മികച്ച കിഴിവുകളുമായി ആപ്പിൾ ഐഫോൺ 11 ആമസോൺ പ്രൈം ഡേയ് സെയിലിൽ വിൽപ്പനയ്ക്ക്

6.1 ഇഞ്ച് ഡിസ്‌പ്ലേയാണ് ഐഫോൺ 11ൽ നൽകിയിരിക്കുന്നത്. ഇതിൽ വരുന്ന ഡിസ്‌പ്ലേയ്ക്ക് എഫ്‌എച്ച്ഡി + റെസലൂഷൻ, 2.5 ഡി ടെമ്പർഡ് ഗ്ലാസ് പ്രോട്ടക്ഷൻ എന്നിവയും നൽകിയിട്ടുണ്ട്. ഡിസ്‌പ്ലേയുടെ മുകൾ ഭാഗത്തായി ഒരു നോച്ച് നൽകിയിട്ടുണ്ട്. ഈ ഐഫോണിൻറെ വശങ്ങളിൽ മെറ്റൽ ഫ്രെയിമാണ് നൽകിയിട്ടുള്ളത്. ഇത് കൂടാതെ മുന്നിലും പിറകിലുമായി ഗ്ലാസ് നൽകിയിട്ടുണ്ട്. സെക്കണ്ട് ജനറേഷൻ 7 എൻ‌എം ഫാബ്രിക്കേഷൻ ബേസ്ഡ് ഐഫോൺ 11 ആപ്പിൾ എ13 ബയോണിക് എസ്ഒസിയുടെ കരുത്തിലാണ് പ്രവർത്തിക്കുന്നത്. ഈ ചിപ്പ്സെറ്റ് എല്ലാതരം ഗെയിമുകളും മൾട്ടിടാസ്കിങും സപ്പോർട്ട് ചെയ്യുന്നു.

ഐഫോൺ 11 മൂന്ന് സ്റ്റോറേജ് വേരിയന്റുകളിലാണ് ഇന്ത്യൻ വിപണിയിൽ ലഭ്യമായിട്ടുള്ളത്. 64 ജിബി, 128 ജിബി, 256 ജിബി എന്നിവയാണ് ഈ ഐഫോണിൻറെ സ്റ്റോറേജ് വേരിയന്റുകൾ. ബ്ലാക്ക്, ഗ്രീൻ, പ്രൊഡക്ട് റെഡ്, പർപ്പിൾ, യെല്ലോ, വൈറ്റ് എന്നീ ആറ് വ്യത്യസ്ത കളർ ഓപ്ഷനുകളിൽ‌ ഈ ഐഫോൺ സ്വന്തമാക്കാൻ സാധിക്കും. ഈ വേരിയന്റുകളെല്ലാം തന്നെ നിലവിൽ ആമസോണിൽ വമ്പിച്ച വിലക്കിഴിവിൽ ലഭ്യമാണ്.

ഐഫോൺ 11 ൻറെ പുറകിലത്തെ പാനലിൽ രണ്ട് ക്യാമറകളാണുള്ളത്. ഈ രണ്ട് ക്യാമറകളും 12 എംപി സെൻസറുകളാണ്. മുൻവശത്ത് സെൽഫികൾക്കും വീഡിയോ കോളുകൾക്കുമായി 12 എംപി സെൻസർ തന്നെയാണ് നൽകിയിട്ടുള്ള്. ഈ ഹാൻഡ്‌സെറ്റിൻറെ പിൻ, മുൻ ക്യാമറകൾ 60 എഫ്പിഎസിൽ 4 കെ വീഡിയോ റെക്കോർഡിങ് സപ്പോർട്ട് ചെയ്യുന്നു. നൈറ്റ് മോഡ്, ഒ‌ഐ‌എസ്, പോർട്രെയിറ്റ് മോഡ് എന്നിവ അടക്കമുള്ള മികച്ച ക്യാമറ ഫീച്ചറുകളും ഈ ക്യാമറ സംവിധാനം നൽകുന്നുണ്ട്. 3,110 ബാറ്ററിയാണ് ഈ ഐഫോണിൽ നൽകിയിരിക്കുന്നത്. ഐപി 68 റേറ്റ് ചെയ്ത വാട്ടർ റസിറ്റൻസും ഇതിലുണ്ട്. ഐഫോൺ എക്സ്ആർ പോലെ, ഈ ഐഫോൺ നിങ്ങൾക്ക് ദിവസം മുഴുവൻ ബാറ്ററി ലൈഫ് നൽകുന്നു, ഒപ്പം സമയബന്ധിതമായ അപ്‌ഡേറ്റുകളും ഐഒഎസ് നൽകുന്നു.