കുറച്ച് പയ്യന്മാർ വരുന്നുണ്ട് മാർക്കറ്റ് പിടിക്കാൻ! ഗൂഗിൾ പിക്‌സൽ 9 സീരീസ് ഇന്ത്യയിൽ അരങ്ങേറ്റം കുറിക്കാൻ പോകു

ഗൂഗിൾ പിക്‌സൽ 9 സീരീസ് (Google Pixel 9 Series) ഓഗസ്റ്റ് 13ന് ആഗോള തലത്തിൽ അരങ്ങേറ്റം കുറിക്കാൻ ഒരുങ്ങുകയാണ്. പിക്‌സൽ 9 സീരീസിനെ കുറിച്ച് ഉള്ള കിംവദന്തികൾ കുറച്ച് കാലമായി പ്രചരിക്കുന്നുണ്ട് എങ്കിലും, ഈ ഉപകരണങ്ങളുടെ ഇന്ത്യയിലെ ലോഞ്ചിനെ കുറിച്ച് ഔദ്യോഗിക സ്ഥിരീകരണമൊന്നും ഇത് വരെ വെളിപ്പെടുത്തിയിട്ടില്ല. ജനപ്രിയ ഇന്ത്യൻ ഇ-കൊമേഴ്‌സ് വെബ്‌സൈറ്റ് ആയ ഫ്ലിപ്കാർട്ടിൽ പിക്‌സൽ 9 സീരീസിനായുള്ള ഒരു ഔദ്യോഗിക മൈക്രോസൈറ്റ് പോപ്പ് അപ്പ് ചെയ്തു. ഗൂഗിൾ പിക്‌സൽ 9 പ്രോയുടെ പിൻ പാനൽ രൂപകൽപ്പനയെ കുറിച്ച് മൈക്രോസൈറ്റ് നമുക്ക് ഉൾക്കാഴ്ച നൽകുന്നു.

മാത്രമല്ല, പിക്‌സൽ 9 പ്രോ ഫോൾഡ് ഇന്ത്യയിൽ അവതരിപ്പിക്കുമെന്ന് സ്ഥിരീകരിക്കുകയും ചെയ്യുന്നു. ഇതോടെ ഇന്ത്യയിൽ എത്തുന്ന ഗൂഗിളിൻ്റെ ആദ്യ ഫോൾഡബിൾ സ്മാർട്ട്‌ഫോണായി ഇത് മാറും. ഗൂഗിൾ പിക്സൽ 9 സീരീസിന്റെ ഇന്ത്യയിലെ ലോഞ്ചിനെ കുറിച്ച് ആണ് ഈ ലേഖനത്തിൽ പറയുന്നത്. കൂടുതൽ അറിയാൻ ലേഖനം തുടർന്ന് വായിക്കുക.

ഗൂഗിൾ പിക്സൽ 9 സീരീസ് 2024 ഓഗസ്റ്റ് 14ന് ഇന്ത്യയിൽ ലോഞ്ച് ചെയ്യുന്നതായി ഫ്ലിപ്പ്കാർട്ട് സ്ഥിരീകരിക്കുന്നു. മെയ്ഡ് ബൈ ഗൂഗിൾ (Made By Google Event) ഇവൻ്റ് ഓഗസ്റ്റ് 13ന് രാവിലെ 10:00 PT (പസഫിക് ടൈം) അല്ലെങ്കിൽ ഇന്ത്യൻ സമയം 10:30ന് നടക്കും. ഗൂഗിളിൻ്റെ ഇവൻ്റിന് തൊട്ട് പിന്നാലെ പിക്സൽ 9 സീരീസ് ഇന്ത്യയിൽ ലഭ്യമാക്കുമെന്ന് ഇത് സൂചിപ്പിക്കുന്നു.

ഗൂഗിൾ പിക്സൽ 9 സീരീസിൽ പിക്സൽ 9, പിക്സൽ 9 പ്രോ, പിക്സൽ 9 പ്രോ എക്സ്എൽ, പിക്സൽ 9 പ്രോ ഫോൾഡ് എന്നിവ ഉൾപ്പെടും. എന്നിരുന്നാലും, ഫ്ലിപ്പ്കാർട്ട് മൈക്രോസൈറ്റിൽ നിലവിൽ ഗൂഗിൾ പിക്സൽ 9 പ്രോയും പിക്സൽ 9 പ്രോ ഫോൾഡും മാത്രമേ ലിസ്റ്റ് ചെയ്തിട്ടുള്ളൂ. എന്നാൽ അതിൽ ഉടൻ മാറ്റം വന്നേക്കാം.

ഗൂഗിൾ പിക്സൽ 9 സീരീസിനെ കുറിച്ച് ഇത് വരെ പുറത്ത് വന്നിട്ടുള്ള വിവരങ്ങൾ എന്തൊക്കെ എന്ന് നോക്കാം. പേജ് ഗൂഗിൾ പിക്സൽ 9 പ്രോ ഒരു ക്രീം/ഓഫ് വൈറ്റ് ഷേഡിൽ പ്രദർശിപ്പിക്കുന്നു. അതേ സമയം പിക്സൽ 9 പ്രോ ഫോൾഡ് കറുത്ത ഫിനിഷിലാണ്.

പിക്സൽ 9 പ്രോയ്ക്ക് പിന്നിൽ ട്രിപ്പിൾ ക്യാമറ സജ്ജീകരണം ഉണ്ടെന്ന് തോന്നുന്നു. ഇത് എല്ലാ അഭ്യൂഹങ്ങൾക്ക് അനുസൃതമാണ്. മറുവശത്ത്, മുകളിൽ ഇടത് വശത്തുള്ള ഒരു വലിയ ചതുരാകൃതിയിലുള്ള ക്യാമറ ഐലന്റിന് പകരം, പിക്സൽ 9 പ്രോ ഫോൾഡ് ക്യാമറ ബാർ നൽകുന്നു എന്നാണ് കരുതുന്നത്.

പുതിയ ടെൻസർ G3 ചിപ്‌സെറ്റ്, നവീകരിച്ച ക്യാമറ ഹാർഡ്‌വെയർ, എഐ പ്രവർത്തനക്ഷമം ആക്കിയ ഫീച്ചറുകൾ എന്നിവയാണ് പിക്സൽ 9 സീരീസിൻ്റെ ഏറ്റവും വലിയ ഹൈലൈറ്റുകളിൽ ചിലത്. പിക്‌സൽ 9 സീരീസ് ഏഴ് വർഷത്തെ ആൻഡ്രോയിഡ് ഒഎസും സുരക്ഷാ അപ്‌ഡേറ്റുകളും വാഗ്ദാനം ചെയ്യും.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന ഉറപ്പാണ്.