ഐ എഫ് എ 2012 ല്‍ പുതിയ ആറ് ആന്‍ഡ്രോയ്ഡ് ഉപകരണങ്ങള്‍ പുറത്തിറക്കിയ ഹ്യുവേയ് എന്ന ചൈനീസ് കമ്പനിയുമായ് ചേര്‍ന്ന് സ്‌പൈസ് , എസ് ഹ്യുവേയ് അസെന്‍ഡ് വൈ 100 എന്ന പേരില്‍ എന്‍ട്രി ലെവല്‍ സ്മാര്‍ട്ട്‌ഫോണ്‍ പുറത്തിറക്കി. സ്‌പൈസുമായി ചേര്‍ന്ന് , ഇന്ത്യന്‍ വിപണിയില്‍ ഒരേ വിലനിലവാരമുള്ള സാംസങ് ഗാലക്‌സി വൈ മോഡലുമായി ഒരു തുറന്ന യുദ്ധത്തിനുള്ള ഒരുക്കത്തിലാണോ ഹ്യുവേയ് എന്ന് സംശയിക്കേണ്ടിയിരിക്കുന്നു.

106 x 56 x 10.9 mm വലിപ്പമുള്ള ഈ മോഡലിന്റെ ഭാരം 100 ഗ്രാം ആണ്. 2.8 ഇഞ്ച് ടി എഫ് ടി കപ്പാസിറ്റീവ് ടച്ച് സ്‌ക്രീനിന് 320x240 പിക്‌സല്‍ റെസല്യൂഷനുണ്ട്. 800MHz ക്വാല്‍കോം സ്‌നാപ്ഡ്രാഗണ്‍ MSM7225A പ്രൊസസ്സറാണ് ഇതില്‍ ഉപയോഗിച്ചിരിക്കുന്നത്. ഇനി ഓ എസ്സിന്റെ കാര്യമെടുത്താല്‍ ആന്‍ഡ്രോയ്ഡ് 2.3 ജിഞ്ചര്‍ ബ്രെഡ് ആണ് അസെന്‍ഡ് വൈ 100 ല്‍ പ്രവര്‍ത്തിക്കുന്നത്.

3.2 എം പി പിന്‍ ക്യാമറയുള്ള ഈ മോഡലില്‍ പക്ഷെ ഒരു മുന്‍ ക്യാമറയുടെ അഭാവം പ്രകടമാണ്. 512 എം ബി ആന്തരിക മെമ്മറിയും, 256 എം ബി റാമും 32 ജി ബി വരെ വര്‍ദ്ധിപ്പിക്കാവുന്ന ബാഹ്യ മെമ്മറിയുമുണ്ട്. 3ജി, വൈ-ഫൈ 802.11 b/g/n, ബ്ലൂടൂത്ത് v2.1+EDR, ജി പി എസ/ aജി പി എസ് തുടങ്ങിയവയാണ് കണക്ടിവിറ്റി സാധ്യതകള്‍. 300 മണിക്കൂര്‍ സ്റ്റാന്‍ഡ് ബൈയും 5 മണിക്കൂര്‍ സംസാര സമയവും നല്‍കാന്‍ കഴിവുള്ളതാണ് ഇതിന്റെ ബാറ്ററി എന്നാണ് കമ്പനി അവകാശപ്പെടുന്നത്.

സഹോളിക് എന്ന ഓണ്‍ലൈന്‍ സ്‌റ്റോറില്‍ നിന്ന് 5990 രൂപയ്ക്ക് ഫോണ്‍ ലഭ്യമാണ്. ഒരാഴ്ചയ്ക്കുള്ളില്‍ ഹോട്ട്‌സ്‌പോട്ട് പോലെയുള്ള സ്‌റ്റോറുകളിലും ഇത് ലഭ്യമാകും.

Read more about:

• android
• smartphone
• സ്മാര്‍ട്ട്‌ഫോണ്‍
• spice
• സ്‌പൈസ്
• huawei
• ആന്‍ഡ്രോയ്ഡ്
• ഹ്യുവേയ്