ഈ മാസം വാങ്ങാവുന്ന 7000 രൂപയ്ക്കുളളിലെ മികച്ച ഫോണുകള്‍

Realme C1

ഏറ്റവും വെളിച്ചമേറിയ ഡിസ്‌പ്ലേ ഫോണാണ് റിയല്‍മീ സി1. കൂടാതെ 20 മണിക്കൂര്‍ 23 മിനിറ്റ് നീണ്ടു നില്‍ക്കുന്ന ബാറ്ററി ലൈഫാണ് ഈ ഫോണില്‍. അതായത് 4230എംഎഎച്ച് ബാറ്ററി. 4ജി വോള്‍ട്ട് പിന്തുണയാണ് ഫോണിന്റെ മറ്റൊരു സവിശേഷത. റിയല്‍മീയുടെ ക്യാമറയില്‍ ഏറ്റവും മികച്ച ചിത്രങ്ങള്‍ പകര്‍ത്താന്‍ കഴിയും.

മൂന്നൂ വേരിയന്റുകളിലാണ് ഈ ഫോണ്‍ രാജ്യത്ത് എത്തിയിരിക്കുന്നത്. 2ജിബി+ 16ജിബി, 2ജിബി+32ജിബി, 3ജിബി+32ജിബി എന്നിവയില്‍. എന്നാല്‍ 2ജിബി+16ജിബി വേരിയന്റ് മാത്രമാണ് 7000 രൂപയ്ക്കുളളില്‍ ലഭ്യമാകുന്നത്.

Redmi 6A

ബജറ്റ് സ്മാര്‍ട്ട്‌ഫോണ്‍ ലിസ്റ്റിലെ മറ്റൊരു മികച്ച ഫോണാണ് റെഡ്മി 6A. വ്യത്യസ്ഥ ക്യാമറ സെറ്റപ്പോടു കൂടിയാണ് ഈ ഫോണ്‍ എത്തിയിരിക്കുന്നത്. കൂടാതെ ഏറ്റവും മികച്ച ആപ്ലിക്കേഷനുകളാണ് ഈ ഫോണില്‍. ക്യാമറ സവിശേഷതകളും വളരെ ആകര്‍ഷണീയമാണ്.

13 മണിക്കൂര്‍ 22 മിനിറ്റ് വരെ നീണ്ടു നില്‍ക്കുന്ന ബാറ്ററി സവിശേഷതയാണ് റെഡ്മി 6Aയ്ക്ക്. രണ്ട് വേരിയന്റുകളിലാണ് ഈ ഫോണ്‍ വിപണിയില്‍ എത്തിയിരിക്കുന്നത്. 2ജിബി+16ജിബി 2ജിബി+32ജിബി എന്നിങ്ങനെ.

Asus ZenFone Lite L1

അസ്യൂസിന്റെ മറ്റൊരു ബജറ്റ് ഫോണാണ് അസ്യൂസ് സെന്‍ഫോണ്‍ ലൈറ്റ് L1. ഫോണിന് ചെറിയ സ്‌ക്രീന്‍ ആയതിനാല്‍ ഒരു കൈ കൊണ്ടു തന്നെ നിങ്ങള്‍ക്ക് ഉപയോഗിക്കാം.

ഫോണിന്റെ ഉപയോക്തൃത ഇന്റര്‍ഫേസ് സുഗമമാണ്, എങ്കിലും പശ്ചാത്തലത്തില്‍ പ്രവര്‍ത്തിക്കുന്ന ഒന്നിലധികം ആപ്ലിക്കേഷനുകള്‍ ഉണ്ടാകുമ്പോള്‍ അത് വേഗത കുറയ്ക്കുന്നു. ക്യാമറ പ്രകടനവും അതു പോലെ ബാറ്ററി ശേഷിയും ശരാശരിയാണ്. ഫോണ്‍ എച്ച്ഡി വീഡിയോ ലൂപ്പ് ടെസ്റ്റില്‍ ഒന്‍പത് മണിക്കൂര്‍ 10 മിനിറ്റ് വരെ നീണ്ടു നില്‍ക്കും.

Redmi Go

ഈ ഫോണ്‍ ആന്‍ഡ്രോയിഡ് ഗോ എഡിഷനിലെ ഫോണാണ്. സാധാരണ ഉപയോക്താക്കള്‍ക്ക് വാങ്ങാന്‍ സാധിക്കുന്ന ബജറ്റ് ഫോണാണ് റെഡ്മി ഗോ.

ഈ വിലയില്‍ ഫോണിന്റെ ക്യാമറയും മികച്ച പ്രകടനം കാഴ്ച വയ്ക്കുന്നു. എച്ച്ഡി ലൂപ്പ് വീഡിയോ ടെസ്റ്റില്‍ ഒന്‍പത് മണിക്കൂര്‍ 50 മിനിറ്റ് നിലനില്‍ക്കുന്നു. 7000 രൂപയ്ക്കുളളിലെ ഏറ്റവും മികച്ച ഫോണാണ് റെഡ്മി ഗോ.