ഗൂഗിൾ പിക്‌സൽ 4 എ ഓഗസ്റ്റ് 3 ന് പുറത്തിറങ്ങും: പ്രതീക്ഷിക്കുന്ന വില, സവിശേഷതകൾ

അതിനാൽ ഓഗസ്റ്റ് 3 ന് ഗൂഗിൾ പിക്‌സൽ 4 എ ലോഞ്ച് പ്രതീക്ഷിക്കാവുന്നതാണ്. ഗൂഗിൾ അടുത്തിടെ പിക്‌സൽ 3 എ, പിക്‌സൽ 3 എ എക്സ്എൽ എന്നിവയിൽ നിന്നും ഇപ്പോൾ ഗൂഗിൾ പിക്‌സൽ സ്മാർട്ഫോണിലേക്കുള്ള ശ്രദ്ധ കൂടുതൽ കേന്ദ്രികരിച്ചു. ഗൂഗിൾ പിക്‌സൽ 4 എ ഓഗസ്റ്റ് 3ന് അവതരിപ്പിക്കുമെന്ന് ഒരു പുതിയ റിപ്പോർട്ടിൽ വ്യക്തമാക്കുന്നു. ക്വാൽകോമിന്റെ സ്‌നാപ്ഡ്രാഗൺ 730 സിലിക്കൺ ഈ സ്മാർട്ട്ഫോണിൽ ഉൾപ്പെടുത്തിയേക്കാൻ സാധ്യതയുണ്ട്.

ജൂലൈ 13 നുള്ള പിക്‌സൽ 4 എ പ്രഖ്യാപനം പിന്നോട്ട് നീക്കിയതായി ആദ്യം അവകാശപ്പെട്ട ഒരു ടിപ്പ്സ്റ്റർ ഇപ്പോൾ കമ്പനി ഒടുവിൽ ഒരു തീയതി നിശ്ചയിച്ചിട്ടുണ്ടെന്ന് പറയുന്നു. മുൻ‌വർഷത്തെ പിക്‌സൽ 3, പിക്‌സൽ 3 എ എന്നിവയിൽ‌ ചെയ്‌തതുപോലെ ഫോണിന്റെ മുൻ‌നിര പിക്‌സൽ 4 ന്റെ ഏറ്റവും താങ്ങാവുന്ന പതിപ്പായിരിക്കും ഈ സ്മാർട്ട്ഫോൺ‌. നിലവിൽ, പിക്‌സൽ 4 എയുടെ പ്രഖ്യപനത്തെ കുറിച്ച് ഗൂഗിൾ ഒരു വിവരവും ഇതുവരെ വ്യക്തമാക്കിയിട്ടില്ല.

ഗൂഗിൾ പിക്‌സൽ 4 എ: ലോഞ്ച് തീയതി

ഓഗസ്റ്റ് 3 ന് ഗൂഗിൾ പിക്‌സൽ 4 എ പുറത്തിറക്കുമെന്ന് അറിയപ്പെടുന്ന ടിപ്‌സ്റ്റർ ജോൺ പ്രോസർ ട്വിറ്ററിൽ അവകാശപ്പെട്ടു. ഇപ്പോൾ ഈ അറിയിപ്പിൽ പറയുന്ന സമയം അടുത്തിരിക്കുന്നുവെന്ന് നമുക്കറിയാം. പക്ഷേ ടിപ്പ്സ്റ്റർ പറയുന്നതനുസരിച്ച്, അടുത്തയാഴ്ച ഗൂഗിൾ പിക്‌സൽ 4 എ അവതരിപ്പിച്ചേക്കാം. ഇതുവരെ ഈ ഫോണിന്റെ സവിശേഷതകൾ, വിലനിർണ്ണയം, ലോഞ്ച് എന്നിവയെക്കുറിച്ച് നിരവധി ചോർച്ചകൾ ഉണ്ടായിട്ടുണ്ടെങ്കിലും ഒന്നും ഔദ്യോഗികമായി പ്രഖ്യാപിച്ചിട്ടില്ല.

കഴിഞ്ഞ മാസം, ജൂൺ 3 ന് നടക്കുന്ന ആൻഡ്രോയ്ഡി 11 ഇവന്റിൽ ഈ സ്മാർട്ട്ഫോൺ പ്രഖ്യാപിക്കുമെന്ന് പ്രതീക്ഷിച്ചിരുന്നെങ്കിലും അത് സംഭവിച്ചില്ല. തുടർന്ന്, ജൂലൈ 13 ന് അവതരിപ്പിക്കുമെന്ന് പറഞ്ഞിരുന്നെങ്കിലും അതും മാറ്റിവച്ചു. അടുത്തിടെ, ഗൂഗിൾ കാനഡ സ്റ്റോറിൽ സെൽഫി ക്യാമറയ്‌ക്കായി ഒരു പഞ്ച്-ഹോൾ-ഡിസൈൻ, റിയർ ക്യാമറയ്ക്കും ഫ്ലാഷിനുമുള്ള സ്‌ക്വയർ മൊഡ്യൂൾ, പിന്നിലെ ഫിംഗർപ്രിന്റ് സ്‌കാനർ എന്നിവ കാണിക്കുന്നതായി റിപ്പോർറ്റുകൾ ഉണ്ടായിരുന്നു. പിക്സൽ 4 എയുടെ മാറ്റ് ബ്ലാക്ക് വേരിയന്റും ഇതിൽ ദൃശ്യമായി.

ഗൂഗിൾ പിക്‌സൽ 4 എ: പ്രതീക്ഷിക്കുന്ന വില, സവിശേഷതകൾ

ഗൂഗിൾ പിക്‌സൽ 4 എ 64 ജിബി, 128 ജിബി വേരിയന്റിൽ വരുമെന്ന് പ്രതീക്ഷിക്കുന്നു. അഡ്രിനോ 618 ജിപിയുവിനൊപ്പം ഒരു സ്നാപ്ഡ്രാഗൺ 730 SoC ഉം 6 ജിബി റാമും ഇതിൽ വരുന്നു. 5.8 ഇഞ്ച് ഡിസ്‌പ്ലേയുമായി ഈ സ്മാർട്ട്ഫോൺ വന്നേക്കാം. ഇത് മിക്കവാറും ആൻഡ്രോയിഡ് 10ൽ പ്രവർത്തിപ്പിക്കുന്ന ഒരു ഫോണായിരിക്കും. ഗൂഗിൾ പിക്‌സൽ 4 എയുടെ ബാറ്ററി 18W ഫാസ്റ്റ് ചാർജിംഗിനെ പിന്തുണയ്ക്കുമെന്ന് പറയപ്പെടുന്നു. വിലനിർണ്ണയത്തെ സംബന്ധിച്ചിടത്തോളം 64 ജിബി വേരിയന്റിന് 299 ഡോളർ (ഏകദേശം 22,400 രൂപ), 128 ജിബി വേരിയന്റിന് 349 ഡോളർ (ഏകദേശം 26,100 രൂപ) വിലയാണ് പ്രതീക്ഷിക്കുന്നത്.