ആപ്പിൾ ഐഫോൺ മോഡലുകൾക്ക് ഡിസ്‌കൗണ്ടുകളുമായി ഫ്ലിപ്കാർട്ട് മൊബൈൽ ബോണൻസ സെയിൽ 2021

ഐഫോൺ 11

ഫ്ലിപ്പ്കാർട്ട് മൊബൈൽ ബോണൻസ സെയിൽ സമയത്ത് ഐഫോൺ 11ന് 46,999 രൂപ എന്ന കിഴിവ് വിലയ്ക്ക് ലഭ്യമാണ്. ഈ സ്മാർട്ഫോണിൻറെ യഥാർത്ഥ വില 54,900 രൂപയാണ്. ഇതിൻറെ പ്രധാന സവിശേഷതകൾ - 6.1 ഇഞ്ച് ഡിസ്‌പ്ലേയാണ് ഐഫോൺ 11ൽ നാളിയിരിക്കുന്നത്. ഈ ഡിസ്പ്ലെയ്ക്ക് എഫ്‌എച്ച്ഡി + റെസലൂഷൻ, 2.5 ഡി ടെമ്പർഡ് ഗ്ലാസ് പ്രോട്ടക്ഷൻ എന്നിവയും നൽകിയിട്ടുണ്ട്. ഡിസ്‌പ്ലേയുടെ മുകൾ ഭാഗത്തായി ഒരു നോച്ച് നൽകിയിട്ടുണ്ട്. ഡിവൈസിൻറെ വശങ്ങളിൽ മെറ്റൽ ഫ്രെയിമാണ് നൽകിയിട്ടുള്ളത്. ഇത് കൂടാതെ മുന്നിലും പിറകിലുമായി ഗ്ലാസ് നൽകിയിട്ടുണ്ട്. സെക്കന്റ് ജനറഷൻ 7 എൻ‌എം ഫാബ്രിക്കേഷൻ ബേസ്ഡ് ഐഫോൺ 11 ആപ്പിൾ എ13 ബയോണിക് എസ്ഒസിയുടെ കരുത്തിലാണ് പ്രവർത്തിക്കുന്നത്. ഈ ചിപ്പ്സെറ്റ് എല്ലാതരം ഗെയിമുകളും മൾട്ടിടാസ്കിങും സപ്പോർട്ട് ചെയ്യുന്നു. നൈറ്റ് മോഡ്, ഒ‌ഐ‌എസ്, പോർട്രെയിറ്റ് മോഡ് എന്നിവ അടക്കമുള്ള മികച്ച ക്യാമറ സവിശേഷതകളും ഈ ക്യാമറ സെറ്റപ്പ് നൽകുന്നുണ്ട്. 3,110 ബാറ്ററിയാണ് ഈ ഡിവൈസിൽ ഉൾപ്പെയുത്തിയിരിക്കുന്നത്. ഐപി 68 റേറ്റ് ചെയ്ത വാട്ടർ റസിറ്റൻസും ഈ ഡിവൈസിൽ വരുന്നുണ്ട്.

ആപ്പിൾ ഐഫോൺ എസ്ഇ 2020

ആപ്പിൾ ഐഫോൺ എസ്ഇ 2020 ഫ്ലിപ്കാർട്ട് മൊബൈൽ ബോണൻസ സെയിൽ സമയത്ത് 29,999 രൂപ കിഴിവ് വിലയിൽ ലഭ്യമാണ്. ഈ സ്മാർട്ഫോണിന് യഥാർത്ഥത്തിൽ 39,000 രൂപയാണ് വില വരുന്നത്. ട്രൂ ടോൺ സാങ്കേതികവിദ്യയുള്ള 4.7 ഇഞ്ച് റെറ്റിന ഐപിഎസ് എൽസിഡി ഡിസ്പ്ലേയിലാണ് ഐഫോൺ എസ്ഇ 2020 വരുന്നത്. ആപ്പിളിൻറെ എ 13 ബയോണിക് ചിപ്‌സെറ്റാണ് ഈ ഹാൻഡ്‌സെറ്റിന് കരുത്തേകുന്നത്. ഐഫോൺ 11 സീരീസിലും ഉപയോഗിച്ചിരിക്കുന്ന അതേ ചിപ്പ്സെറ്റാണ് ഇതിലും നൽകിയിട്ടുള്ളത്. പി‌ഡി‌എഫും ഒ‌ഐ‌എസും വരുന്ന 12 മെഗാപിക്സൽ പിൻ ക്യാമറയാണ് ഡിവൈസിൽ ഉൾപ്പെടുത്തിയിരിക്കുന്നത്. മുൻ ക്യാമറ 7 മെഗാപിക്സൽ എച്ച്ഡിആർ എനേബിൾഡ് ഷൂട്ടർ ആണ്. ടച്ച് ഐഡിയുള്ള ഒരു ഹോം ബട്ടനാണ് ഈ സ്മാർട്ട്ഫോണിൽ നൽകിയിട്ടുള്ളത്. എന്നാൽ, ഫെയ്‌സ് ഐഡി നൽകിയിട്ടില്ല. 1821 എംഎഎച്ച് ബാറ്ററിയുണ്ട് ഇതിൽ.

ഐഫോൺ എക്സ്ആർ

ഐഫോൺ എക്സ്ആർ ഫ്ലിപ്കാർട്ട് മൊബൈൽ ബോണൻസ സെയിൽ സമയത്ത് 39,999 രൂപ കിഴിവ് വിലയിൽ ലഭ്യമാണ്. ഈ സ്മാർട്ഫോണിന് യഥാർത്ഥത്തിൽ 47,900 രൂപയാണ് വില വരുന്നത്. 6.10 ഇഞ്ച് ടച്ച്‌സ്‌ക്രീൻ ഡിസ്‌പ്ലേ, 828x1792 പിക്‌സൽ റെസല്യൂഷൻ, ഒരു ഇഞ്ചിന് 326 പിക്‌സൽ (പിപിഐ) പിക്‌സൽ ഡെൻസിറ്റി, 19.5: 9 റേഷിയോ എന്നിവ വരുന്നു. ആപ്പിൾ ഐഫോൺ എക്സ്ആർ ഒരു ഹെക്സ കോർ ആപ്പിൾ എ 12 ബയോണിക് പ്രോസസറിലാണ് പ്രവർത്തിക്കുന്നത്. 3 ജിബി റാമുമായാണ് ഇത് വരുന്നത്. ആപ്പിൾ ഐഫോൺ എക്സ്ആർ ഐഒഎസ് 12 പ്രവർത്തിപ്പിക്കുന്നു, ഇത് 2942 എംഎഎച്ച് നോൺ-റിമൂവബിൾ ബാറ്ററിയാണ് നൽകുന്നത്. ആപ്പിൾ ഐഫോൺ എക്സ്ആർ വയർലെസ് ചാർജിംഗിനെയും പ്രൊപ്രൈറ്ററി ഫാസ്റ്റ് ചാർജിംഗിനെയും സപ്പോർട് ചെയ്യുന്നു. സെൻസറുകളിൽ ആക്‌സിലറോമീറ്റർ, ആംബിയന്റ് ലൈറ്റ് സെൻസർ, ബാരോമീറ്റർ, ഗൈറോസ്‌കോപ്പ്, പ്രോക്‌സിമിറ്റി സെൻസർ, കോമ്പസ് / മാഗ്നെറ്റോമീറ്റർ എന്നിവ ഉൾപ്പെടുന്നു. 3 ഡി ഫെയ്സ് റെക്കഗ്നിഷനുമായി ആപ്പിൾ ഐഫോൺ എക്സ്ആർ ഫേസ് അൺലോക്കിനെ സപ്പോർട്ട് ചെയ്യുന്നു.

ഐഫോൺ 11 പ്രോ

ഐഫോൺ 11 പ്രോ ഫ്ലിപ്കാർട്ട് മൊബൈൽ ബോണൻസ സെയിൽ സമയത്ത് 74,999 രൂപ കിഴിവ് വിലയിൽ ലഭ്യമാണ്. ഈ സ്മാർട്ഫോണിന് യഥാർത്ഥത്തിൽ 1,06,660 രൂപയാണ് വില വരുന്നത്. 5.80 ഇഞ്ച് ടച്ച്‌സ്‌ക്രീൻ ഡിസ്‌പ്ലേയുള്ള ഈ സ്മാർട്ട്ഫോണിന് 1125x2436 പിക്‌സൽ റെസല്യൂഷനോടുകൂടിയ പിക്‌സൽ ഡെന്സിറ്റി 458 പിക്‌സൽ ഒരിഞ്ചിന് (പിപിഐ) ഉണ്ട്. ഹെക്‌സ കോർ ആപ്പിൾ എ 13 ബയോണിക് പ്രോസസറാണ് ഐഫോൺ 11 പ്രോയുടെ കരുത്ത്. 4 ജിബി റാമുമായാണ് ഇത് വരുന്നത്. ഐഫോൺ 11 പ്രോ ഐഒഎസ് 13 പ്രവർത്തിപ്പിക്കുന്നു. ഇത് 3046 എംഎഎച്ച് നീക്കംചെയ്യാനാകാത്ത ബാറ്ററിയാണ് നൽകിയിരിക്കുന്നത്. ഐഫോൺ 11 പ്രോ വയർലെസ് ചാർജിംഗിനെയും പ്രൊപ്രൈറ്ററി ഫാസ്റ്റ് ചാർജിംഗിനെയും സപ്പോർട്ട് ചെയ്യുന്നു. ഈ സ്മാർട്ട്ഫോണിലെ സെൻസറുകളിൽ ആക്‌സിലറോമീറ്റർ, ആംബിയന്റ് ലൈറ്റ് സെൻസർ, ബാരോമീറ്റർ, ഗൈറോസ്‌കോപ്പ്, പ്രോക്‌സിമിറ്റി സെൻസർ, കോമ്പസ് / മാഗ്നെറ്റോമീറ്റർ എന്നിവ ഉൾപ്പെടുന്നു. 3 ഡി ഫെയ്സ് റെക്കഗ്നിഷനുള്ള ഫേസ് അൺലോക്കിനെ ഐഫോൺ 11 പ്രോ സപ്പോർട്ട് ചെയ്യുന്നു.