ആമസോണിൽ ഷവോമി എംഐ 11എക്‌സ് സ്മാർട്ഫോൺ ഇപ്പോൾ 2,000 രൂപ വിലക്കുറവിൽ

ആൻഡ്രോയിഡ് 11 അടിസ്ഥാനമായ എംഐയുഐ 12 ഓപ്പറേറ്റിംഗ് സിസ്റ്റത്തിലാണ് എംഐ 11 എക്‌സ് പ്രവർത്തിക്കുന്നത്. 6.67 ഇഞ്ച് ഫുൾ എച്ച്ഡി+ (1,080x2,400 പിക്‌സൽ) ഇ4 അമോലെഡ് ഡിസ്‌പ്ലേയ്ക്ക് 1,300 നിറ്റ് പീക്ക് ബ്രൈറ്റ്നസ്, 120 ഹെർട്സ് റിഫ്രഷ് റേറ്റ്, 360 ഹെർട്സ് ടച്ച് സാമ്പിൾ റേറ്റ് തുടങ്ങിയ ഫീച്ചറുകൾ വരുന്നു. മാത്രമല്ല 20:9 ആസ്പെക്റ്റ് റേഷിയോയും 2.76 എംഎം ഹോൾ-പഞ്ച് ഡിസ്പ്ലേയുമുണ്ട്. ഇതിൽ ലോകത്തിലെ ഏറ്റവും ചെറിയ ഹോൾ-പഞ്ച് ഡിസ്പ്ലേയാണ് വരുന്നതെന്ന് ഷാവോമി പറയുന്നു. 8 ജിബി വരെ എൽപിഡിഡിആർ 5 റാമിനൊപ്പം പ്രവർത്തിക്കുന്ന ഒക്ടാകോർ ക്വാൽകോം സ്‌നാപ്ഡ്രാഗൺ 870 SoC പ്രോസസ്സറാണ് ഈ സ്മാർട്ട്ഫോണിന് കരുത്ത് പകരുന്നത്.

48 മെഗാപിക്സൽ സോണി ഐഎംഎക്സ് 582 പ്രൈമറി സെൻസറും, അൾട്രാ വൈഡ് ആംഗിൾ ലെൻസുള്ള 8 മെഗാപിക്സൽ സെക്കൻഡറി സെൻസറും, മാക്രോ ലെൻസുള്ള 5 മെഗാപിക്സൽ ടെർഷ്യറി സെൻസറും ഉൾപ്പെടുന്നതാണ് ട്രിപ്പിൾ ക്യാമറ സംവിധാനം. സെൽഫികൾ പകർത്തുവാനും വീഡിയോ ചാറ്റുകൾക്കുമായി മുൻവശത്ത് 20 മെഗാപിക്സൽ ക്യാമറ സെൻസറും നൽകിയിട്ടുണ്ട്.

256 ജിബി വരെ യു‌എഫ്‌എസ് 3.1 സ്റ്റോറേജാണ് ഈ സ്മാർട്ഫോണിൽ ഉൾപ്പെടുത്തിയിരിക്കുന്നത്. 33W ഫാസ്റ്റ് ചാർജിംഗിനെ സപ്പോർട്ട് ചെയ്യുന്ന എംഐ 11X-ൽ 4,520 എംഎഎച്ച് ബാറ്ററിയാണുള്ളത്. 5 ജി, 4 ജി എൽടിഇ, വൈ-ഫൈ 6, ബ്ലൂടൂത്ത് വി 5.1, ജിപിഎസ് / എ-ജിപിഎസ്, എൻ‌എഫ്‌സി, ഇൻഫ്രാറെഡ്, യുഎസ്ബി ടൈപ്പ്-സി പോർട്ട് എന്നിവയാണ് കണക്ടിവിറ്റി ഓപ്ഷനുകളിൽ വരുന്നത്.