ഫ്ലിപ്പ്കാർട്ട് ബിഗ് ബില്യൺ ഡേയ്‌സ് സെയിലിൽ ഗൂഗിൾ പിക്‌സൽ 4 എ വിൽപ്പന: ഓഫറുകൾ, വില, സവിശേഷതകൾ

ഇന്ത്യയിൽ ഗൂഗിൾ പിക്‌സൽ 4 എ: വില, വിൽപ്പന ഓഫറുകൾ

ഇന്ത്യയിൽ ഗൂഗിൾ പിക്‌സൽ 4 എയുടെ 6 ജിബി + 128 ജിബി സ്റ്റോറേജ് വേരിയന്റിന് 31,999 രൂപയാണ് വില വരുന്നത്. സിംഗിൾ ബ്ലാക്ക് കളർ ഓപ്ഷനിൽ വരുന്ന ഈ സ്മാർട്ട്ഫോൺ ഫ്ലിപ്പ്കാർട്ട് വഴി വാങ്ങാൻ ലഭ്യമാണ്. ഗൂഗിൾ പിക്‌സൽ 4 എയുടെ വിലയായ 29,999 രൂപയിൽ നിന്നും 2,000 രൂപ ഇളവ് ഒരു നിശ്ചിത കാലയളവിലേക്ക് ലഭിക്കുന്നു. എസ്‌ബി‌ഐ ഉപഭോക്താക്കൾക്ക് 10 ശതമാനം അധിക തൽക്ഷണ കിഴിവും ലഭിക്കുന്നതാണ്. ആപ്പുകളും ടെക്സ്റ്റ് മെസ്സേജുകൾ എളുപ്പത്തിലും വേഗത്തിലും കൈകാര്യം ചെയ്യുന്നതിനായി ന്യൂ ഗൂഗിൾ അസിസ്റ്റന്റ് സവിശേഷത ഇതിൽ ചേർത്തിട്ടുണ്ട്.

ഗൂഗിൾ പിക്‌സൽ 4 എ: സവിശേഷതകൾ

ആൻഡ്രോയിഡ് 11 ലേക്ക് അപ്‌ഗ്രേഡ് ചെയ്യാമെങ്കിലും ഗൂഗിൾ പിക്‌സൽ 4 എ ആൻഡ്രോയിഡ് 10 ഒഎസിൽ പ്രവർത്തിക്കുന്നു. 5.81 ഇഞ്ച് ഫുൾ എച്ച്ഡി+ 1,080x2,340 പിക്‌സൽ വരുന്ന ഒ‌എൽ‌ഇഡി ഡിസ്‌പ്ലേയാണ് ഗൂഗിൾ പിക്‌സൽ 4 എയ്ക്ക് വരുന്നത്. 19.5:9 ആസ്പെക്ട് റേഷ്യോയും 443 പിപിഐ പിക്‌സൽ ഡെൻസിറ്റിയും, എച്ച്ഡിആർ സപ്പോർട്ടും ഈ ഡിസ്‌പ്ലേയ്ക്ക് ലഭിക്കുന്നു. 6 ജിബി LPDDR4x റാം ജോടിയാക്കിയ ഒക്ട-കോർ ക്വാൽകോം സ്നാപ്ഡ്രാഗൺ 730 ജി SoC പ്രോസസറാണ് ഈ ഹാൻഡ്‌സെറ്റിന് കരുത്തേകുന്നത്.

ഗൂഗിൾ പിക്‌സൽ 4 എ: ക്യാമറ സവിശേഷതകൾ

എൽഇഡി ഫ്ലാഷ്, ഒപ്റ്റിക്കൽ ഇമേജ് സ്റ്റെബിലൈസേഷൻ (ഒഐഎസ്) എന്നിവയുമായി ജോടിയാക്കിയ 12 മെഗാപിക്സൽ ക്യാമറ സെൻസറും ഈ ഫോണിലുണ്ട്. സെൽഫികൾ പകർത്തുവാൻ മുൻവശത്ത് 8 മെഗാപിക്സൽ സെൽഫി ക്യാമറ സെൻസർ വരുന്നു. എഫ്/1.7 ലെൻസും എൽഇഡി ഫ്ലാഷ് മൊഡ്യൂളുമുള്ള 12 മെഗാപിക്സൽ ക്യാമറയാണ് ഗൂഗിൾ പിക്‌സൽ 4 എയ്ക്ക് ലഭിക്കുന്നത്. ഡ്യുവൽ എക്‌സ്‌പോഷർ കണ്ട്രോൾ, പോർട്രെയിറ്റ് മോഡ്, ടോപ്പ് ഷോട്ട്, നൈറ്റ് സൈറ്റ്, ഫ്യൂസ് ചെയ്ത വീഡിയോ സവിശേഷതകൾ വരുന്ന പ്രധാന ക്യാമറ എച്ച്ഡിആർ+ സപ്പോർട്ട് ചെയ്യുന്നു.

മൈക്രോ എസ്ഡി കാർഡ് വഴി എക്സ്പാൻഡ് ചെയ്യുവാൻ സാധിക്കാത്ത 128 ജിബി ഓൺബോർഡ് സ്റ്റോറേജാണ് ഗൂഗിൾ പിക്‌സൽ4 എയ്ക്ക് നൽകിയിരിക്കുന്നത്. 18W ഫാസ്റ്റ് ചാർജിംഗിനെ സപ്പോർട്ട് ചെയ്യുന്ന പിക്‌സൽ 4 എയിൽ 3,140mAh ബാറ്ററിയാണ് ഉൾപ്പെടുത്തിയിരിക്കുന്നത്. 4ജി വോൾട്ടേ, വൈ-ഫൈ 802.11 എസി, ബ്ലൂടൂത്ത് വി 5.0, ജിപിഎസ് / എ-ജിപിഎസ്, എൻ‌എഫ്‌സി, യുഎസ്ബി ടൈപ്പ്-സി, 3.5 എംഎം ഹെഡ്‌ഫോൺ ജാക്ക് എന്നിവ ഈ ഡിവൈസിന്റെ കണക്ടിവിറ്റി ഓപ്ഷനുകളിൽ വരുന്നു.

ഈ സ്മാർട്ട്ഫോണിലെ സെൻസറുകളിൽ ആക്‌സിലറോമീറ്റർ, ആംബിയന്റ് ലൈറ്റ് സെൻസർ, ബാരോമീറ്റർ, ഗൈറോസ്‌കോപ്പ്, മാഗ്നെറ്റോമീറ്റർ, പ്രോക്‌സിമിറ്റി സെൻസർ എന്നിവയുണ്ട്. ഗൂഗിൾ പിക്‌സൽ 4 എയ്ക്ക് പിന്നിൽ ഫിംഗർപ്രിന്റ് സെൻസറും വരുന്നു.