ചൈനീസ് വെബ്‌സൈറ്റില്‍ ആപ്പിള്‍ ഐഫോണ്‍ 5സിക്കും 5 എസിനും മുന്‍കൂര്‍ ബുക്കിംഗ്?

ചൈനീസ് വെബ്‌സൈറ്റില്‍ ആപ്പിള്‍ ഐഫോണ്‍ 5സിക്കും 5 എസിനും മുന്‍കൂര്‍ ബുക്കിംഗ്?

ചൈനയിലെ ഏറ്റവും വലിയ ടെലികോം കമ്പനികളിലൊന്നായ ചൈന ടെലികോം അവരുടെ ഔദ്യോഗിക വെബ് സൈറ്റില്‍ ആപ്പിളിന്റെ ഏറ്റവും പുതിയ മോഡലുകളായ ഐ ഫോണ്‍ 5 എസിന്റെയും സിയുടെയും മുന്‍കൂര്‍ ഓര്‍ഡര്‍ സ്വീകരിക്കുന്നതിനായുള്ള പേജ് ക്രിയേറ്റ് ചെയ്തു.

ഇതോടെ ഊഹാപോഹങ്ങള്‍ ശരിവച്ചുകൊണ്ട് ആപ്പിളിന്റെ പുതിയ രണ്ട് മോഡലുകളും ഉടന്‍ ഇറങ്ങുമെന്ന് വ്യക്തമായി. ചൈനാ ടെലികോം ഉള്‍പ്പെടെയുള്ള ഏതാനും കമ്പനികളുമായി ആപ്പിള്‍ ധാരണയിലെത്തിയിട്ടുണ്ടെന്നും നെറ്റ് വര്‍ക്ക് വഴി ഫോണ്‍ വില്‍ക്കാന്‍ ഉദ്ദേശിക്കുന്നുണ്ടെന്നുമാണ് റിപ്പോര്‍ട്ടുകള്‍.

അതോടൊപ്പം ഈ മാസം 11-ന് ചൈനയില്‍ ആപ്പിള്‍ പ്രത്യേകമായി ഒരു ചടങ്ങ് സംഘടിപ്പിച്ചിട്ടുണ്ട്. 10-ന് ഐ.എഫ്.എ. ബെര്‍ലിന്‍ ഷോയില്‍ ഔദ്യോഗികമായി ആപ്പിള്‍ ഫോണുകള്‍ ലോഞ്ച് ചെയ്യപ്പെടുമെന്നാണ് കരുതുന്നത്. അങ്ങനെയെങ്കില്‍ ചൈനയില്‍ നടക്കുന്നത് പ്രത്യേക ലോഞ്ചിംഗ് ഫംഗ്ഷന്‍ ആയിരിക്കും. ആപ്പിളിന്റെ ചരിത്രത്തില്‍ ആദ്യമായാണ് ഒരു രാജ്യത്തിനു മാത്രമായി ഇത്തരം ചടങ്ങ് സംഘടിപ്പിക്കുന്നത്.

ചൈനാ ടെലികോമില്‍ പ്രത്യക്ഷപ്പെട്ട പേജില്‍ ഐ ഫോണ്‍ 5 എസിന്റെ ഏതാനും പ്രത്യേകതകളും വിവരിക്കുന്നുണ്ട്. വലിയ സ്‌ക്രീന്‍ ആയിരിക്കുമെന്നും A7 പ്രൊസസര്‍, ഐ.ഒ.എസ്. 7 ഓപ്പറേറ്റിംഗ് സിസ്റ്റം എന്നിവയിലായിരിക്കും ഫോണ്‍ പ്രവര്‍ത്തിക്കുക എന്നും പറയുന്നു.

വയര്‍ലെസ് ചാര്‍ജിംഗ് സംവിധാനം, കൂടുതല്‍ ബാറ്ററി ബാക് അപ്, സ്‌ലോമോഷന്‍ വീഡിയോ പകര്‍ത്താനുള്ള സംവിധാനം ഡ്യുവല്‍ ഫ് ളാഷ് എന്നിവയും സൈറ്റില്‍ നല്‍കിയ പേജില്‍ ഐ ഫോണിന്റെ പ്രത്യേകതകളായി പറയുന്നുണ്ട്. മുന്‍പ് പലപ്പോഴായി ചോര്‍ന്ന വിവരങ്ങളുമായി സാമ്യമുള്ളതാണ് ഇതെല്ലാം.

അതേസമയം മറ്റൊരു ചൈനീസ് വെബ്‌സൈറ്റ് ഐ ഫോണ്‍ 5 എസിന്റെ കവറിന്റെ ചിത്രം പുറത്തുവിട്ടു. അതില്‍ കാണുന്നതു പ്രകാരം ഹോം ബട്ടണു ചുറ്റുമായി ഒരു വൃത്തംകാണുന്നുണ്ട്. ഇത് ഫിംഗര്‍പ്രിന്റ് സ്‌കാനര്‍ ആണെന്നാണ് കരുതുന്നത്.