ബ്ലാക്‌ബെറി Z3 സ്മാര്‍ട്‌ഫോണ്‍ വിപണിയില്‍; 5 പ്രത്യേകതകള്‍

Posted By:

ബ്ലാക്‌ബെറി ഏതാനും ദിവസം മുമ്പാണ് Z3 സ്മാര്‍ട്‌ഫോണ്‍ ഇന്ത്യയില്‍ ലോഞ്ച് ചെയ്തത്. ഇപ്പോള്‍ ഫോണിനായി മൊബൈല്‍ സ്‌റ്റോര്‍, ഫ് ളിപ്കാര്‍ട് തുടങ്ങിയ ഇ കൊമേഴ്‌സ് സൈറ്റുകളില്‍ പ്രീ ഓര്‍ഡര്‍ സ്വീകരിച്ചുതുടങ്ങി. 15,990 രൂപയാണ് വില.

ഫ് ളിപ്കാര്‍ട്ടിലും മൊബൈല്‍ സ്‌റ്റോറിലും പ്രീ ഓര്‍ഡര്‍ നലകുമ്പോള്‍ 1000 രൂപയുടെ ഡിസ്‌കൗണ്ട് വൗച്ചര്‍ ലഭിക്കും. അതായത് 14,990 രൂപയ്ക്ക് ഫോണ്‍ ലഭിക്കും.

5 ഇഞ്ച് QHD ഡിസ്‌പ്ലെ, 960-540 പിക്‌സല്‍ റെസല്യൂഷന്‍, ബ്ലാക്‌ബെറി 10.2.1 ഒ.എസ്, 1.2 GHz ഡ്യുവല്‍ കോര്‍ ക്വാള്‍മകാം സ്‌നാപ്ഡ്രാഗണ്‍ പ്രൊസസര്‍, 1.5 ജി.ബി. റാം, 5 എം.പി ഓട്ടോഫോക്കസ് പ്രൈമറി ക്യാമറ, 1.1 എം.പി ഫ്രണ്ട് ക്യാമറ, 8 ജി.ബി ഇന്റേണല്‍ മെമ്മറി, 32 ജി.ബി. എക്‌സ്പാന്‍ഡബിള്‍ മെമ്മറി, 3 ജി, വൈ-ഫൈ, ബ്ലുടൂത്ത്, ജി.പി.എസ്, 2500 mAh ബാറ്ററി എന്നിവയാണ് ഫോണിന്റെ സാങ്കേതികമായ പ്രത്യേകതകള്‍.

ഇനി ഫോണിന്റെ 5 പ്രധാന ഫീച്ചറുകള്‍ നോക്കാം.

കൂടുതല്‍ ടെക്നോളജി വാര്‍ത്തകള്‍ക്ക് ഗിസ്ബോട്ട്

ബ്ലാക്‌ബെറിയുടെ പ്രശസ്തമായ ചാറ്റിംഗ് ആപ്ലിക്കേഷനായ ബി.ബി.എം. ആണ് ഫോണിന്റെ ആകര്‍ഷണങ്ങളിലൊന്ന്. ആന്‍ഡ്രോയ്ഡ്, ഐ.ഒ.എസ്, വിന്‍ഡോസ് ഫോണുകളില്‍ ബി.ബി.എം. ലഭ്യമാക്കിയതോടെ ആപ്ലിക്കേഷന്‍ ഏറെ സഹായകരമായി.

 

മെസേജുകള്‍ ഉള്‍ക്കൊള്ളുന്ന ബ്ലാക് ബെറി ഹബ് വളരെ വേഗത്തില്‍ ആക്‌സസ് ചെയ്യാമെന്നതാണ് Z3 യുടെ മറ്റൊരു ഗുണം. മറ്റ് ആപ്ലിക്കേഷനുകള്‍ ഉപയോഗിക്കുന്നതിനിടെ ഒറ്റ സൈ്വപില്‍ ബ്ലാക്‌ബെറി ഹബില്‍ എത്താം. പ്രധാനപ്പെട്ട മെസേജുകള്‍ വേര്‍തിരിക്കുന്നതിനുള്ള സംവിധാനവും ഇതിലുണ്ട്.

 

ബ്ലാക്‌ബെറി 10 ഒ.എസിലെ ബ്രൗസര്‍ ഏറെ പരിഷ്‌കരിച്ചാണ് Z3 യില്‍ അവതരിപ്പിച്ചിരിക്കുന്നത്. പേജുകള്‍ വേഗത്തില്‍ ലോഡ് ആവുന്നതിനു പുറമെ സുഖകരമായ വായനയ്ക്കും ഷെയറിംഗിനും ഏറെ സഹായകരമാണ് ബ്രൗസര്‍.

 

ബ്ലാക്‌ബെറി Z3 കീബോഡില്‍ ടൈപിംഗ് വളരെ എളുപ്പമാണ്. അക്ഷരങ്ങള്‍ ടൈപ് ചെയ്ത് തുടങ്ങുമ്പോള്‍ തന്നെ സമാനമായ വാക്കുകള്‍ പ്രത്യക്ഷപ്പെടും. അതില്‍ നിന്ന് ആവശ്യമുള്ള വാക്ക് തെരഞ്ഞെടുക്കാം.

 

മറ്റ് ആപ്ലിക്കേഷനുകള്‍ ഉപയോഗിച്ചുകൊണ്ടിരിക്കുമ്പോള്‍ ടെക്‌സ്റ്റ് മെസേജോ ഇ മെയിലോ വരികയാണെങ്കില്‍ അതിന്റെ പ്രിവ്യു സ്‌ക്രീനില്‍ തെളിയും. അതായത് ഉപയോഗിച്ചുകൊണ്ടിരിക്കുന്ന ആപ്ലിക്കേഷന്‍ ക്ലോസ് ചെയ്യാതെതന്നെ മെസേജുകളും മെയിലുകളും വായിക്കാന്‍ കഴിയും.

 

കൂടുതല്‍ ടെക്നോളജി വാര്‍ത്തകള്‍ക്ക് ഗിസ്ബോട്ട്

English summary
BlackBerry Z3 Budget Smartphone Now Officially Available: Top 5 Features, BlackBerry Z3 now officially available, Top 5 Features of BlackBerry Z3, Read More...
Please Wait while comments are loading...

Social Counting

ബ്രേക്ക് ന്യൂസ് അറിയിപ്പുകള് നേടൂ. - Malayalam Gizbot