പഴയ ഫോൺ കളഞ്ഞ് പുതിയതൊന്ന് വാങ്ങണ്ടേ! ആമസോൺ ​പ്രൈം ഡേ സെയിലിലെ ഏറ്റവും മികച്ച ഡീലിൽ S24 അ‌ൾട്ര വാങ്ങാം

ഇന്ത്യയിൽ മറ്റൊരു ഓൺ​ലൈൻ ഷോപ്പിങ് മാമാങ്കത്തിന് കളമൊരുക്കിക്കൊണ്ട് ആമസോൺ ​പ്രൈം ഡേ സെയിൽ 2025 ജൂ​ലൈ 12 മുതൽ 14 വരെയുള്ള മൂന്ന് ദിവസങ്ങളിലായി നടക്കാൻ പോവുകയാണ്. പ്രോഡക്ടുകൾ വൻ വിലക്കുറവിൽ സ്വന്തമാക്കാം എന്നതാണ് ഈ ​പ്രൈം ഡേ സെയിലിന്റെ പ്രത്യേകത. സ്മാർട്ട്ഫോൺ ആരാധകരെ സംബന്ധിച്ചിടത്തോളം ആമസോൺ ​പ്രൈം ഡേ സെയിൽ ഒരു സുവർണാവസരമാണ്. കാരണം, സ്മാർട്ട്ഫോണുകൾക്ക് വൻ ഡിസ്കൗണ്ടുകളും ബാങ്ക് ഓഫറുകളും ഈ ​പ്രൈം ഡേ സെയിലിൽ ലഭ്യമാകും. അ‌തിനാൽ യഥാർഥ വിലയെക്കാൾ വളരെ വിലക്കുറവിൽ സ്മാർട്ട്ഫോൺ ലഭിക്കും.

പഴയ സ്മാർട്ട്ഫോൺ മാറ്റി പകരം പുതിയ ഒന്ന് വാങ്ങണം എന്ന് ആഗ്രഹിക്കുന്നവർക്ക് ആമസോൺ ​പ്രൈം ഡേ സെയിൽ ഓഫറുകൾ പ്രയോജനപ്പെടുത്താവുന്നതാണ്. ​പ്രൈം ഡേ സെയിലിൽ ഓഫറുകൾ ലഭ്യമാകുന്ന സ്മാർട്ട്ഫോണുകൾ ഏതൊക്കെയാണ് എന്നും എന്ത് വിലയിലാണ് അ‌വ ലഭ്യമാകുക എന്നും ആമസോൺ ഇപ്പോൾ വെളിപ്പെടുത്തിയിട്ടുണ്ട്.

ആമസോൺ വെബ്​സൈറ്റിൽ നൽകിയിരിക്കുന്ന വിവരങ്ങൾ പ്രകാരം ഈ ​പ്രൈം ഡേ സെയിലിലെ ഏറ്റവും പ്രധാന ഡീലുകളിലൊന്ന് സാംസങ് ഗാലക്സി എസ്24 അ‌ൾട്രയുടേത് (Samsung Galaxy S24 Ultra 5G) ആണ്. 134999 രൂപ വിലയിൽ ലോഞ്ച് ചെയ്യപ്പെട്ട എസ്24 അ‌ൾട്ര ഈ ഓഫർ സെയിലിൽ 74999 രൂപ വിലയിൽ ലഭ്യമാകുമെന്ന് ആമസോൺ പറയുന്നു.

ആമസോൺ എസ്24 അ‌ൾട്രയുടെ വില 134999 രൂപ ആണ് എന്ന് പറയുന്നുണ്ടെങ്കിലും അ‌ത് പൂർണ്ണമായും ശരിയല്ല. ഇന്ത്യയിൽ ഗാലക്സി എസ്24 അ‌ൾട്രയുടെ 12GB റാം+ 256GB ഇന്റേണൽ സ്റ്റോറേജുള്ള അ‌ടിസ്ഥാന മോഡലിന് 129,999 രൂപ ആയിരുന്നു വില. പിന്നീട് പുതിയ എസ്25 അ‌ൾട്ര ഇറങ്ങിയപ്പോൾ മുൻ മോഡലിന്റെ വില കുറഞ്ഞു.

നിലവിൽ എസ്25 അ‌ൾട്ര 89999 രൂപ വിലയിലാണ് ആമസോണിൽ ലിസ്റ്റ് ചെയ്തിരിക്കുന്നത്. ജൂ​ലൈ 12ന് ആമസോൺ​ ​പ്രൈം ഡേ സെയിൽ ആരംഭിക്കുമ്പോൾ ഇത് 74999 രൂപ വിലയിൽ ​പ്രൈം അ‌ംഗങ്ങൾക്ക് സ്വന്തമാക്കാനാകും. ഏറ്റവും പുതിയ എസ്25 അ‌ൾട്ര വാങ്ങാൻ ബജറ്റ് ക്ഷാമം നേരിടുന്നവർക്ക് മികച്ച ബദൽ ഓപ്ഷനാണ് ഈ എസ്24 അ‌ൾട്ര ഡീൽ.

എസ്24 അ‌ൾട്ര മാത്രമല്ല, സാംസങ്ങിന്റെ തന്നെ മറ്റ് പല മോഡലുകളും മറ്റ് ബ്രാൻഡുകളുടെ ബജറ്റ് ഫോണുകൾ മുതൽ പ്രീമിയം മോഡലുകൾ വരെയും വൻ ഡിസ്കൗണ്ടിൽ ഈ ​പ്രൈം ഡേ സെയിലിൽ വാങ്ങാൻ സാധിക്കും. ഐക്യൂ 13 5ജി 52999 രൂപ വിലയിൽ ​പ്രൈം ഡേ സെയിലിൽ ലഭ്യമാകുമെന്ന് സ്ഥിരീകരിച്ചിട്ടുണ്ട്.

അ‌തേപോലെ വൺപ്ലസിന്റെ പ്രീമിയം മോഡലായ വൺപ്ലസ് 13 5ജി 59,999 രൂപയ്ക്ക് വാങ്ങാനാകും. നിലവിൽ ഇത് 69999 രൂപ വിലയിൽ ആണ്ലിസ്റ്റ് ചെയ്തിരിക്കുന്നത്. അ‌തായത് ​പ്രൈം ഡേ സെയിൽ സമയത്ത് 10000 രൂപ വിലക്കുറവിൽ ഈ പ്രീമിയം വൺപ്ലസ് സ്മാർട്ട്ഫോൺ സ്വന്തമാക്കാൻ സാധിക്കും.

കൂടാതെ വൺപ്ലസ് 13R 39,999 രൂപയ്ക്കും (സൗജന്യ വൺപ്ലസ് ബഡ്‌സ് 3 അ‌ടക്കം), വൺപ്ലസ് 13s 49,999 രൂപയ്ക്കും (ലോഞ്ച് വില 54,999 രൂപ), ഐക്യൂ നിയോ 10R 23,499 രൂപയ്ക്കും ഐഫോൺ 16 സീരീസിലെ ഏറ്റവും പുതിയ മോഡലായ ഐഫോൺ 16e 49,249 രൂപയ്ക്കും ​പ്രൈം ഡേ സെയിലിൽ ലഭ്യമാകും.