ആപ്പിൾ ഐഫോൺ ഇന്ത്യയിൽ ഉൽപാദിപ്പിച്ചാൽ ഉണ്ടാകുന്ന 6 നേട്ടങ്ങൾ

ആപ്പിൾ ഐഫോണുകളുടെ വിലകുറയുമെന്നതിൽ സംശയം വേണ്ട

രാജ്യത്തെ ഏറ്റവും വിലകൂടിയ ഫോണുകളിൽ ഒന്നാണ് ഐഫോൺ. ഐഫോൺ സ്വന്തമാക്കുക എന്നത് ഒരു സ്റ്റാറ്റസ്സിന്റെ ഭാഗമാണിപ്പോൾ. പഴയ മോഡലുകൾക്കും പ്രിയമേറെയാണ്. ഇന്ത്യയിൽ ഐഫോണിന്റെ വില കൂടാൻ കാരണം അതിന്റെ ഇറക്കുമതി തീരുവയാണ്.

ചൈനയിൽ നിന്നും അമേരിക്കയിൽ നിന്നുമാണ് ഫോണുകൾ ഇപ്പോൾ ഇറക്കുമതി ചെയ്യുന്നത്. ഇന്ത്യയിൽ ഉൽപാദിപ്പിക്കപ്പെട്ടാൽ ഇറക്കുമതിത്തീരുവ കുറച്ചുള്ള വിലമാത്രമേ ഫോണിന് വരുകയുള്ളു. ഇത് വില ഒരുപാട് കുറയുവാൻ ഇടയാക്കും.

ഫോണിന്റെ ലഭ്യത വർദ്ധിക്കും

ഇന്ത്യയിൽ ഉൽപാദിപ്പിക്കപ്പെടാത്തതിനാൽ ഐഫോണിന്റെ ലഭ്യത വിതരണക്കാരെയും ഓൺലൈൻ വിതരണക്കാരെയും ആശ്രയിച്ചാണിരിക്കുന്നത്. രാജ്യത്തിന്റെ പലയിടത്തും ഇത് ലഭ്യമാകണമെന്നില്ല. അംഗീകൃത വ്യാപാരികളുടെ കുറവും ഇപ്പോളുണ്ട്. ഫോൺ കേടുവന്നാൽ അത് നേരെയാക്കാനുള്ള താമസവും ഇപ്പോളുണ്ട്. ഇതെല്ലം ഇന്ത്യയിൽ ഉൽപാദനം ആരംഭിക്കുന്നതോടെ പരിഹരിക്കാൻ സാധിക്കും.

നീണ്ട വരിയിൽ നിൽക്കാതെ ഫോൺ സ്വന്തമാക്കാം

ആപ്പിൾ ഫോൺ ഇന്ത്യയിൽ റിലീസ് ചെയ്‌താൽ ക്രോമ പോലുള്ള വിതരണക്കാരുടെ സ്റ്റോറിന് മുൻപിൽ നീണ്ടവരി പതിവാണ്. ഇന്ത്യയിൽ ഉൽപാദനം തുടങ്ങിയാൽ രാജ്യത്തിന്റെ പല ഭാഗത്തും കമ്പനിക്ക് സ്റ്റോറുകൾ തുറക്കാനാകും. ഇത് വഴി പെട്ടെന്ന് തന്നെ ഫോൺ സ്വന്തമാക്കാൻ സാധിക്കും.

ഷോപ്പിംഗ് സമയം ലാഭിക്കാം

ആപ്പിൾ ഫോൺ പ്രഖ്യാപിച്ചു കഴിഞ്ഞാൽ അത് ഇന്ത്യയിലെത്താൻ മാസങ്ങളെടുക്കും. ലോകത്തിന്റെ മറ്റിടങ്ങളിൽ വില്പന കഴിഞ്ഞാണ് ഫോണുകൾ ഇന്ത്യയിലെത്തുന്നത്.

ഇത് ഫോൺ ലഭിക്കാനുള്ള കാലതാമസത്തിനിടയാക്കും. ഇന്ത്യയിൽ ഫോൺ ഉൽപാദിപ്പിക്കപ്പെട്ടാൽ ഉടൻ തന്നെ നമുക്ക് ഫോണുകൾ ലഭിച്ചു തുടങ്ങും.

രാജ്യാന്തര പർച്ചേസുകളുടെ ആവശ്യമില്ല

ആളുകൾ മറ്റു രാജ്യങ്ങളിൽ നിന്ന് ഐഫോൺ വാങ്ങുന്നത് സാധാരണയാണ്. പെട്ടെന്ന് ലഭിക്കുന്നതും ഇന്ത്യയിലേക്കാൾ അവിടെ വില കുറഞ്ഞവയുമാണ് മറ്റു രാജ്യങ്ങളിൽ നിന്ന് ലഭിക്കുന്ന ഐഫോണുകൾ. ഇത് ആളുകളെ അവിടെ നിന്ന് ഫോൺ വാങ്ങാൻ പ്രേരിപ്പിക്കുന്നു. എന്നാൽ ഇങ്ങനെ വാങ്ങുന്ന ഫോണുകൾക്ക് വാറണ്ടി ലഭ്യമല്ല. ഇന്ത്യയിൽ ഫോണുകൾ ലഭ്യമായാൽ ഇത്തരം രാജ്യാന്തര പർച്ചേസുകൾ കുറയുന്നു.

നേട്ടം ഉപഭോക്താവിന് മാത്രമല്ല

ഇതിലൂടെ ഉപഭോക്താവിന് മാത്രമല്ല ആപ്പിളിനും ഒരുപാട് നേട്ടങ്ങളുണ്ട്. ഇറക്കുമതി തീരുവകളും മറ്റു ടാക്സുകളും പിന്നീട് കമ്പനിക്ക് അടയ്‌ക്കേണ്ടി വരില്ല. ഷിപ്പിംഗ് ചിലവുകൾ ആപ്പിളിന് കുറയ്ക്കാനും സാധിക്കും. വിലക്കുറവിൽ ഫോൺ വിറ്റാലും കമ്പനിക്ക് നല്ല ലാഭം ഇന്ത്യയിൽ നിന്നുണ്ടാകും.

ന്യൂ സ്മാർട്ട്ഫോണുകൾ മികച്ച ഓൺലൈൻ ഇടപാടുകൾക്കായി ഇവിടെ ക്ലിക്ക്