ആപ്പിള്‍ ഐഫോണ്‍ X, ഐഫോണ്‍ 8 പ്ലസ്, ഐഫോണ്‍ 8: അത്യാകര്‍ഷകമായ ഫോണുകള്‍!

ഐഫോണ്‍ X

ഇന്നലെ അവതരിപ്പിച്ച മൂന്നു ഫോണുകളില്‍ ഏറ്റവും വ്യത്യസ്ഥമായ ഫോണാണ് ഐഫോണ്‍ X. ഈ ഫോണിന് ഹോം ബട്ടണ്‍ ഇല്ല. അതിനു പകരം ഫേസ് ഐഡി ആണ്. ഈ ഫോണ്‍ കൈയ്യില്‍ എടുക്കുമ്പോള്‍ അല്ലെങ്കില്‍ ,സ്‌ക്രീന്‍ ടച്ച് ചെയ്യുമ്പോള്‍ ഫോണ്‍ ഓണ്‍ ആകും. എന്നാല്‍ അണ്‍ലോക്ക് ചെയ്യാന്‍ നിങ്ങളുടെ മുഖത്തിനു നേരെ പിടിക്കണം.

5.8 ഇഞ്ച് സൂപ്പര്‍ റെറ്റിന ഡിസ്‌പ്ലേ, 2436X458 സ്‌ക്രീന്‍ റസൊല്യൂഷന്‍, 64ബിറ്റ് പ്രോസസര്‍/ 256ജിബി വേരിയന്റ്, 12എംപി ഡ്യുവല്‍ ക്യാമറ എന്നിവ ഐഫോണ്‍ X ന്റെ സവിശേഷതകളാണ്.

എയര്‍പവര്‍ വയര്‍ലെസ് ചാര്‍ജ്ജര്‍

എയര്‍പവര്‍ എന്ന വയര്‍ലെസ് ചാര്‍ജ്ജിങ്ങി പാഡ് ഉപയോഗിച്ച് ഐഫോണ്‍, വാച്ച്, ഇയര്‍ പോഡ് എന്നവ ഒരേ സമയം ചാര്‍ജ്ജ് ചെയ്യാം. എന്നാല്‍ ഇത് അടുത്ത വര്‍ഷമാണ് വിപണിയില്‍ ലഭ്യമാകുന്നത്.

ഐഫോണ്‍ 8/ 8 പ്ലസ്

ഈ രണ്ട് ഫോണുകളും മൂന്നു നിറങ്ങളിലാണ് അവതരിപ്പിച്ചിരിക്കുന്നത്; സില്‍വര്‍, സ്‌പേസ് ഗ്രേ, ഗോള്‍ഡ് എന്നിങ്ങനെ. ഐഫോണ്‍ 8ന് 4.7 ഇഞ്ച് ഡിസ്‌പ്ലേ, ഐഫോണ്‍ 8 പ്ലസിന് 5.5ഇഞ്ച് ഡിസ്‌പ്ലേ എന്നിങ്ങനെയാണ്. പുതിയ വേരിയന്റുകള്‍ക്ക് ഏറ്റവും പുതിയ സ്റ്റീരിയോ സ്പീക്കറുകളും ശക്തിയേറിയ A11 ബയോണിക് ചിപ്പുമാണ് ഉള്‍പ്പെടുത്തിയിരിക്കുന്നത്. A10 ചിപ്പിനേക്കാളും A11 ബയോണിക് ചിപ്പ് 70% വേഗത കൂടുതലാണ് ഐഫോണ്‍ 7ല്‍ ഉപയോഗിച്ചിരിക്കുന്നത്.

ഐഫോണ്‍ 8 പ്ലസിന് ഡ്യുവല്‍ ക്യാമറ, അപ്പര്‍ച്ചര്‍ f/1.8, f/2.8 ഉും 12എംപി ക്യാമറയില്‍ ആഴമേറിയ പിക്‌സലുകളും പുതിയ വര്‍ണ്ണത്തിലുമുളള ഫില്‍റ്ററുകളുമാണ്. ഈ രണ്ട് ഫോണുകള്‍ക്കും വയര്‍ലെസ് ചാര്‍ജ്ജിങ്ങ് ആണ്. 32ജിബി, 256ജിബി, 512ജിബി എന്നി വേരിയന്റുകളിലാണ് ഈ രണ്ട് ഫോണുകളും ലഭിക്കുന്നത്.

ആപ്പിള്‍ വാച്ച് സീരീസ്

ആപ്പിള്‍ വാച്ച് സീരീസ് 3 അവതരിപ്പിക്കുന്ന സമയത്ത് കുക്ക് പറഞ്ഞു, ആപ്പിള്‍ വാച്ച് ലോകത്തിലെ നമ്പര്‍ വണ്‍ വാച്ചാണെന്ന്. വ്യത്യസ്ഥ വേരിയന്റുകളിലാണ് ആപ്പിള്‍ വാച്ച് എത്തിയിരിക്കുന്നത്. സെപ്തംബര്‍ 22 മുതല്‍ ആപ്പിള്‍ വാച്ച് ലഭിച്ചു തുടങ്ങും.