സ്‌നാപ്ഡ്രാഗൺ 888 SoC പ്രോസസറുമായി അസ്യൂസ് സെൻ‌ഫോൺ 8 ഫ്ലിപ്പ് അവതരിപ്പിച്ചു: വിലയും, സവിശേഷതകളും

അസ്യൂസ് സെൻഫോൺ 8 ഫ്ലിപ്പ് സ്മാർട്ഫോണിൻറെ വിലയും, ലഭ്യതയും

അസ്യൂസ് സെൻഫോൺ 8 ഫ്ലിപ്പ് മോഡലിൻറെ 8 ജിബി + 256 ജിബി സ്റ്റോറേജ് വേരിയന്റിന് യൂറോ 799 (ഏകദേശം 71,000 രൂപ) വിലയുണ്ട്. നിലവിൽ യൂറോപ്പിലും തായ്‌വാനിലും ഗാലക്‌ടിക് ബ്ലാക്ക്, ഗ്ലേസിയർ സിൽവർ കളർ ഓപ്ഷനുകളിൽ പ്രീ-ഓർഡറുകൾക്കായി ഈ സ്മാർട്ഫോൺ ലഭ്യമാണ്.

അസ്യൂസ് സെൻ‌ഫോൺ 8 ഫ്ലിപ്പ് സ്മാർട്ഫോണിൻറെ സവിശേഷതകൾ

ഡ്യുവൽ നാനോ സിമ്മുള്ള അസ്യൂസ് സെൻഫോൺ 8 ഫ്ലിപ്പിൽ ആൻഡ്രോയിഡ് 11 അധിഷ്ഠിത സെനുയു 8 ഓപ്പറേറ്റിംഗ് സിസ്റ്റത്തിൽ പ്രവർത്തിക്കുന്നു. 20: 9 ആസ്പെക്റ്റ് റേഷിയോയും, 1,000 നിറ്റ്‌സ് പീക്ക് ബറൈറ്നെസുമുള്ള 6.67 ഇഞ്ച് ഫുൾ എച്ച്ഡി + (1,080x2,400 പിക്‌സൽ) 90 ഹെർട്സ് സാംസങ് അമോലെഡ് ഡിസ്‌പ്ലേയാണ് നൽകിയിരിക്കുന്നത്. മുകളിൽ ഒരു കോർണിംഗ് ഗോറില്ല ഗ്ലാസ് 6 സുരക്ഷയുമുണ്ട്. 8 ജിബി എൽപിഡിഡിആർ 5 റാമിനൊപ്പം ഒക്ടാ കോർ ക്വാൽകോം സ്‌നാപ്ഡ്രാഗൺ 888 SoC പ്രോസസറാണ് ഈ സ്മാർട്ട്‌ഫോണിന് മികച്ച പ്രവർത്തനക്ഷമത നൽകുന്നത്.

അസ്യൂസ് സെൻ‌ഫോൺ 8 ഫ്ലിപ്പ് സ്മാർട്ഫോണിൻറെ ക്യാമറ സവിശേഷതകൾ

സ്റ്റെപ്പർ മോട്ടോറും ആംഗിൾ സെൻസറും ഉൾപ്പെടുന്ന സെൻഫോൺ 8 ഫ്ലിപ്പിൽ ട്രിപ്പിൾ റൊട്ടിംഗ് ക്യാമറ സംവിധാനം അസ്യൂസ് ഇതിൽ അവതരിപ്പിക്കുന്നു. ക്യാമറ സെറ്റപ്പിൽ എഫ് / 1.8 ലെൻസുള്ള 64 മെഗാപിക്സൽ സോണി ഐഎംഎക്സ് 686 പ്രൈമറി സെൻസർ, എഫ് / 2.2 അൾട്രാ വൈഡ് ലെൻസുള്ള 12 മെഗാപിക്സൽ സോണി ഐഎംഎക്സ് 363 സെക്കൻഡറി സെൻസർ, 8 മെഗാപിക്സൽ ടെലിഫോട്ടോ ഷൂട്ടർ എന്നിവ 3x ഒപ്റ്റിക്കൽ സൂം നൽകുന്നു. പ്രൈമറി ക്യാമറ സെൻസറിൽ 'ഡ്യൂവൽ-ഫേസ് ഡിറ്റക്ഷൻ' ഓട്ടോഫോക്കസും ഉണ്ട്. മുൻവശത്തേക്ക് മാറ്റിപിടിക്കുമ്പോൾ കറങ്ങുന്ന ക്യാമറ സെൽഫി ക്യാമറയായി മാറുന്നു.

സെൻഫോൺ 8 ഫ്ലിപ്പ് സ്മാർട്ഫോണിന് 256 ജിബി യുഎഫ്എസ് 3.1 സ്റ്റോറേജുണ്ട്. 5 ജി, 4 ജി എൽടിഇ, വൈ-ഫൈ 6/6 ഇ, ബ്ലൂടൂത്ത് വി 5.2, ജിപിഎസ് / എ-ജിപിഎസ് / നാവിക്, എൻ‌എഫ്‌സി, എഫ്എം റേഡിയോ, യുഎസ്ബി ടൈപ്പ്-സി പോർട്ട് എന്നിവ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു. ഓൺ‌ബോർഡ് സെൻസറുകളിൽ ആക്‌സിലറോമീറ്റർ, ആംബിയന്റ് ലൈറ്റ് സെൻസർ, ഗൈറോസ്‌കോപ്പ്, മാഗ്നെറ്റോമീറ്റർ, പ്രോക്‌സിമിറ്റി സെൻസർ എന്നിവ ഉൾപ്പെടുന്നു. ഇൻ-ഡിസ്പ്ലേ ഫിംഗർപ്രിന്റ് സെൻസറും ഫോണിൽ ഉൾപ്പെടുന്നുണ്ട്. സാധാരണ സെൻ‌ഫോൺ 8 പോലെ, സെൻ‌ഫോൺ 8 ഫ്ലിപ്പിൽ ട്രിപ്പിൾ മൈക്രോഫോണുകൾക്കൊപ്പം ഓസോ ഓഡിയോ സൂം, അസ്യൂസ് നോയ്സ് റിഡക്ഷൻ സാങ്കേതികവിദ്യകളും വരുന്നു. ഡിറാക് എച്ച്ഡി സൗണ്ടുള്ള ഡ്യുവൽ സ്റ്റീരിയോ സ്പീക്കറുകളും സ്മാർട്ട്‌ഫോണിലുണ്ട്. ക്വിക്ക് ചാർജ് 4.0, പവർ ഡെലിവറി എന്നിവയ്ക്കൊപ്പം 5,000 എംഎഎച്ച് ബാറ്ററിയാണ് ഇതിൽ നൽകിയിട്ടുള്ളത്.