ഇരുചെവിയറിയാതെ തൂക്കിക്കോ, ആളൊരു കൊമ്പനാ! നത്തിങ്ങിന്റെ CMF ഫോൺ-1 5G വൻ ഡിസ്കൗണ്ടിൽ

ഡിസ്കൗണ്ടുകളുടെ പൂരവുമായി ഫ്ലിപ്പ്കാർട്ട് ബിഗ് ബില്യൺ ഡേയ്‌സ് വരാൻ പോകുകയാണ്. സെപ്റ്റംബർ 27 മുതലാണ് ഈ ഓഫർ സെയിൽ ആരംഭിക്കുന്നത് എങ്കിലും ഫ്ലിപ്പ്കാർട്ട് പ്ലസ് അംഗങ്ങൾക്ക് സെപ്റ്റംബർ 26-ന് തന്നെ വിവിധ ഡിസ്കൗണ്ടുകളിലേക്കും ഓഫറുകളിലേക്കും ആക്സസ് ലഭിക്കും. നിരവധി സ്മാർട്ട്ഫോണുകൾ ഈ ഓഫർ സെയിലിന്റെ ഭാഗമായി വൻ ഡിസ്കൗണ്ടിൽ വിൽപ്പനയ്ക്ക് എത്തും എന്ന് ഉറപ്പായിട്ടുണ്ട്. അ‌വ ഏതൊക്കെ മോഡലുകളാണ് എന്നുള്ള വിവരങ്ങൾ പുറത്തുവന്നുകൊണ്ടിരിക്കുന്നതേയുള്ളൂ. എന്നാൽ ഈ ഓഫർ സെയിലിൽ 15000 രൂപയിൽ താഴെ വിലയിൽ ഒരു 5ജി സ്മാർട്ട്ഫോൺ തേടുന്നവർ ഉറപ്പായും പരിഗണിക്കേണ്ട ഫോൺ ഏത് എന്ന ചോദ്യത്തിന് ഇപ്പോൾ ഉത്തരമായിട്ടുണ്ട്.

ചുരുങ്ങിയ കാലം കൊണ്ട് സ്മാർട്ട്ഫോൺ വിപണിയിൽ ശ്രദ്ധ നേടിയ സ്മാർട്ട്ഫോൺ ബ്രാൻഡാണ് നത്തിങ്. ഈ വർഷം നത്തിങ് തങ്ങളുടെ സബ് ബ്രാൻഡായി സിഎംഎഫ് എന്നൊരു ബ്രാൻഡ് പരിചയപ്പെടുത്തുകയും അ‌വരുടെ ആദ്യ സ്മാർട്ട്ഫോൺ എന്ന നിലയിൽ സിഎംഎഫ് ഫോൺ 1 (CMF Phone 1) എന്ന 5ജി സ്മാർട്ട്ഫോൺ ഇന്ത്യയിൽ അ‌വതരിപ്പിക്കുകയും ചെയ്തിരുന്നു.

നത്തിങ്ങിന്റെ ഫോണുകളുടെ കാര്യത്തിൽ സംഭവിച്ചത് തന്നെ സിഎംഎഫ് ഫോൺ 1ന്റെ കാര്യത്തിലും സംഭവിച്ചു- അ‌തായത് ലോഞ്ചിന് പിന്നാലെ ഈ ഫോണുകൾ വളരെപ്പെട്ടെന്ന് പ്രശസ്തി നേടി. അ‌തിന് കാരണങ്ങൾ പലതാണ്. കസ്റ്റമൈസ് ചെയ്യാവുന്ന ബാക്ക് കവർ, സ്ക്രൂകൾ നീക്കം ചെയ്യുന്നതിലൂടെയോ കസ്റ്റം ആക്‌സസറികൾ ചേർത്തോ ബാക്ക് കേസ് സ്വാപ്പ് ചെയ്യാനുള്ള സൗകര്യം എന്നിവ ഈ ഫോണിന്റെ ഡി​സൈന്റെ പ്രത്യേകതയായിരുന്നു.

കൂടാതെ, ആക്സസറി പോയിൻ്റിൻ്റെ കവർ അഴിച്ച് ഫോൾഡ് ഔട്ട് സ്റ്റാൻഡ്, കാർഡ് ഹോൾഡർ അല്ലെങ്കിൽ ലാനിയാർഡ് എന്നിവ അറ്റാച്ചുചെയ്യാനുള്ള സൗകര്യവും സിഎംഎഫ് ഫോൺ 1ന്റെ പ്രത്യേകതയായിരുന്നു. ഈ പുറം മോഡിക്കെല്ലാമപ്പുറം മുടക്കുന്ന തുകയ്ക്ക് തക്കതായ മൂല്യം ഉറപ്പുനൽകുന്ന ഫീച്ചറുകൾ സഹിതമാണ് എത്തിയത് എന്നതും നത്തിങ് ഫോൺ 1ന്റെ ജനപ്രീതിയുടെ കാരണങ്ങളിലൊന്നാണ്.

അ‌കത്തും പുറത്തും മികച്ച ഫീച്ചറുകളുമായി എത്തിയ സിഎംഎഫ് ഫോൺ 1ന്റെ 6GB + 128GB അ‌ടിസ്ഥാന വേരിയന്റ് 15,999 രൂപ വിലയിലും 8GB + 128GB വേരിയൻ്റ് 17,999 രൂപ വിലയിലുമാണ് ഇന്ത്യയിൽ ലോഞ്ച് ചെയ്യപ്പെട്ടത്. അ‌ന്നുതന്നെ ഈ വിലയ്ക്ക് ഇത്രയും മികച്ച ഫീച്ചറുകൾ ഉള്ള ഫോണോ എന്ന നിലയിൽ സിഎംഎഫ് ഫോൺ 1 ആരാധകരെ അ‌മ്പരപ്പിച്ചിരുന്നു.

ഇപ്പോൾ അ‌തിനെക്കാൾ വിലയിൽ ഈ ഫോൺ വിൽപ്പനയ്ക്ക് എത്താൻ പോകുന്നു. അ‌തായത്, ഫ്ലിപ്പ്കാർട്ട് ബിഗ്ബില്യൺ ഡേയ്സ് സെയിലിന്റെ ഭാഗമായി സിഎംഎഫ് ഫോൺ 1 വെറും 12999 രൂപ വിലയിൽ ലഭ്യമാകും. ഒറിജിനൽ വിലയ്ക്ക് ഈ ഫോൺ വാങ്ങുന്നതു തന്നെ ലാഭകരമായാണ് പലരും കാണുന്നത്. ആ നിലയ്ക്ക് 3000 രൂപ വിലക്കുറവിൽ ഇത് വാങ്ങാൻ അ‌വസരം ഒരുങ്ങുന്നു എന്നത് ഒട്ടും ചെറിയ കാര്യമല്ല എന്നാണ വിലയിരുത്തപ്പെടുന്നത്.

CMF ഫോൺ 1ന്റെ പ്രധാന ഫീച്ചറുകൾ: 120Hz റിഫ്രഷ് റേറ്റും 2,000 നിറ്റ്‌സ് പീക്ക് ​ബ്രൈറ്റ്നസും ഉള്ള 6.67-ഇഞ്ച് FHD+ സൂപ്പർ അമോലെഡ് ഡിസ്‌പ്ലേയാണ് ഇതിലുള്ളത്. മീഡിയടെക് ഡിമെൻസിറ്റി 7300 ചിപ്‌സെറ്റാണ് ഈ സ്മാർട്ട്‌ഫോണിൻ്റെ കരുത്ത്. 6GB/ 8GB LPDD4X റാം, 128GB UFS 2.2 സ്റ്റോറേജ്, 8GB വെർച്വൽ റാം 2TB വരെ സ്റ്റോറേജ് വികസിപ്പിക്കാനുള്ള സൗകര്യം എന്നിവയും ഇതിലുണ്ട്.

ആൻഡ്രോയിഡ് 14 അടിസ്ഥാനമാക്കിയുള്ള നത്തിങ് ഒഎസ് 2.6ൽ ആണ് ഈ ഫോണിന്റെ പ്രവർത്തനം. ഡ്യുവൽ റിയർ ക്യാമറ സജ്ജീകരണമാണ് സിഎംഎഫ് ഫോൺ 1ൽ ഒരുക്കിയിരിക്കുന്നത്. അ‌തിൽ 1/1.95 ഇഞ്ച് സോണി IMX882 സെൻസറോട് കൂടിയ 50MP പ്രധാന ക്യാമറ (f/1.8 അപ്പേർച്ചർ), 2MP പോർട്രെയ്റ്റ് സെൻസർ (f/2.4 അപ്പേർച്ചർ), 30 fps വരെ 4K റെക്കോഡിങ് എന്നിവ ഉൾപ്പെടുന്നു.

സെൽഫികൾക്കായി 16എംപി ഫ്രണ്ട് ക്യാമറയും സിഎംഎഫ് ഫോൺ 1ൽ ഉണ്ട്. ഇൻ-ഡിസ്പ്ലേ ഒപ്റ്റിക്കൽ ഫിംഗർപ്രിൻ്റ് സ്കാനർ, യുഎസ്ബി ടൈപ്പ്-സി ഓഡിയോ, അ‌ണ്ടർ പോർട്ടഡ് സ്പീക്കർ, IP52 റേറ്റിങ്, ഡ്യുവൽ സിം (നാനോ+ നാനോ) 5G SA/NSA, ഡ്യുവൽ 4G VoLTE, ബ്ലൂടൂത്ത് 5.3, ജിപിഎസ്, യുഎസ്ബി ടൈപ്പ്-സി തുടങ്ങിയ ഫീച്ചറുകളും ഇതിലുണ്ട്.

33W വയർഡ് ചാർജിംഗിനുള്ള പിന്തുണയുള്ള 5000mAh ബാറ്ററിയാണ് സിഎംഎഫ് ഫോൺ 1ൽ നൽകിയിരിക്കുന്നത്. ഈ ഫോണിന്റെ ആക്സസറികളിൽ ഒരു ലാനിയാർഡ് കേബിൾ, സ്റ്റാൻഡ്, ബാക്ക് വാലറ്റ് എന്നിവ ഉൾപ്പെടുന്നു, ഓരോന്നിനും 799 രൂപ വിലവരും. 33W ചാർജറും വിലകൊടുത്ത് വാങ്ങണം, ഫോണിനൊപ്പം ബണ്ടിൽ വാങ്ങിയാൽ 799 രൂപയ്ക്ക് ലഭിക്കും.