിൽ ഡാർക്ക് ബ്രൗൺ നിറമോ ആകാം. ഐഫോൺ 16 പ്രോ സീരീസിൽ കമ്പനിക്ക് ഒരു പുതിയ ക്യാപ്‌ചർ ബട്ടൺ ഉൾപ്പെടുത്തുമെന്നത് ശ്രദ്ധേയമാണ്.

ഐഫോൺ 16 സീരീസിൽ ഫോട്ടോകളും വീഡിയോകളും എടുക്കുന്നതിന് ഉള്ള ഫിസിക്കൽ ഷട്ടറായി പുതിയ ബട്ടൺ പ്രവർത്തിക്കും. ആക്ഷൻ ബട്ടൺ പഴയത് പോലെ തന്നെ നിലനിൽക്കും, കൂടാതെ ഐഫോൺ 15 പ്രോ സീരീസിൽ നിലവിലുള്ള അതേ തലത്തിലുള്ള കസ്റ്റമൈസേഷൻ വാഗ്ദാനം ചെയ്തേക്കാം.കൂടാതെ ഐഫോൺ 16 പ്രോ, ഐഫോൺ 16 പ്രോ മാക്സ് ഫോണുകൾ കറുപ്പ്, സിൽവർ, വൈറ്റ്, ഗ്രേ, ഡെസേർട്ട് ടൈറ്റാനിയം കളർ ഓപ്ഷനുകളിൽ വന്നേക്കാം.

ഡിസ്പ്ലെ: ഐഫോൺ 16 പ്രോ സീരീസ് ആണ് ആദ്യമായി, കുപെർട്ടിനോ അധിഷ്ഠിത ഭീമനായ സാംസങ്ങിൻ്റെ മുൻനിര M15 OLED പാനൽ അവതരിപ്പിക്കുന്നത്. മികച്ച ബ്രൈറ്റ്നസ്സും മെച്ചപ്പെട്ട പ്രകടനവും വാഗ്ദാനം ചെയ്യുന്നതിനാണ് ഏറ്റവും പുതിയ പാനൽ രൂപകൽപ്പന ചെയ്തിരിക്കുന്നത്. ഏറ്റവും പുതിയ ഐഫോൺ 16 പ്രോ, ഐഫോൺ 16 പ്രോ മാക്സ് ഫോണുകൾക്ക് 1200nits വരെ ബ്രൈറ്റ്നസ് വാഗ്ദാനം ചെയ്യാനാകും.

അതായത് നിലവിലെ വേരിയൻ്റുകളേക്കാൾ 20 ശതമാനം വർധന ആണ് 16 സീരീസിൽ ഉള്ളത്. അതിലും പ്രധാനമായി, ഈ വർഷത്തെ ഐഫോൺ പ്രോ മോഡലുകളും അല്പം വലിയ ഡിസ്പ്ലേകൾ അവതരിപ്പിക്കുമെന്ന് പ്രതീക്ഷിക്കുന്നു. ഐഫോൺ 16 പ്രോ 6.27 ഇഞ്ച് സ്‌ക്രീൻ പായ്ക്ക് ചെയ്യുമെന്ന് റിപ്പോർട്ട് ചെയ്യപ്പെടുന്നു. അതേ സമയം ഐഫോൺ 16 പ്രോ മാക്‌സിന് 6.85 ഇഞ്ച് ഡിസ്‌പ്ലേ ഉണ്ടായിരിക്കാം.

മാത്രമല്ല, വരാനിരിക്കുന്ന ഐഫോൺ 16 പ്രോ സീരീസിന് ഏതൊരു സ്മാർട്ട്‌ഫോണിലെയും ഏറ്റവും മെലിഞ്ഞ ബെസലുകൾ അവതരിപ്പിക്കാൻ കഴിയുമെന്ന് ഒന്നിലധികം റിപ്പോർട്ടുകൾ സൂചിപ്പിക്കുന്നു. ഐഫോൺ 16 പ്രോ മോഡലിന് 1.2 എംഎം ബെസലുകൾ ഉണ്ടെന്ന് റിപ്പോർട്ട് ചെയ്യപ്പെടുന്നു. അതേ സമയം മാക്‌സ് വേരിയൻ്റിന് 1.15 എംഎം ബെസലുകൾ വരാം.

പെർഫോമൻസും ഒ.എസ്സും: ആപ്പിളിൻ്റെ ഏറ്റവും പുതിയ എ18 പ്രോ ചിപ്‌സെറ്റ് ഏറ്റവും പുതിയ ഐഫോൺ 16 പ്രോയ്ക്കും ഐഫോൺ 16 പ്രോ മാക്‌സിനും ശക്തി പകരുന്നതായി റിപ്പോർട്ട് ഉണ്ട്. ബ്രാൻഡിൽ നിന്നുള്ള വരാനിരിക്കുന്ന ചിപ്‌സെറ്റ്, മെച്ചപ്പെടുത്തിയ ന്യൂറൽ എഞ്ചിനിനൊപ്പം കൂടുതൽ കോറുകൾ വാഗ്ദാനം ചെയ്യുമെന്ന് റിപ്പോർട്ട് ചെയ്യുന്നു. ഇത് രണ്ട് മോഡലുകളുടെയും എഐ പ്രകടനം കൂടുതൽ മെച്ചപ്പെടുത്തും.

കൂടാതെ, ഡബ്ല്യുഡബ്ല്യുഡിസി 2024ൽ ടീസർ ചെയ്‌ത ആപ്പിൾ ഇൻ്റലിജൻസ് ആദ്യമായി ലഭിക്കുന്നത് ഈ സീരീസിൽ ആയിരിക്കും. മെച്ചപ്പെട്ട തെർമൽ മാനേജ്‌മെൻ്റിനായി ഐഫോൺ മോഡലുകൾ ഗ്രാഫീൻ ഷീറ്റുകൾ പായ്ക്ക് ചെയ്യുന്നതായും റിപ്പോർട്ടുണ്ട്. കൂടാതെ, 256 ജിബി, 512 ജിബി, 1 ടിബി സ്റ്റോറേജ് ഓപ്ഷനുകൾ ലഭ്യമാകുമെന്ന് പ്രതീക്ഷിക്കാം.

ക്യാമറ: ഐഫോൺ 16 പ്രോ, ഐഫോൺ 16 പ്രോ മാക്‌സ് മോഡലുകളിലും ആപ്പിൾ ക്യാമറകൾ നവീകരിക്കുന്നതായി ആണ് റിപ്പോർട്ട്. 48 മെഗാപിക്സൽ പ്രൈമറി സെൻസറുള്ള ട്രിപ്പിൾ ക്യാമറ സജ്ജീകരണവും ഐഫോൺ 16 പ്രോ, ഐഫോൺ 16 പ്രോ മാക്സ് എന്നിവയ്‌ക്കായി യഥാക്രമം 5x ഡിജിറ്റൽ, 25x ഡിജിറ്റൽ സൂം ഉള്ള ടെലിഫോട്ടോ ലെൻസും മോഡലുകളിൽ അവതരിപ്പിക്കും.

എന്നിരുന്നാലും, 16 പ്രോ, 16 പ്രോ മാക്സ് എന്നീ രണ്ട് മോഡലുകളിലും മൂന്നാമത്തെ ക്യാമറ സെൻസറായി ഒരു പുതിയ 48 മെഗാപിക്സൽ അൾട്രാ വൈഡ് ആംഗിൾ ലെൻസ് കണ്ടേക്കാം. ഫ്രണ്ടിൽ, ഐഫോൺ 15 പ്രോ സീരീസിൽ നിലവിൽ ഉള്ള അതേ സെൽഫി ക്യാമറ ഇതിലും ഉണ്ടാകുമെന്ന് പ്രതീക്ഷിക്കാം.

ബാറ്ററിയും മറ്റ് വിശദാംശങ്ങളും: വരാനിരിക്കുന്ന ഐഫോൺ 16 പ്രോയും ഐഫോൺ 16 പ്രോ മാക്സും അവയുടെ മുൻഗാമികളെ അപേക്ഷിച്ച് മികച്ച ബാറ്ററി ലൈഫ് പാക്ക് ചെയ്യുമെന്ന് റിപ്പോർട്ട് ചെയ്യുന്നു. ഐഫോൺ 16 പ്രോ മോഡൽ 3,355 എംഎഎച്ച് ബാറ്ററി പായ്ക്ക് ചെയ്യുമെന്ന് റിപ്പോർട്ടിൽ സൂചിപ്പിക്കുന്നുണ്ട്.

അതേ സമയം ഐഫോൺ 16 പ്രോ മാക്‌സ് 4,676 എംഎഎച്ച് ബാറ്ററി വാഗ്ദാനം ചെയ്തേക്കാം. ഇത് കൂടാതെ, രണ്ട് മോഡലുകളിലും മികച്ച ഫാസ്റ്റ് ചാർജിംഗ് പിന്തുണ ഉണ്ടായിരിക്കുമെന്നും റിപ്പോർട്ടുണ്ട്. 40W വയർഡ് ചാർജിംഗും 20W വയർലെസ് ചാർജിംഗ് സപ്പോർട്ടും ഈ ഹാൻഡ്‌സെറ്റുകളിൽ വന്നേക്കാം.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന് ഉറപ്പാണ്.