ലണ്ടനു പിന്നാലെ ബ്ലാക്ക്‌ബെറി മിലാനും 10 പ്ലാറ്റ്‌ഫോമില്‍

ബ്ലാക്ക്‌ബെറി മൊബൈലുകളുടെ ഏറ്റവും വലിയ പ്രത്യേകത അവ പ്രവര്‍ത്തിക്കുന്നത് ബ്ലാക്ക്‌ബെറിയുടെ തന്നെ ഓപറേറ്റിംഗ് സിസ്റ്റത്തിലാണ് എന്നതാണ്.  നിലവിലുണ്ടായിരുന്ന ഓപറേറ്റിംഗ് സിസ്റ്റത്തില്‍ ഒരുപാടു മാറ്റങ്ങള്‍ വരുത്തി കുറച്ചൂ കൂടി മികച്ച ഓപറേറ്റിംഗ് സിസ്റ്റം ഈ വര്‍ഷാദ്യത്തില്‍ ബ്ലാക്ക്‌ബെറി വികസിപ്പിച്ചെടുത്തിട്ടുണ്ടായിരുന്നു.

ഈ ഓപറേറ്റിംഗ് സിസ്റ്റം സ്മാര്‍ട്ട്‌ഫോണുകള്‍ക്കും, ടാബ്‌ലറ്റ് കമ്പ്യൂട്ടറുകള്‍ക്കും ഒരുപോലെ അനുയോജ്യമാണ്.  ബ്ലാക്ക്‌ബെറി 10 എന്നാണ് ഈ പുതിയ ഓപറേറ്റിംഗ് സിസ്റ്റം അറിയപ്പെടുന്നത്.  നേരത്തെ ഇത് അറിയപ്പെട്ടിരുന്നത് ബിബിഎക്‌സ് എന്നായിരുന്നു.  ബ്ലാക്ക്‌ബെറി മൊബൈല്‍ നെറ്റ് വര്‍ക്കിംഗ് സേവനങ്ങള്‍, ക്ലൗഡ് സേവനങ്ങള്‍ എന്നിവ ഈ പുതിയ ഓപറേറ്റിംഗ് സിസ്റ്റത്തിന്റെ പ്രത്യേകതകളില്‍ പെടുന്നു.

ഇതുവരെ ഈ ഓപറേറ്റിംഗ് സിസ്റ്റത്തില്‍ പ്രവര്‍ത്തിക്കുന്ന ഒരൊറ്റ ഉല്‍പന്നം പോലും പുറത്തിറങ്ങിയിട്ടില്ല.  ഈ പുതിയ പ്ലാറ്റ്‌ഫോമിന് യോജിച്ച ആപ്ലിക്കേഷനുകള്‍ വികസിപ്പിച്ചെടുക്കാന്‍ യൊതൊരു വിധ രജിസ്‌ട്രേഷന്റേയോ, ഫീസിന്റെയോ ആവശ്യം ഇല്ല എന്നത് എടുത്തു പറയേണ്ട ഒരു കാര്യം ആണ്.  അതുകൊണ്ട് തന്നെ മറ്റു ഓപറേറ്റിംഗ് സിസ്റ്റങ്ങളെ അപേക്ഷിച്ച് കൂടുതല്‍ ആപ്ലിക്കേഷനുകള്‍ ഇതിനുണ്ടാകും.

ഈ പുതിയ ഓപറേറ്റിംഗ് സിസ്റ്റത്തില്‍ പുറത്തിറങ്ങാനിരിക്കുന്ന ഉല്‍പന്നങ്ങളില്‍ ഒന്നാണ് ബ്ലാക്ക്‌ബെറി മിലാന്‍.  ബ്ലാക്ക്‌ബെറി ലണ്ടണ്‍ എന്നൊരു ഹാന്‍ഡ്‌സെറ്റ് ഇതേ പ്ലാറ്റ്‌ഫോമില്‍ ഇറങ്ങാന്‍ പോകുന്നു എന്നകാര്യം പരസ്യമായ സ്ഥിതിക്ക് ബ്ലാക്ക്‌ബെറി ഈ പ്ലാറ്റ്‌ഫോമില്‍ ഇറങ്ങാന്‍ പോകുന്ന രണ്ടാമത്ത മൊബൈല്‍ ആണ് ബ്ലാക്ക്‌ബെറി മിലാന്‍ എന്നു പറയാം.

ഫീച്ചറുകള്‍:

സ്ലൈഡര്‍ ഡിസൈന്‍

QWERTY കീപാഡ്

വലിയ ഡിസ്‌പ്ലേ

മികച്ച പിക്‌സല്‍, മികച്ച ഡിസ്‌പ്ലേ

സ്ലാഡര്‍ സ്‌ക്രീനിനു താഴെയായാണ് QWERTY കീപാഡ് എന്നു ബ്ലാക്ക്‌ബെറി മിലാന്റെ പുറത്തായ ചിത്രങ്ങളില്‍ നിന്നും മനസ്സിലാക്കാം.  ഫോണില്‍ കാണുന്ന കൂര്‍ത്ത മൂലകള്‍ സാധാരണ ബ്ലാക്ക്‌ബെറി ഹാന്‍ഡ്‌സെറ്റുകളില്‍ കാണാത്തതാണ്.

ഈ വരാനിരിക്കുന്ന ബ്ലാക്കബെറി ഹാന്‍ഡ്‌സെറ്റിനെ കുറിച്ച് കൂടുതല്‍ വിവരങ്ങള്‍ ഒന്നും തല്‍ക്കാലം ലഭ്യമല്ല എങ്കിലും, മികച്ച ഡിസ്‌പ്ലേ നല്‍കുന്ന വലിയ സ്‌ക്രീന്‍ ആയിരിക്കും ബ്ലാക്ക്‌ബെറി മിലാന് എന്നാണ് പ്രതീക്ഷിക്കപ്പെടുന്നത്.

ഈ പുതിയ ഓപറേറ്റിംഗ് സിസ്റ്റത്തില്‍ പ്രവര്‍ത്തിക്കുന്ന അഞ്ച് മറ്റു ഹാന്‍ഡ്‌സെറ്റുകള്‍ കൂടി റിമ്മിന്റെ അണിയറയില്‍ ഒരുങ്ങുന്നുണ്ടെന്നാണ് റിപ്പോര്‍ട്ടുകള്‍.  ഇവയെല്ലാം അടുത്ത വര്‍ഷത്തില്‍ തന്നെ പുറത്തിറങ്ങും എന്നാണ് പ്രതീക്ഷിക്കപ്പെടുന്നത്.  ഇവയുടെ വിലയെ കുറിച്ചും ഇപ്പോള്‍ ഒരു സൂചനയും ലഭ്യമല്ല.