വമ്പിച്ച ആദായ വിൽപ്പന...; 3999 രൂപയ്ക്ക് മുതൽ സ്മാർട്ട്ഫോണുകളുമായി റെഡ്മി ക്ലിയറൻസ് സെയിൽ

ഒരു സ്മാർട്ട്ഫോൺ സ്വന്തമാക്കണമെന്ന് ആഗ്രഹിക്കുന്ന സാധാരണ ഉപയോക്താക്കൾക്ക് അ‌നുയോജ്യമായ ഫോണുകൾ കുറഞ്ഞ വിലയിൽ വാങ്ങാനുള്ള ഒരു അ‌വസരമാണ് വന്നിരിക്കുന്നത്. ​എന്നാൽ ഉയർന്ന ഫീച്ചറുകളുള്ള റെഡ്മിയുടെ പ്രീമിയം ഫോണുകളോ പുതിയതായി ഇറങ്ങിയ സ്മാർട്ട്ഫോണുകളോ ഈ ക്ലിയറൻസ് സെയിലിൽ സ്വന്തമാക്കാം എന്നു കരുതരുത്. 6000 രൂപ വരെ വിലവരുന്ന ഫോണുകളാണ് ഈ ക്ലിയറൻസ് സെയിലിൽ ലിസ്റ്റ് ചെയ്തിരിക്കുന്നത്. അ‌തിൽ പ്രീമിയം സ്മാർട്ട്ഫോണുകളോ പുതിയ സ്മാർട്ട്ഫോണുകളോ ഇടം പിടിച്ചിട്ടില്ല.

റെഡ്മി 6എ, റെഡ്മി ​വൈ3, റെഡ്മി നോട്ട് 7 പ്രോ എന്നിങ്ങനെ ഏതാനും മോഡലുകളാണ് റെഡ്മി തങ്ങളുടെ ക്ലിയറൻസ് സെയിലിൽ 6000 രൂപയിൽ താഴെ വിലയിൽ ലഭ്യമാക്കുന്നത്. റെഡ്മിയുടെ ​സ്മാർട്ട്ഫോൺ ഉപയോഗിക്കാൻ താൽപര്യമുള്ളവരും ബജറ്റ് ​സ്മാർട്ട്ഫോണുകൾ വാങ്ങാൻ താൽപര്യമുള്ളവരുമായ ഉപയോക്താക്കൾക്ക് ഏറ്റവും കുറഞ്ഞ വിലയിൽ അ‌വ സ്വന്തമാക്കാൻ ഈ അ‌വസരം വിനിയോഗിക്കാവുന്നതാണ്.

റെഡ്മി 6എ 3999 രൂപയ്ക്ക് വാങ്ങണോ?

റെഡ്മിയുടെ ബഡ്ജറ്റ് ​സ്മാർട്ട്ഫോണുകളിൽ ഏറെ ജനപ്രിയമായൊരു മോഡലാണ് റെഡ്മി 6എ. ഇതുവരെ വിറ്റതിൽ ഏറ്റവും കുറഞ്ഞ വിലയാണ് ഈ ക്ലിയറൻസ്​ സെയിലിൽ റെഡ്മി ഈ 6എ മോഡലിന് നിശ്ചയിച്ചിരിക്കുന്നത്. 6999 രൂപ വിലവരുന്ന റെഡ്മി 6എ ആണ് ഇപ്പോൾ 3999 രൂപയ്ക്ക് ലിസ്റ്റ് ചെയ്തിരിക്കുന്നത്. എംഐയുടെ ക്ലിയറൻസ് സെയിലിൽ മാത്രമേ ഇത്രയും കുറഞ്ഞ വിലയിൽ ഈ സ്മാർട്ട്ഫോൺ നിലവിൽ വാങ്ങാൻ ലഭ്യമാകൂ.

പ്രാഥമികമായ ഫീച്ചറുകൾ മാത്രം ഉൾക്കൊള്ളുന്ന ഒരു എൻട്രി ലെവൽ സ്മാർട്ട്ഫോൺ മാത്രമാണ് റെഡ്മി 6എ എന്നത് പ്രത്യേകം​ ഓർത്തിരിക്കേണ്ട കാര്യമാണ്. ഹീലിയോ എ 22 പ്രൊസസർ, 2ജിബി റാം, 16 ജിബി ഇന്റേണൽ സ്റ്റോറേജ് എന്നിവയാണ് റെഡ്മി 6എ യുടെ പ്രധാന ഫീച്ചറുകൾ. അ‌ത്ര മോശമല്ലാത്ത ക്യാമറ സപ്പോർട്ടും ഈ ​സ്മാർട്ട്ഫോണിനുണ്ട്. നിങ്ങൾക്ക് ഒരു സെക്കൻഡറി സ്മാർട്ട്ഫോൺ എന്ന നിലയിൽ ഉപയോഗിക്കാൻ അ‌നുയോജ്യമായ മോഡൽ കൂടിയാണ് റെഡ്മി 6എ.

എന്നാൽ യഥാർഥ വിലയിൽ ഫോൺ വാങ്ങുമ്പോൾ ലഭ്യമാകുന്ന വാറന്റി ഡിസ്കൗണ്ടിൽ ലഭ്യമാകുന്ന ഈ റെഡ്മി മോഡലിന് ലഭ്യമാകില്ല. വിൽപ്പനാനന്തരം പരിമിതമായ വാറന്റികൾ മാത്രമാണ് ലഭ്യമാകുക. ഡിസ്കൗണ്ടിൽ സ്മാർട്ട്ഫോൺ വാങ്ങാൻ ​ഒരുങ്ങും മുമ്പ് ഇക്കാര്യം പ്രത്യേകം ശ്രദ്ധിക്കേണ്ടതുണ്ട്. ഒരു ഫോണിനായി അ‌ധികം തുക മുടക്കാൻ താൽപര്യമില്ലെങ്കിൽ തീർച്ചയായും ഈ റെഡ്മി 6എ വാങ്ങാനായി പരിഗണിക്കാവുന്നതാണ്.

ഒരുപാട് ആപ്പുകൾ ഉപയോഗിക്കേണ്ടാത്തവർക്കും പ്രായമായവർക്കുമൊക്കെ അ‌ത്യാവശ്യം ​ഇന്റർനെറ്റ് സേവനങ്ങൾ ആസ്വദിക്കാനും കോളിങ്ങിനും മറ്റും ഈ സ്മാർട്ട്ഫോൺ ധാരാളമാണ്. റെഡ്മി 6എ കൂടാതെ ഒട്ടനേകം സ്മാർട്ട്ഫോണുകൾ റെഡ്മി ക്ലിയറൻസ് സെയിലിൽ ലിസ്റ്റ് ചെയ്തിട്ടുണ്ട്. റെഡ്മിയുടെ പഴയ നോട്ട് സീരീസിൽ വരുന്ന നോട്ട് ​7 പ്രോ, നോട്ട് 7 എന്നിവ അ‌ക്കൂട്ടത്തിൽ ഉണ്ടെന്നുള്ളത് ശ്രദ്ധേയമാണ്. 6000 രൂപയിൽ താഴെ മാത്രമാണ് ​ഈ നോട്ട് സീരിസുകൾ വാങ്ങാൻ ചെലവാകുക.

റെഡ്മി നോട്ട് 4, റെഡ്മി ​വൈ1 ​ലൈറ്റ്, റെഡ്മി ​വൈ2 എന്നിവയാണ് റെഡ്മി ക്ലിയറൻസ് സെയിലിൽ വാങ്ങാൻ ലഭ്യമാകുന്ന മറ്റ് സ്മാർട്ട്ഫോണുകളിൽ ചിലത്. എതാണ്ട് 5000 രൂപയിൽ താഴെ വില മാത്രമാണ് ഈ സ്മാർട്ട്ഫോണുകൾക്ക് വില നിശ്ചയിച്ചിരിക്കുന്നത്. ക്ലിയറൻസ് സെയിൽ സംബന്ധിച്ച കൂടുതൽ വിവരങ്ങളും ഫോണുകളുടെ വിലയും ലിസ്റ്റുമൊക്കെ റെഡ്മിയുടെ ഔദ്യോഗിക വെബ്​സൈറ്റിൽ നിന്നും അ‌റിയാൻ സാധിക്കും.

ഇതിനു പുറമെ റെഡ്മിയിൽനിന്ന് മറ്റൊരു വാർത്തകൂടി എത്തുന്നുണ്ട്. പുത്തൻ റെഡ്മി നോട്ട് 12 പ്രോ പ്ലസ് സ്മാർട്ട്ഫോൺ ഇന്ത്യൻ വിപണിയിൽ അ‌വതരിപ്പിക്കാൻ കമ്പനി തയാറെടുക്കുന്നു എന്നതാണത്. നോട്ട് 12 സീരീസ് ഇതിനകം റെഡ്മി ​ചൈനയിൽ പുറത്തിറക്കിയതാണ്. അ‌ത് ഇപ്പോൾ ഇന്ത്യയിലേക്കും എത്തിക്കാനുള്ള തയാറെടുപ്പുകളാണ് കമ്പനി നടത്തുന്നത്. ​നോട്ട് 12, നോട്ട് 12 പ്രോ, നോട്ട് 12 എക്സ്പ്ലോറർ എഡിഷൻ എന്നിവയാണ് ​റെഡ്മിയുടെ നോട്ട് 12 സീരീസിൽ ഉൾപ്പെടുന്നത്.