പേറ്റിഎം മാളില്‍ നോക്കിയ 7 പ്ലസ്, നോക്കിയ 6.1 ഫോണുകള്‍ക്ക് 5,500 ക്യാഷ്ബാക്ക് ഓഫര്‍

നോക്കിയ ഫോണുകളുടെ വില

നോക്കിയ 7 പ്ലസ് 25,999 രൂപയ്ക്കും അതു പോലെ നോക്കിയ 6.1 18,999 രൂപയ്ക്കുമാണ് ഇന്ത്യന്‍ വിപണിയില്‍ എത്തിയത്. നിലവിലത്തെ പേറ്റിഎം മാള്‍ ഓഫറിലൂടെ 5,500 രൂപ ഡിസ്‌ക്കൗണ്ടാണ് ഈ ഫോണുകള്‍ക്ക് നല്‍കുന്നത്.

പേറ്റിഎം മാള്‍ ഡിസ്‌ക്കൗണ്ട്

ICICI ക്രഡിറ്റ് കാര്‍ഡ് ഉപയോഗിച്ച് നോക്കിയ 7 പ്ലസ് വാങ്ങുന്നവര്‍ക്ക് 10% ക്യാഷ്ബാക്ക് ലഭിക്കുന്നു. എന്നാല്‍ മറ്റൊരു പ്രോമോ കോഡ് ഉപയോഗിക്കുമ്പോള്‍ 12% അധിക ക്യാഷ്ബാക്കും ലഭിക്കുന്നു. അങ്ങനെ മൊത്തത്തില്‍ 5700 രൂപയാകും ക്യാഷ്ബാക്കായി ലഭിക്കുന്നത്.

അതു പോലെ നോക്കിയ 6.1 പ്രോമോ കോഡ് ഉപയോഗിച്ചു വാങ്ങുമ്പോള്‍ 15% ക്യാഷ്ബാക്കും ICICI ക്രഡിറ്റ് കാര്‍ഡ് ഉപയോഗിച്ചു വാങ്ങുമ്പോള്‍ 10% അധിക ഡിസ്‌ക്കൗണ്ടും ലഭിക്കുന്നു. അങ്ങനെ പേറ്റിഎം മാള്‍ വഴി ഈ ഫോണ്‍ വാങ്ങുമ്പോള്‍ മൊത്തത്തില്‍ 5000 രൂപ ഡിസ്‌ക്കൗണ്ടാണ് ലഭിക്കുന്നത്.

നോക്കിയ 7 പ്ലസ് സവിശേഷതകള്‍

18:9 അനുപാതത്തില്‍ 6 ഇഞ്ച് FHD പ്ലസ് ഡിസ്‌പ്ലേയാണ് നോക്കിയ 7 പ്ലസിന്. ഒക്ടാകോര്‍ സ്‌നാപ്ഡ്രാഗണ്‍ 660 SoC പ്രോസസറില്‍ പ്രവര്‍ത്തിക്കുന്ന ഈ ഫോണിന് 4ജിബി റാമും 64ജിബി ഇന്റേര്‍ണല്‍ സ്‌റ്റോറേജുമാണ്.

12എംപി 13എംപി ഡ്യുവല്‍ റിയര്‍ ക്യാമറ, റിയര്‍-മൗണ്ട് ഫിങ്കര്‍പ്രിന്റ് സെന്‍സര്‍, ആന്‍ഡ്രോയിഡ് 8.1 ഓറിയോ, ബ്ലൂട്ടൂത്ത് 5.0, ഫാസ്റ്റ് ചാര്‍ജ്ജിംഗ് പിന്തുണയുളള 3800എംഎഎച്ച് ബാറ്ററി എന്നിവ ഫോണിന്റെ പ്രധാന സവിശേഷതകളാണ്.

നോക്കിയ 6.1 സവിശേഷതകള്‍

16:9 അനുപാതത്തില്‍ 5.5 ഇഞ്ച് ഫുള്‍ എച്ച്ഡി പ്ലസ് ഡിസ്‌പ്ലേയാണ് ഫോണിന്. സ്‌നാപ്ഡ്രാഗണ്‍ 630 SoC, 3ജിബി/ 4ജിബി റാം, 32ജിബി/64ജിബി ഇന്റേര്‍ണല്‍ സ്‌റ്റോറേജ് എന്നിവ പ്രധാന സവിശേഷതകളാണ്.

ക്യാമറയെ കുറിച്ചു പറയുകയാണെങ്കില്‍ 16എംപി റിയര്‍ ക്യാമറയും അതു പോലെ 8എംപി സെല്‍ഫി ക്യാമറയുമാണ്. ബ്ലൂട്ടൂത്ത് 5.0, ജിപിഎസ്, എല്‍എഫ്‌സി, 3000എംഎഎച്ച് ബാറ്ററി എന്നിവ മറ്റു സവിശേഷതകളാണ്.

നോക്കിയ 7 പ്ലസിന് ഇതിനകം തന്നെ ആന്‍ഡ്രോയിഡ് P ബീറ്റ 2 അപ്‌ഡേറ്റ് ലഭിച്ചിട്ടുണ്ട്. നോക്കിയ 6.1 റണ്‍ ചെയ്യുന്നത് ആന്‍ഡ്രോയിഡ് 8.1 ഓറിയോയിലാണ്, എന്നാല്‍ ഉടന്‍ തന്നെ ആന്‍ഡ്രോയിഡ് P അപ്‌ഡേറ്റ് ലഭിക്കുന്നതാണ്.