ഗൂഗിൾ പിക്‌സൽ 5, പിക്‌സൽ 4 എ 5 ജി സ്മാർട്ഫോണുകൾ അവതരിപ്പിച്ചു: വില, സവിശേഷതകൾ

48 മണിക്കൂർ വരെ ബാറ്ററി കപ്പാസിറ്റി വർദ്ധിപ്പിക്കാൻ കഴിയുന്ന ഒരു പോർട്രെയിറ്റ് ലൈറ്റ് സവിശേഷതയും എക്‌സ്ട്രീം ബാറ്ററി സേവർ മോഡും (ഒരു ചെറിയ സെറ്റ് ആക്റ്റീവ് ആപ്ലിക്കേഷനുകൾ മാത്രം) കമ്പനി പുറത്തിറക്കി. ലൈനപ്പിലെ മികച്ച ഓപ്ഷനായി വരുന്ന പിക്‌സൽ 5 വയർലെസ് ചാർജിംഗ് സപ്പോർട്ട് നൽകുന്നു. ഡസ്റ്റ് ആൻഡ് വാട്ടർ റെസിസ്റ്റൻസ് എന്നിവയ്ക്ക് ഐപി 68 സർട്ടിഫിക്കറ്റ് ലഭിച്ച അലുമിനിയം ബോഡിയാണ് ഈ ഹാൻഡ്‌സെറ്റിന്റെ ഡിസൈൻ വഹിക്കുന്നത്.

ഗൂഗിൾ പിക്‌സൽ 5, പിക്‌സൽ 4 എ 5 ജി: വില

ഗൂഗിൾ പിക്സൽ 5 വില 699 ഡോളറിൽ (ഏകദേശം 51,400 രൂപ) ആരംഭിക്കുമ്പോൾ ഗൂഗിൾ പിക്സൽ 4 എ 5 ജി 499 ഡോളറിൽ (ഏകദേശം 37,000 രൂപ)ൽ നിന്ന് ആരംഭിക്കുന്നു. ഈ രണ്ട് ഫോണുകളും 5 ജി ഫീച്ചറുമായി ഓസ്‌ട്രേലിയ, കാനഡ, ഫ്രാൻസ്, ജർമ്മനി, അയർലൻഡ്, ജപ്പാൻ, തായ്‌വാൻ, യുകെ, യുഎസ് തുടങ്ങിയ രാജ്യങ്ങളുടെ വിപണികളിൽ മാത്രമായി പരിമിതപ്പെടുത്തും. പിക്‌സൽ 4 എ 5 ജി ഒക്ടോബർ 15ന് ജപ്പാനിൽ ആദ്യമായി അവതരിപ്പിക്കും. നവംബർ മുതൽ മറ്റ് രാജ്യങ്ങളിലും ഈ ഹാൻഡ്‌സെറ്റുകൾ പുറത്തിറങ്ങും.

അതേസമയം പിക്‌സൽ 5 ഒമ്പത് രാജ്യങ്ങളിലും ഒക്ടോബർ 15 മുതൽ ജസ്റ്റ് ബ്ലാക്ക്, സോർട്ട സേജ് തുടങ്ങിയ കളർ ഓപ്ഷനുകളിൽ ലഭ്യമാകും. ഓഗസ്റ്റിൽ കമ്പനി വെളിപ്പെടുത്തിയതുപോലെ ഗൂഗിൾ പിക്‌സൽ 5, പിക്‌സൽ 4 എ 5 ജി എന്നിവ ഇന്ത്യയിലേക്ക് വരില്ല. 100 ജിബി ഗൂഗിൾ വൺ ക്ലൗഡ് സ്റ്റോറേജ്, പ്ലേ പാസ്, പ്ലേ പോയിന്റുകൾ എന്നിവ കൂടാതെ 3 മാസത്തെ ഗൂഗിൾ സ്റ്റേഡിയ പ്രോ, യൂട്യൂബ് പ്രീമിയം എന്നിവയുൾപ്പെടെ നിരവധി ഓഫറുകൾ കമ്പനി 5 ജി സ്മാർട്ട്‌ഫോൺ ഉപഭോക്താക്കൾക്കായി പ്രഖ്യാപിച്ചു.

ഗൂഗിൾ പിക്‌സൽ 5: സവിശേഷതകൾ

ഡ്യുവൽ സിം (നാനോ + ഇസിം) വരുന്ന ഗൂഗിൾ പിക്‌സൽ 5 ആൻഡ്രോയിഡ് 11 ഒഎസിലാണ് പ്രവർത്തിക്കുന്നത്. 6 ഇഞ്ച് ഫുൾ എച്ച്ഡി + (1,080x2,340 പിക്‌സൽ) ഒ‌എൽ‌ഇഡി ഡിസ്‌പ്ലേ 432 പിപി പിക്‌സൽ ഡെൻസിറ്റി, 19.5: 9 ആസ്പെക്ടറ്റ് റേഷിയോ തുടങ്ങിയ പ്രത്യകതകൾ ഈ ഹാൻഡ്സെറ്റിനുണ്ട്. കോർണിംഗ് ഗോറില്ല ഗ്ലാസ് 6 പ്രൊട്ടക്ഷനും 90 ഹെർട്സ് റിഫ്രഷ് റേറ്റും ഈ ഡിസ്പ്ലേയിൽ ഉണ്ട്. 8 ജിബി എൽപിഡിഡിആർ 4 റാമുമായി ജോടിയാക്കിയ ഒക്ടാ കോർ ക്വാൽകോം സ്‌നാപ്ഡ്രാഗൺ 765 ജി SoC പ്രോസസറാണ് ഈ ഡിവൈസിന് കരുത്തേകുന്നത്.

ഗൂഗിൾ പിക്‌സൽ 5: ക്യാമറ സവിശേഷതകൾ

ഗൂഗിൾ പിക്സൽ 5 ഫോട്ടോകൾക്കും വീഡിയോകൾക്കുമായി ഡ്യുവൽ റിയർ ക്യാമറ സെറ്റപ്പുമായി വരുന്നു. അതിൽ എഫ് / 1.7 ലെൻസുള്ള 12.2 മെഗാപിക്സൽ പ്രൈമറി സെൻസറും എഫ് / 2.2 അൾട്രാ വൈഡ് ആംഗിൾ ലെൻസുള്ള 16 മെഗാപിക്സൽ സെക്കൻഡറി സെൻസറും ഉൾപ്പെടുന്നു. സെൽഫികൾക്കും വീഡിയോ ചാറ്റുകൾക്കുമായി, ഗൂഗിൾ പിക്‌സൽ 5 മുൻവശത്ത് ഒരു എഫ് / 2.0 ലെൻസുള്ള 8 മെഗാപിക്സൽ സ്‌നാപ്പർ അവതരിപ്പിക്കുന്നു. പിന്നിലും മുന്നിലുമായി ക്യാമറകൾ 60 എഫ്പിഎസ് വരെ 4K വീഡിയോ റെക്കോർഡിംഗ് സപ്പോർട്ട് വാഗ്ദാനം ചെയ്യുന്നു.

മൈക്രോ എസ്ഡി കാർഡ് വഴി വികസിപ്പിക്കാൻ കഴിയാത്ത 128 ജിബി ഓൺബോർഡ് സ്റ്റോറേജാണ് ഗൂഗിൾ പിക്‌സൽ 5 ൽ വരുന്നത്. 5 ജി, 4 ജി എൽടിഇ, വൈ-ഫൈ 802.11ac, ബ്ലൂടൂത്ത് 5.0, ജിപിഎസ് / എ-ജിപിഎസ്, എൻ‌എഫ്‌സി, യുഎസ്ബി ടൈപ്പ്-സി പോർട്ട് എന്നിവ കണക്റ്റിവിറ്റി ഓപ്ഷനുകളിൽ വരുന്നു. ഓൺ‌ബോർഡിലെ സെൻസറുകളിൽ ആക്‌സിലറോമീറ്റർ, ആംബിയന്റ് ലൈറ്റ്, ബാരോമീറ്റർ, ഗൈറോസ്‌കോപ്പ്, പ്രോക്‌സിമിറ്റി സെൻസർ എന്നിവ ഉൾപ്പെടുന്നു. പിൻവശത്തായി ഫിംഗർപ്രിന്റ് സെൻസറും, സ്റ്റീരിയോ സ്പീക്കറുകളും മൂന്ന് മൈക്രോഫോണുകളും വരുന്നു. 18W ഫാസ്റ്റ് ചാർജിംഗിനെ പിന്തുണയ്‌ക്കുന്ന പിക്‌സൽ 5 ൽ 4,080 എംഎഎച്ച് ബാറ്ററി ഗൂഗിൾ നൽകിയിട്ടുണ്ട്. വയർലെസ് ചാർജിംഗ്, റിവേഴ്‌സ് ചാർജിംഗ് തുടങ്ങിയ സവിശേഷതകളും ഈ ഫോണിലുണ്ട്.

ഗൂഗിൾ പിക്‌സൽ 4 എ 5 ജി: സവിശേഷതകൾ

ഡ്യുവൽ സിം (നാനോ + ഇസിം) വരുന്ന ഗൂഗിൾ പിക്‌സൽ 4 എ 5 ജി ആൻഡ്രോയിഡ് 11 ഒഎസിലാണ് പ്രവർത്തിക്കുന്നത്. കൂടാതെ, 6.2 ഇഞ്ച് ഫുൾ എച്ച്ഡി + (1,080x2,340 പിക്‌സൽ) ഒ‌എൽ‌ഇഡി ഡിസ്‌പ്ലേ 413 പിപി പിക്‌സൽ ഡെൻസിറ്റി, കോർണിംഗ് ഗ്ലാസ് 3 പ്രൊട്ടക്ഷൻ എന്നിവ ഉൾപ്പെടുന്നു. 6 ജിബി എൽപിഡിഡിആർ 4 റാമുമായി ജോടിയാക്കിയ ഒക്ടാ കോർ ക്വാൽകോം സ്‌നാപ്ഡ്രാഗൺ 765 ജി SoC പ്രോസസറാണ് ഈ സ്മാർട്ട്ഫോണുകൾക്ക് കരുത്ത് പകരുന്നത്.

ഗൂഗിൾ പിക്‌സൽ 4 എ 5 ജി: ക്യാമറ സവിശേഷതകൾ

എഫ് / 1.7 ലെൻസുള്ള 12.2 മെഗാപിക്സൽ പ്രൈമറി സെൻസറും എഫ് / 2.2 അൾട്രാ വൈഡ് ആംഗിൾ ലെൻസുള്ള 16 മെഗാപിക്സൽ സെക്കൻഡറി സെൻസറും ഉൾപ്പെടുന്ന ഡ്യുവൽ റിയർ ക്യാമറ സെറ്റപ്പൊടെയാണ് ഗൂഗിൾ പിക്‌സൽ 4 എ 5 ജി വരുന്നത്. പിക്‌സൽ 4 എ 5 ജിയിൽ സെൽഫികൾക്കും വീഡിയോ ചാറ്റുകൾക്കുമായി മുൻവശത്ത് ഒരു എഫ് / 2.0 ലെൻസുള്ള 8 മെഗാപിക്സൽ ഷൂട്ടർ അവതരിപ്പിക്കുന്നു. 4 എഫ് റെസല്യൂഷൻ 60 എഫ്പിഎസ് വരെ വീഡിയോ റെക്കോർഡിംഗിനെ ഈ ഫോൺ സപ്പോർട്ട് ചെയ്യുന്നു.

മൈക്രോ എസ്ഡി കാർഡ് വഴി വികസിപ്പിക്കാൻ കഴിയാത്ത 128 ജിബി ഇന്റേണൽ സ്റ്റോറേജാണ് ഗൂഗിൾ പിക്‌സൽ 4 എ 5 ജിയിൽ വരുന്നത്. 5 ജി, 4 ജി എൽടിഇ, വൈ-ഫൈ 802.11ac, ബ്ലൂടൂത്ത് 5.0, ജിപിഎസ് / എ-ജിപിഎസ്, എൻ‌എഫ്‌സി, യുഎസ്ബി ടൈപ്പ്-സി, 3.5 എംഎം ഹെഡ്‌ഫോൺ ജാക്ക് എന്നിവ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു. ഓൺ‌ബോർഡിലെ സെൻസറുകളിൽ ആക്‌സിലറോമീറ്റർ, ആംബിയന്റ് ലൈറ്റ്, ബാരോമീറ്റർ, ഗൈറോസ്‌കോപ്പ്, മാഗ്നെറ്റോമീറ്റർ, പ്രോക്‌സിമിറ്റി സെൻസർ എന്നിവ ഉൾപ്പെടുന്നു. ഫിംഗർപ്രിന്റ് സെൻസർ ഈ ഹാൻഡ്‌സെറ്റിന്റെ പിന്നിലായി നൽകിയിരിക്കുന്നു. സ്റ്റീരിയോ സ്പീക്കറുകളും രണ്ട് മൈക്രോഫോണുകളും ഇതിലുണ്ട്. 18W ഫാസ്റ്റ് ചാർജിംഗിനെ പിന്തുണയ്‌ക്കുന്ന 3,885mAh ബാറ്ററിയാണ് ഈ ഡിവൈസിൽ കമ്പനി നൽകിയിരിക്കുന്നത്.