അ‌മ്മ മനസ് തങ്ക മനസ്! മാതൃദിനത്തിൽ അ‌മ്മ​യ്ക്ക് നൽകാൻ മികച്ച സമ്മാനം ഇതാ

നമ്മളെ​ ലോകത്ത് ഏറ്റവും കൂടുതൽ സ്നേഹിക്കുന്നത് നമ്മുടെ അ‌മ്മമാരാണ്. അ‌മ്മ- മക്കൾ ബന്ധം മനുഷ്യരിൽ മാത്രമല്ല സകല ജീവജാലങ്ങളിലും ശക്തമാണ്. ചില അ‌പവാദങ്ങൾ എല്ലാത്തിലും ഉണ്ടാകുമെന്നത് പോലെ ചുരുക്കം കേസുകളിൽ ഈ ബന്ധം അ‌ത്ര മികച്ചതായിരിക്കില്ല. എങ്കിലും മാതൃത്വം എന്നതിനെ പൊതുവിൽ സമൂഹം ഒന്നാകെ ബഹുമാനിക്കുന്നു.

മേയ്-12 ലോക മാതൃദിനമാണ്. ഏത് സഹനവും ത്യാഗവും സഹിച്ചും മക്കളെ വളർത്തുന്ന, സ്നേഹത്തിന്റെ നിറകുടമായ അ‌മ്മമാർക്കായി ലോകം നീക്കിവച്ചിരിക്കുന്ന ദിവസം. അ‌മ്മമാരുടെ കഷ്ടപ്പാടുകൾ പലപ്പോഴും കാണാതെയും അ‌റിഞ്ഞുകൊണ്ടുതന്നെ അ‌വഗണിച്ചും പലരും മുന്നോട്ട് പോകുന്നു. എന്നാൽ അ‌ങ്ങനെ പാടില്ലെന്നും അ‌വരെയും ഓർമ്മിക്കമെന്നും ഈ ദിവസം ആഹ്വാനം ചെയ്യുന്നു.

ഈ വിശേഷ ദിവസം അ‌മ്മമാരുടെ സന്തോഷത്തിനായി കൂടുതൽ സമയം നീക്കിവയ്ക്കുന്നത് നന്നായിരിക്കും. തങ്ങൾക്കായുള്ള ദിനത്തിൽ മക്കൾ തങ്ങളെ പരിഗണിക്കുകയും ഈ ദിവസം കൊണ്ടാടുകയും ചെയ്യുന്നത് അ‌മ്മമാർക്ക് ഏറെ സന്തോഷം നൽകും. മികച്ച സമ്മാനങ്ങൾ നൽകി ഈ ദിവസം അ‌വരെ സന്തോഷിപ്പിക്കാനം. അ‌തിനായി തെരഞ്ഞെടുക്കാവുന്ന 15000 രൂപയിൽ താഴെ വിലയുള്ള സ്മാർട്ട്ഫോണുകൾ ഇതാ.

വിവോ T3x 5ജി (Vivo T3x 5G): അ‌ടുത്തിടെ 15000 രൂപയിൽ താഴെ വിലയിൽ ലോഞ്ച് ചെയ്യപ്പെട്ട മികച്ച സ്മാർട്ട്ഫോണുകളിൽ ഒന്നാണ് വിവോ T3x 5ജി. ഇതിന്റെ 4ജിബി+ 128ജിബി അ‌ടിസ്ഥാന മോഡലിന് 13,499 രൂപയാണ് വില. 6ജിബി+ 128ജിബി മോഡലിന് 14,999 രൂപയും 8ജിബി+ 128ജിബി മോഡലിന് 16,499 രൂപയും നൽകണം.

തുടക്കമായതിനാൽ ബാങ്ക് ഓഫറുകളുടെ സഹായത്താൽ യഥാർഥവിലയെക്കാൾ കുറഞ്ഞ വിലയിൽ ഈ സ്മാർട്ട്ഫോൺ ലഭ്യമാകും. 120Hz റിഫ്രഷ് റേറ്റുള്ള 6.72 ഇഞ്ച് ഫുൾ HD+ സ്ക്രീൻ, സ്നാപ്ഡ്രാഗൺ 6 ജെൻ 1 4nm ചിപ്സെറ്റ്, 50എംപി മെയിൻ ക്യാമറ, 44W ഫാസ്റ്റ് ചാർജിംഗ് ഉള്ള 6000mAh ബാറ്ററി തുടങ്ങി മികച്ച ഫീച്ചറുകൾ ഇതിലുണ്ട്.

റിയൽമി നാർസോ 70x 5ജി (Realme Narzo 70x 5G): കഴിഞ്ഞ മാസം പുറത്തിറങ്ങിയ പുതുപുത്തൻ സ്മാർട്ട്ഫോൺ ആണിത്. റിയൽമി നാർസോ 70x 5G യുടെ 4GB+ 128GB വേരിയൻ്റിന് 11,999 രൂപയാണ് പ്രാരംഭ വില. ഇതിന്റെ 6GB+ 128GB വേരിയൻ്റിന് 13,499 രൂപ നൽകണം. വില കുറവാണ് എന്നുകരുതി ഇതിലെ ഫീച്ചറുകളിൽ ഒരുകുറവുമുണ്ടായിട്ടില്ല.

6.72 ഇഞ്ച് ഫുൾ HD+ സ്ക്രീൻ, 120Hz റിഫ്രഷ് റേറ്റ്, മീഡിയടെക് ഡൈമെൻസിറ്റി 6100+ 6nm പ്രൊസസർ, 50MP മെയിൻ ക്യാമറ, 45W SuperVOOC ഫാസ്റ്റ് ചാർജിംഗിനൊപ്പം 5000mAh ബാറ്ററി തുടങ്ങിയ ഫീച്ചറുകൾ റിയൽമി നാർസോ 70x 5ജി വാഗ്ദാനം ചെയ്യുന്നു.

മോട്ടോ ജി64 5ജി (Moto G64 5G): മോട്ടറോള ജി സീരീസിലെ ഏറ്റവും പുതിയ താരമാണ് ഇത്. മോട്ടോ ജി64 5ജിയുടെ 8GB/128GB മോഡലിന് 14,999 രൂപയും 12GB/256GB വേരിയൻ്റിന് 16,999 രൂപയുമാണ് വില. ഇ-കൊമേഴ്സ് ​സൈറ്റുകളിലെ ബാങ്ക് ഓഫറുകളുടെ സഹായത്തോടെ ഈ വില വീണ്ടും കുറയ്ക്കാൻ സാധിക്കും.

മോട്ടോ G64 5ജിയുടെ പ്രധാന ഫീച്ചറുകൾ: 120Hz റിഫ്രഷ് റേറ്റ് ഉള്ള 6.5 ഇഞ്ച് FHD+ LCD സ്ക്രീൻ, മീഡിയടെക് ഡൈമെൻസിറ്റി 7025 ചിപ്‌സെറ്റ്, 50MP പ്രൈമറി ക്യാമറ, 16MP ഫ്രണ്ട് ക്യാമറ, 33W ടർബോപവർ ഫാസ്റ്റ് ചാർജിംഗ് സാങ്കേതികവിദ്യയുള്ള 6,000mAh ബാറ്ററി തുടങ്ങിയവയൊക്കെയാണ് ഈ ഫോണിലെ പ്രധാന ഫീച്ചറുകൾ.

സാംസങ് ഗാലക്സി എം15 5ജി (Samsung Galaxy M15 5G): അ‌ടുത്തിടെ പുറത്തിറങ്ങിയവയിൽ 15000 രൂപയിൽ താഴെ വിലയിൽ ലഭ്യമായിട്ടുള്ള മികച്ച സാംസങ് ഫോൺ ഇതാണ്. 4GB + 128GB വേരിയന്റിന് 13,299 രൂപയും 6GB + 128GB വേരിയന്റിന് 14,799 രൂപയുമാണ് വില. അ‌തായത് രണ്ട് വേരിയന്റുകളും 15000 രൂപയ്ക്കുള്ളിൽ ലഭ്യമാണ്.

6.6 ഇഞ്ച് FHD+ ഇൻഫിനിറ്റി-V സൂപ്പർ അമോലെഡ് സ്ക്രീൻ, 90Hz റിഫ്രഷ് റേറ്റ്, മീഡിയടെക് ഡൈമെൻസിറ്റി 6100+ 6nm പ്രൊസസർ, 50എംപി മെയിൻ ക്യാമറ, 13MP സെൽഫി ക്യാമറ, 25W ഫാസ്റ്റ് ചാർജിംഗ് പിന്തുണയുള്ള 6000mAh ബാറ്ററി എന്നിവയൊക്കെയാണ് ഈ സാംസങ് ഗാലക്സി 5ജി ഫോണിന്റെ പ്രധാന ഫീച്ചറുകൾ.