Click it and Unblock the Notifications
വിവോ എക്സ് 60 സ്മാർട്ട്ഫോൺ ഇപ്പോൾ നിങ്ങൾക്ക് വിലക്കുറവിൽ സ്വന്തമാക്കാം
വിവോ എക്സ് 60 സ്മാർട്ഫോണിൻറെ വില കുറച്ചതായി വിവോ അറിയിച്ചു. വിവോ എക്സ് 60 പ്രോ, എക്സ് 60 പ്രോ പ്ലസ് എന്നിവയ്ക്കൊപ്പം ഈ സ്മാർട്ട്ഫോൺ മാർച്ചിൽ അവതരിപ്പിച്ചു. വിവോ എക്സ് 60യുടെ രണ്ട് വേരിയന്റുകൾക്കും 3,000 രൂപ വരെ വില കുറച്ചിട്ടുണ്ട്. അപ്പോൾ, ഈ സ്മാർട്ഫോണിൻറെ വില 34,990 രൂപയായി കുറയുന്നു. ഇവിടെ നമുക്ക് ഈ പുതിയ ഓഫറിനെ കുറിച്ച് കൂടുതൽ കാര്യങ്ങൾ വിശദമായി പരിശോധിക്കാം.
വിവോ എക്സ് 60 സ്മാർട്ഫോണിൻറെ പുതിയ വില
അടിസ്ഥാന 8 ജിബി റാം + 128 ജിബി റോം മോഡൽ രൂപയ്ക്ക് പുറത്തിറക്കി. ഇപ്പോൾ വില കുറച്ചതിനുശേഷം ഇത് വെറും 34,990 രൂപയ്ക്ക് നിങ്ങൾക്ക് സ്വന്തമാക്കാം. 39,990 രൂപയ്ക്ക് വിൽക്കുന്ന 12 ജിബി റാം + 256 ജിബി സ്റ്റോറേജ് മോഡൽ ഇപ്പോൾ വിലക്കുറവിൽ വെറും 41,990 രൂപയ്ക്ക് ലഭിക്കുന്നതാണ്. പുതിയ വില കുറവുകൾ ഇപ്പോൾ കമ്പനിയുടെ വെബ്സൈറ്റിൽ കാണിച്ചിട്ടുണ്ട്. കൂടാതെ, വിവോ ഐസിഐസിഐ, എച്ച്ഡിഎഫ്സി ക്രെഡിറ്റ് കാർഡുകൾ, വൺ-ടൈം സ്ക്രീൻ റീപ്ലേസ്മെന്റുകൾ, ക്യാഷ്ബാക്ക് മുതലായവയും നൽകുന്നുണ്ട്. കൂടാതെ, വിവോ എക്സ് 60 സ്മാർട്ഫോൺ ഇപ്പോൾ മിഡ്നൈറ്റ് ബ്ലാക്ക്, ഷിമ്മർ ബ്ലൂ കളർ ഓപ്ഷനുകളിൽ ലഭ്യമാണ്.
വിവോ എക്സ് 60 സ്മാർട്ഫോണിൻറെ സവിശേഷതകൾ
120 ഹെർട്സ് റിഫ്രഷ് റേറ്റുള്ള 6.56 ഇഞ്ച് ഫുൾ എച്ച്ഡി + ഡിസ്പ്ലേയാണ് വിവോ എക്സ് 60 സ്മാർട്ട്ഫോണിൽ നൽകിയിട്ടുള്ളത്. 2376 × 1080 പിക്സൽ റെസല്യൂഷനും എച്ച്ഡിആർ 10+ സർട്ടിഫിക്കേഷനുമുള്ള ഇ3 അമോലെഡ് പാനലാണ് ഇത്. സുരക്ഷയ്ക്കായി ഇൻ-ഡിസ്പ്ലേ ഫിംഗർപ്രിന്റ് സ്കാനറും ഈ ഡിസ്പ്ലേയിൽ വിവോ നൽകിയിട്ടുണ്ട്. വിവോ എക്സ് 60 സ്മാർട്ട്ഫോണിന് കരുത്ത് നൽകുന്നത് സാംസങ്ങിൻറെ എക്സിനോസ് 1080 SoC പ്രോസസറാണ്. 5 എൻഎം മാനുഫാക്ച്ചറിങ് പ്രോസസിനെ അടിസ്ഥാനമാക്കിയുള്ള മാലി-ജി 78 ജിപിയുവിനൊപ്പമാണ് ഈ ഒക്ടാകോർ SoC പ്രോസസർ നൽകിയിട്ടുള്ളത്. സ്മാർട്ട്ഫോണിൽ 8 ജിബി / 12 ജിബി എൽപിഡിഡിആർ 5 റാമും 256 ജിബി യുഎഫ്എസ് 3.1 സ്റ്റോറേജുമുണ്ട്.
വിവോ എക്സ് 60 സ്മാർട്ഫോണിൻറെ ക്യാമറ സവിശേഷതകൾ
വിവോ എക്സ് 60 കർവ്ഡ് സ്ക്രീൻ എഡിഷൻറെ പിൻ ഭാഗത്ത് മൂന്ന് ക്യാമറകളാണ് ഉള്ളത്. 48 മെഗാപിക്സൽ ഐഎംഎക്സ് 598 പ്രൈമറി ഷൂട്ടർ, 13 മെഗാപിക്സൽ 50 എംഎം പോർട്രെയിറ്റ് ലെൻസ്, 13 മെഗാപിക്സൽ അൾട്രാവൈഡ് ക്യാമറ എന്നിവയാണ് ഈ ട്രിപ്പിൾ ക്യാമറ സംവിധാനത്തിൽ വരുന്ന സെൻസറുകൾ. മുൻവശത്ത് സെൽഫികൾക്കും വീഡിയോ കോളുകൾക്കുമായി 32 മെഗാപിക്സൽ സെൻസറും വിവോ നൽകിയിട്ടുണ്ട്. വിവോ എക്സ് 60കർവ്ഡ് സ്ക്രീൻ എഡിഷൻ സ്മാർട്ട്ഫോണിൽ 5ജി, ഡബ്ല്യുഐ-ഫൈ, ബ്ലൂടൂത്ത്, യുഎസ്ബി ടൈപ്പ്-സി തുടങ്ങിയ കണക്റ്റിവിറ്റി ഓപ്ഷനുകൾ നൽകിയിട്ടുണ്ട്.
ഫാസ്റ്റ് ചാർജിങ് സപ്പോർട്ടുള്ള ഈ സ്മാർട്ഫോണിൽ 4300 എംഎഎച്ച് ബാറ്ററിയാണ് വിവോ ഉൾപ്പെടുത്തിയിരിക്കുന്നത്. ആൻഡ്രോയിഡ് 11 ബേസ്ഡ് ഒറിജിൻ ഒഎസ് 10 ലാണ് ഇത് പ്രവർത്തിക്കുന്നത്. അഭ്യുഹങ്ങൾ അനുസരിച്ച്, വരാനിരിക്കുന്ന വിവോ എക്സ് 70 സീരീസിന് വലിയ അപ്ഗ്രേഡ് ലഭിക്കില്ല. ഡിസ്പ്ലേ ഭാഗം മുൻഗാമിയെപ്പോലെ തന്നെ തുടരും. എന്നാൽ, വിവോ എക്സ് 60യിൽ കാണാത്ത ഒരു വലിയ എഫ് 1/1.5 അപ്പർച്ചർ, ഫൈവ്-ആക്സിസ് ഇമേജ് സ്റ്റെബിലൈസേഷൻ എന്നിവ വിവോ എക്സ് 70 സപ്പോർട്ട് ചെയ്യുന്നു. ഇത് നൽകുന്ന പ്രതീക്ഷ നെക്സ്റ്റ് ജനറേഷൻ വിവോ എക്സ് 70 സ്മാർട്ഫോണിന് മികച്ച ക്യാമറ സവിശേഷതകൾ ലഭിക്കുമെന്നാണ്.
-
54,999 -
36,599 -
39,999 -
38,990 -
1,29,900 -
79,990 -
38,900 -
18,999 -
19,300 -
69,999
-
79,900 -
1,09,999 -
1,19,900 -
21,999 -
1,29,900
-
12,999 -
44,999 -
15,999 -
7,332 -
17,091
-
29,999 -
7,999 -
8,999 -
45,835 -
77,935 -
48,030 -
29,616 -
57,999 -
12,670 -
79,470
-1763362932432.svg){kind=logo}
Continue with Google