പിക്സൽ മിനി ജനിക്കു​മോ? ഗൂഗിൾ പണിപ്പുരയിലെന്ന് രഹസ്യ റിപ്പോർട്ട്!

തങ്ങളുടെ ഉൽപന്നങ്ങൾ പുറത്തിറക്കുന്ന വാർഷിക ചടങ്ങായ 'മെയ്ഡ് ​ബൈ ഗൂഗിൾ ഇവന്റ്' ഒക്​ടോബർ 6ന് നടത്താനാണ് ഗൂഗിൾ തീരുമാനിച്ചിരിക്കുന്നത്. പിക്സൽ സീരിസിലെ പുത്തൻ ​താരോദയാമായ പിക്സൽ 7 മോഡൽ സ്മാർട്ട്ഫോണും വാച്ചുമാണ് ഈ ചടങ്ങിൽ ഗൂഗിൾ പുറത്തിറക്കുക. 2023 ൽ പുറത്തിറക്കാൻ ലക്ഷ്യമിട്ട് പിക്സൽ ടാബ് നിർമാണം ആരംഭിച്ചതായി ഗൂഗിൾ ഇതിനോടകം വെളിപ്പെടുത്തിയ കാര്യമാണ്.

ഇവ കൂടാതെ മടക്കാൻ സാധിക്കുന്ന ഗൂഗിൾ പിക്സൽ ഡി​വൈസും കമ്പനി നിർമിക്കുന്നുണ്ട് എന്നാണ് വിവരം. എന്നാൽ ഇക്കാര്യം ഗൂഗിൾ ഔദ്യോഗികമായി പ്രഖ്യാപിച്ചിട്ടില്ല. ഇവയ്ക്കെല്ലാം പുറമെയാണ് പിക്സലിന്റെ മിനി ​മോഡൽ പുറത്തിറക്കാനും ഗൂഗിൾ തയാറെടുക്കുന്നത് എന്നാണ് രഹസ്യ വിവരം. എന്നാൽ ഇതു സംബന്ധിച്ച വാർത്തകളോട് പ്രതികരിക്കാൻ ഗൂഗിൾ തയാറായിട്ടില്ല.

''പിക്സൽ മിനിയോ?.. പുറത്തിറക്കുമെന്നോ?.. ഗൂഗിളോ? ഹേയ് വെറുതെ പറയുന്നതാകും'' എന്ന് നിങ്ങൾക്ക് ചിലപ്പോൾ തോന്നിയേക്കാം. പ​ക്ഷേ നിങ്ങൾ കേട്ട പേരും വിവരങ്ങളും ഏറെക്കുറെ ശരിതന്നെ ആകാനാണ് സാധ്യത കൂടുതൽ. മിനി എന്ന പേരിന്റെ കാര്യത്തിൽ ചിലപ്പോൾ ചെറിയ മാറ്റം ഉണ്ടായേക്കാം, എന്നാലും പിക്സൽ ​7 ന്റെ വലിപ്പം കുറഞ്ഞൊരു ​ മിനി മോഡൽ തന്നെയാണ് ഗൂഗിൾ പുറത്തിറക്കാൻ തയാറെടുക്കുന്നത്.

ടെക്​ ലോകത്തെ ഇത്തരം നിർമാണ രഹസ്യങ്ങൾ നേരത്തെ കണ്ടെത്തി പുറത്തുവിട്ട് ഇതിനോടകം കഴിവ് തെളിയിച്ചിട്ടുള്ള കേന്ദ്രത്തിൽ നിന്ന് ആണ് ഈ വാർത്ത പുറത്തുവന്നത് എന്നതാണ് ഗൂഗിൾ പിക്സൽ മിനിയുടെ ജനനം ഉറപ്പിക്കാൻ പ്രേരിപ്പിക്കുന്ന ഘടകം. ചാമ്പ്യൻ എന്ന് അ‌ർഥം വരുന്ന നെയ്ല ( "neila'') എന്ന രഹസ്യപ്പേരിലാണ് ഗൂഗിൾ ഈ ഫോൺ തയാറാക്കുന്നത് എന്നാണ് വാർത്ത പുറത്തുവിട്ട കേന്ദ്രം പറയുന്നത്.

പിക്സൽ 6, പിക്സൽ 7 ​മോഡൽ സ്മാർട്ട്ഫോണുകളുടേതിന് സമാനമായ സെന്റേർഡ് പഞ്ച് -ഹോൾ ഡിസ്പ്ലെയാണ് ഫോണിന് ഉണ്ടാകുക എന്നും പറയപ്പെടുന്നു. നിർഭാഗ്യവശാൽ ഈ മിനി പിക്സൽ ഫോണിന്റെ കൂടുതൽ വിവരങ്ങൾ ഇൻഫോമർ പുറത്തുവിട്ടിട്ടില്ല. അ‌തിനാൽത്തന്നെ ഈ ഫോൺ പിക്സൽ 7 സ്മാർട്ട്ഫോണുമായി എത്രമാത്രം ബന്ധപ്പെട്ടിരിക്കുന്നു എന്നും വ്യക്തമല്ല.

നിർമാണത്തിലിരിക്കുന്ന ഈ മിനി പിക്സൽ ഫോണിന്റെ വിവരങ്ങൾ ​ചൈനയിൽ നിന്നാണ് ചോർന്നത് എന്ന് വിശ്വസിക്കപ്പെടുന്നു. മുമ്പ് സമാന രീതിയിൽ ​ചൈനിയിൽ നിന്ന് നിർമാണത്തിലിരിക്കുന്ന ഫോണുകളുടെ വിവരങ്ങൾ പുറത്തു വന്നിട്ടുള്ള പശ്ചാത്തലത്തിൽ ഈ വിശ്വാസം സത്യമാകാനാണ് സാധ്യത. അ‌തേസമയം, പിക്സൽ മിനിയുടെ സോഫ്ട്വേർ സംബന്ധിച്ച വിവരങ്ങളൊന്നും പുറത്ത് വന്നിട്ടില്ല.

ഗൂഗിൾ പിക്സൽ മിനിയുടെ ഫീച്ചറുകൾ( പ്രചരിക്കുന്നത് )

യാതൊരു വിവരവും ലഭ്യമല്ലാത്ത ഒരു ഫോണിന്റെ ​ഫീച്ചറുകൾ എങ്ങനെ ലഭിക്കും എന്ന കാര്യത്തിൽ നിങ്ങൾക്ക് ചിലപ്പോൾ സംശയം തോന്നാം. എന്നാൽ ഫോൺ തയാറാകുന്നുണ്ടെന്ന് വിശ്വസിക്കുന്നുണ്ടെങ്കിൽ അ‌തോടൊപ്പം പുറത്തുവന്ന ഈ കാര്യങ്ങളും അ‌റിഞ്ഞിരിക്കുന്നത് നല്ലതാണ്. പുറത്തുവരുന്ന വിവരങ്ങൾ പ്രകാരം ​ഒരു ഒക്ടാകോർ ​പ്ലോസസറാണ് പിക്സൽ മിനിയെ നയിക്കാൻ ഉള്ളിലുണ്ടാവുക.

ഗെയിമിങ് ഘട്ടത്തിലും വീഡിയോ കാണുന്ന അ‌വസരത്തിലും വെബ് ബ്രൗസിങ് ഘട്ടത്തിലുമൊക്കെ ഇഴച്ചിലും ​വലിച്ചിലുമൊന്നുമില്ലാത്ത, ലാഗ് ഫ്രീ ആയ ഒരു സ്മാർട്ട്ഫോൺ ആകും ഗൂഗിൾ പിക്സൽ മിനി. 6ജിബി റാം ആകും ഫോണിൽ ഉണ്ടാവുക. ഇത് ആപ്പുകൾ ​വേഗത്തിൽ പ്രവർത്തിക്കാനുള്ള സാഹചര്യം ഒരുക്കുന്നു. ഇതിനു പുറമെ 128 ജിബി ഇന്റേണൽ സ്റ്റോറേജും ഫോണിലുണ്ടാകും.

വില എന്താകും

പേരിൽ മിനി ഉണ്ടെങ്കിലും ഇല്ലെങ്കിലും സ്റ്റോറേജിന്റെയും പെർഫോമൻസിന്റെയും കാര്യത്തിൽ അ‌ത്ര മിനി ആയിരിക്കില്ല ഈ ഗൂഗിൾ പിക്സൽ ഫോൺ എന്ന് വ്യക്തം. പുറത്തുവന്ന ഫീച്ചറുകളും മറ്റും വ്യക്തമാക്കുന്നത് ഒരു മിഡ്റേഞ്ച് സ്മാർട്ട്ഫോൺ ആകും ഗൂഗിൾ പിക്സൽ മിനി എന്നാണ്. 32,711 രൂപയോടടുത്താകും ഇതിന് ഇന്ത്യയിൽ വിലവരുക. ബ്ലാക് കളറിൽ മാത്രമാകും ഫോൺ ലഭിക്കുക എന്നും പറയപ്പെടുന്നു.