പഞ്ച്-ഹോൾ കട്ട്ഔറ്റുമായി വരുന്ന അസ്യൂസ് സെൻഫോൺ 8ൽ ഫ്ലിപ്പ് ക്യാമറയില്ലെന്ന് വെളിപ്പെടുത്തി ടീസർ വീഡിയോ

ഈ ഹാൻഡ്‌സെറ്റ് ഉയർന്ന റിഫ്രഷ് റേറ്റ് ഡിസ്‌പ്ലേയിലോ അല്ലെങ്കിൽ ശക്തമായ പ്രോസസറിലോ വരുമെന്നും സുഗമമായ പ്രകടനം നൽകുമെന്നും ഒരു ടീസർ പോസ്റ്റിൽ അസ്യൂസ് വ്യക്തമാക്കി. ട്വീറ്റിനൊപ്പം ഉൾച്ചേർത്ത വീഡിയോയിൽ വരാനിരിക്കുന്ന ഹാൻഡ്‌സെറ്റിൻറെ മുൻവശത്തെ ഒരു ആനിമേറ്റുചെയ്‌ത രൂപരേഖയും പഞ്ച്-ഹോൾ കട്ട്ഔട്ട് കാണിക്കുന്നു. പ്രീമിയം അസ്യൂസ് സെൻഫോൺ 8 ഫ്ലിപ്പ് മോഡലിൽ ഒരു ഫ്ലിപ്പ്-അപ്പ് ക്യാമറ ഉണ്ടായിരിക്കുമെന്ന് പറയപ്പെടുന്നു.

മുൻ റിപ്പോർട്ടുകൾ പ്രകാരം, സെൻഫോൺ 8 സീരീസിലെ എല്ലാ ഡിവൈസുകളിലും കുറഞ്ഞത് 120Hz ഡിസ്പ്ലേ ഉണ്ടായിരിക്കും. മാത്രവുമല്ല, 16 ജിബി വരെ റാമും ക്വാൽകോം സ്‌നാപ്ഡ്രാഗൺ 888 SoC പ്രോസസറും ഉണ്ടായിരിക്കും. എക്സ്ഡി‌എ ഡവലപ്പർ‌മാരുടെ റിപ്പോർട്ട് അനുസരിച്ച്, ഈ മൂന്ന് സ്മാർട്ട്ഫോണുകളുടെയും പേര് "സാക്ക്", "പിക്കാസോ", "വോഡ്ക" എന്നിവയാണ്. അസ്യൂസ് റോഗ് ഫോൺ 5 ൻറെ കേർണൽ സോഴ്‌സ് കോഡിനും ഫേംവെയറിനകത്തും ഈ കോഡ് നെയിമിൻറെ റഫറൻസുകൾ കണ്ടെത്തിയിട്ടുണ്ട്.

സെൻഫോൺ 8 സീരീസ് ഇന്ത്യയിൽ ലോഞ്ച് ചെയ്യുമോ?

സെൻഫോൺ 6 സീരീസ് വരെ അസ്യൂസ് അതിൻറെ എല്ലാ ഡിവൈസുകളും ഇന്ത്യയിൽ അവതരിപ്പിച്ചു. എന്നാൽ, കഴിഞ്ഞ വർഷം സെൻഫോൺ 7 രാജ്യത്ത് അവതരിപ്പിച്ചിട്ടുണ്ടായിരുന്നില്ല. രാജ്യത്ത് ഇപ്പോഴും റോഗ് സ്മാർട്ട്ഫോൺ സീരീസ് അവതരിപ്പിക്കുന്നത് തുടരുന്നു. ഈ സ്മാർട്ഫോൺ സീരിസിൻറെ കൂടുതൽ വിശദാംശങ്ങൾ നമുക്ക് കാത്തിരുന്ന് കാണാം.