ലോകത്തെ ഏറ്റവും മെലിഞ്ഞ ഫോണ്‍ ജിയോണി പുറത്തിറക്കി

ലോകത്തെ ഏറ്റവും മെലിഞ്ഞ ഫോണ്‍ എന്ന വിശേഷണവുമായി ജിയോണി എലൈഫ് S 5.5 പുറത്തിറങ്ങി. 5.5 mm ആണ് ഫോണിന്റെ തിക്‌നെസ്. 5.75 mm തികനസ് ഉണ്ടായിരുന്ന വിവോ എക്‌സ് 3-യെയാണ് ജിയോണി കടത്തിവെട്ടിയിരിക്കുന്നത്.

മെലിഞ്ഞത് എന്നതിനൊപ്പം ഉയര്‍ന്ന ബാറ്ററി ലൈഫ് ആണ് ഫോണിന്റെ മറ്റൊരു പ്രത്യേകത. 2300 mAh ബാറ്ററി ഒറ്റ ചാര്‍ജില്‍ ഒരു ദിവസം മുഴുവന്‍ ഉപയോഗിക്കാന്‍ സഹായിക്കും എന്നാണ് കമ്പനി അവകാശപ്പെടുന്നത്.

ജിയോണി എലൈഫ് S5.5-ന്റെ പ്രത്യേകതകള്‍

5 ഇഞ്ച് ടച്ച്‌സ്‌ക്രീന്‍, 1.7 GHz ക്വാഡ്‌കോര്‍ പ്രൊസസര്‍, 2 ജി.ബി. റാം, 13 എം.പി. പ്രൈമറി ക്യാമറ, 5 എം.പി. ഫ്രണ്ട് ക്യാമറ എന്നിവയുള്ള ഫോണില്‍ ആന്‍ഡ്രോയ്ഡ് അടിസ്ഥാനമാക്കിയുള്ള അമിഗൊ ഓപ്പറേറ്റിംഗ് സിസ്റ്റമാണ്.

നിലവില്‍ ചൈനയില്‍ ലോഞ്ച് ചെയ്ത ഫോണ്‍ അടുത്തമാസത്തോടെ ഇന്ത്യയില്‍ എത്തുമെന്നാണ് കരുതുന്നത്.