ബജറ്റ് വിലയിൽ വാങ്ങുവാൻ കഴിയുന്ന ഏതാനും മികച്ച റെഡ്‌മി സ്മാർട്ഫോണുകൾ ഇവയാണ്

റെഡ്‌മി 9എ

9,499 രൂപ വില വരുന്ന റെഡ്‌മി 9എയിൽ 6.53 ഇഞ്ച് എച്ച്ഡി + (720x1,600 പിക്‌സൽ) എൽസിഡി ഡോട്ട് ഡ്രോപ്പ് ഡിസ്‌പ്ലേയാണ് വരുന്നത്. ഇതിന് 20: 9 ആസ്പെക്ടറ്റ് റേഷിയോ വരുന്നു. ആൻഡ്രോയിഡ് 10 ഓപ്പറേറ്റിംഗ് സിസ്റ്റത്തിൽ പ്രവർത്തിക്കുന്ന ഡ്യുവൽ നാനോ സിം വരുന്ന റെഡ്മി 9 എയിൽ ഒക്ടാകോർ മീഡിയടെക് ഹീലിയോ ജി 25 SoC പ്രോസസർ, 3 ജിബി വരെ റാം എന്നിവയുമായി വരുന്നു. 32 ജിബി ഇൻബിൽറ്റ് സ്റ്റോറേജ് വരുന്ന ഈ സ്മാർട്ഫോണിൽ സ്റ്റോറേജ് 512 ജിബി വരെ സ്റ്റോറേജ് എക്സ്പാൻഡ് ചെയ്യുന്നതിനായി ഒരു പ്രത്യേക മൈക്രോകാർഡ് എസ്ഡി സ്ലോട്ടും കമ്പനി നൽകിയിട്ടുണ്ട്.

റെഡ്‌മി 9 പവർ

13,999 വിലയുള്ള റെഡ്‌മി 9 പവർ 6.53 ഇഞ്ച് ഫുൾ എച്ച്ഡി+ ഡിസ്‌പ്ലേയുമായിട്ടാണ് വിപണിയിൽ അവതരിപ്പിച്ചിരിക്കുന്നത്. 60Hz റിഫ്രഷ് റേറ്റാണ് ഈ ഡിസ്പ്ലേ പാനലിന് ഉള്ളത്. ഡിസ്പ്ലേയുടെ സംരക്ഷണത്തിനായി കോർണിംഗ് ഗോറില്ല ഗ്ലാസ് പ്രോട്ടക്ഷനും ഈ സ്മാർട്ഫോണിൽ നൽകിയിട്ടുണ്ട്. ക്വാൽകോം സ്‌നാപ്ഡ്രാഗൺ 662 SoC പ്രോസസറിൻറെ കരുത്തിലാണ് ഈ സ്മാർട്ട്ഫോൺ പ്രവർത്തിക്കുന്നത്. ഒക്ടാ കോർ സിപിയുവും ഈ സ്മാർട്ഫോണിൽ ഉണ്ട്. ഇത് പീക്ക് ലോഡിൽ 2GHz വരെ ക്ലോക്ക് ചെയ്യും. 18W ഫാസ്റ്റ് ചാർജിങ് സപ്പോർട്ടുള്ള 6,000 എംഎഎച്ച് ബാറ്ററിയാണ് ഈ സ്മാർട്ഫോണിൻറെ ഏറ്റവും വലിയ പ്രത്യകത.

റെഡ്‌മി നോട്ട് 9

ഡ്യുവൽ നാനോ സിം വരുന്ന 14,999 രൂപ വിലവരുന്ന റെഡ്‌മി നോട്ട് 9 ആൻഡ്രോയിഡ് 10 ടോപ്പ് MIUI 11 ഓപ്പറേറ്റിംഗ് സിസ്ടത്തിൽ പ്രവർത്തിക്കുന്നു. 19.5: 9 ആസ്പെക്റ്റ് റേഷിയോ വരുന്ന 6.53 ഇഞ്ച് ഫുൾ എച്ച്ഡി + (1,080x2,340 പിക്‌സൽ) ഡോട്ട് ഡിസ്‌പ്ലേയാണ് ഈ ഹാൻഡ്‌സെറ്റിന് നൽകിയിരിക്കുന്നത്. 6 ജിബി വരെ എൽപിഡിഡിആർ 4 എക്സ് റാമുമായി ജോടിയാക്കിയ ഒക്ടാകോർ മീഡിയടെക് ഹിലിയോ ജി 85 SoC പ്രോസസറാണ് ഈ സ്മാർട്ട്ഫോണിന് കരുത്ത് നൽകുന്നത്.

റെഡ്‌മി 9 ഐ

9,999 രൂപ വില വരുന്ന റെഡ്‌മി 9 ഐ 6.53 ഇഞ്ച് എൽസിഡി ഡിസ്‌പ്ലേയുമായിട്ടാണ് വിപണിയിൽ അവതരിപ്പിച്ചിരിക്കുന്നത്. ഈ ഡിസ്പ്ലെയിൽ എച്ച്ഡി+ റെസല്യൂഷനും 20: 9 ആസ്പെക്റ്റ് റേഷിയോവും നൽകിയിട്ടുണ്ട്. റെഡ്മി 9ഐയിൽ ടെക്സ്ചർഡ് ബാക്കാണ് നൽകിയിട്ടുള്ളത്. ഈ സ്മാർട്ഫോൺ ആൻഡ്രോയിഡ് 10 ബേസ്ഡ് എംഐയുഐ 12 ഓപ്പറേറ്റിംഗ് സിസ്റ്റത്തിലാണ് പ്രവർത്തിക്കുന്നത്. മീഡിയടെക് ഹീലിയോ ജി 25 ഒക്ടാ കോർ ചിപ്‌സെറ്റാണ് റെഡ്മി 9ഐ സ്മാർട്ട്ഫോണിനുള്ളത്. റെഡ്മി 9ഐ 4 ജിബി റാമിൽ മാത്രമാണ് ലഭ്യമാകുന്നത്. 64 ജിബി, 128 ജിബി എന്നിങ്ങനെ രണ്ട് സ്റ്റോറേജ് വേരിയന്റുകളിലും ഈ സ്മാർട്ഫോൺ ലഭ്യമാണ്. ഈ സ്റ്റോറേജ് സ്പൈസ് കൂടുതൽ വേണ്ടവർക്ക് 512 ജിബി വരെ എക്സ്പാൻഡ് ചെയ്യാനായി പ്രത്യേക മൈക്രോ എസ്ഡി കാർജ് സ്ലോട്ടും നൽകിയിട്ടുണ്ട്. 5,000 എംഎഎച്ച് ബാറ്ററിയാണ് സ്മാർട്ഫോണിൽ കമ്പനി നൽകിയിട്ടുള്ളത്.

റെഡ്‌മി 9 പ്രൈം

6.53 ഇഞ്ച് ഫുൾ എച്ച്ഡി + ഡിസ്‌പ്ലേ, 19.5: 9 ആസ്പെക്റ്റ് റേഷിയോ, 394 പിപി പിക്‌സൽ ഡെൻസിറ്റി, 400 നിറ്റ്സ് ബ്രൈറ്റ്നസ് എന്നിവയാണ് ഷവോമി റെഡ്മി 9 പ്രൈം സ്മാർട്ട്ഫോണിൻറെ ഡിസ്പ്ലെ സവിശേഷതകൾ. ഈ സ്മാർട്ട്ഫോൺ ഔറ 360 ഡിസൈനിലാണ് നിർമ്മിച്ചിരിക്കുന്നത്, റിപ്പിൾ ടെക്സ്ചർ, 3 ഡി യൂണിബോഡി ഡിസൈൻ എന്നിവയും ഇതിൽ ഉൾക്കൊള്ളുന്നു. മാലി-ജി 52 ജിപിയുള്ള ഒക്ടാകോർ മീഡിയടെക് ഹിലിയോ ജി 80 പ്രോസസറാണ് സ്മാർട്ട്‌ഫോണിന് കരുത്ത് പകരുന്നത്. 4 ജിബി വരെ റാമും 64 ജിബി വരെ ഓൺബോർഡ് സ്റ്റോറേജും ഈ സ്മാർട്ഫോണിലുണ്ട്. ഒരു മൈക്രോ എസ്ഡി കാർഡ് സ്ലോട്ടും കമ്പനി നൽകിയിട്ടുണ്ട്. റെഡ്മി 9 പ്രൈം സ്മാർട്ട്ഫോൺ 18W ഫാസ്റ്റ് ചാർജിംഗ് സപ്പോർട്ടുള്ള 5,020mAh ബാറ്ററിയുമായാണ് വരുന്നത്. ഈ ഹാൻഡ്സെറ്റിനൊപ്പം ലഭിക്കുന്നത് 10W ചാർജറാണ്.

റെഡ്‌മി നോട്ട് 9 പ്രോ മാക്‌സ്

22,999 രൂപ വില വരുന്ന റെഡ്‌മി നോട്ട് 9 പ്രോ മാക്‌സ് ഇപ്പോൾ നിങ്ങൾക്ക് റിയൽ‌മി ഫാൻ ഫെസ്റ്റിവലിൻറെ ഭാഗമായി വെറും 14,999 രൂപയ്ക്ക് ലഭ്യമാണ്. ഈ സ്മാർട്ഫോണിൽ 6.67 ഇഞ്ച് ഡോട്ട് ഡിസ്‌പ്ലേയാണ് ഷവോമി നൽകിയിട്ടുള്ളത്. ഡിസ്പ്ലേ 1080 x 2400 പിക്‌സൽ എഫ്‌എച്ച്ഡി + റെസല്യൂഷൻ സപ്പോർട്ട് ചെയ്യുന്നു. ക്വാൽകോം സ്‌നാപ്ഡ്രാഗൺ 720 ജി പ്രോസസറാണ് റെഡ്മി നോട്ട് 9 പ്രോ മാക്‌സിന് കരുത്ത് പകരുന്നത്. ഈ മിഡ് റേഞ്ച് ചിപ്‌സെറ്റിനൊപ്പം അഡ്രിനോ 618 ജിപിയുവും 8 ജിബി വരെ റാമും ലഭ്യമാണ്. 128 ജിബി വരെ സ്റ്റോറേജുള്ള ഈ ഡിവൈസിൽ 256 ജിബി മൈക്രോ എസ്ഡി കാർഡ് സപ്പോർട്ടും ഉണ്ട്. ആൻഡ്രോയിഡ് 10 ഒഎസ് ബേസ്ഡ് എംഐയുഐ 11 സ്കിനിലാണ് ഇത് പ്രവർത്തിക്കുന്നത്. ക്വാഡ് ക്യാമറ സെറ്റപ്പിലെ മറ്റ് ക്യാമറകൾ, 5 എംപി മാക്രോ സെൻസറും 2 എംപി ഡെപ്ത് സെൻസറുമാണ്. 33W ഫാസ്റ്റ് ചാർജിംഗ് സപ്പോർട്ടുള്ള 5,020 എംഎഎച്ച് ബാറ്ററിയാണ് ഈ സ്മാർട്ട്ഫോണിൽ നൽകിയിട്ടുള്ളത്.

റെഡ്‌മി 9

10,999 രൂപ വില വരുന്ന റെഡ്‌മി 9 ന് 6.53 ഇഞ്ച് വലുപ്പമുള്ള എൽസിഡി ഡിസ്‌പ്ലേയാണ് വരുന്നത്. 1080 x 2340 പിക്‌സൽ എഫ്എച്ച്ഡി + റെസല്യൂഷനുള്ള ഈ ഡിസ്‌പ്ലേ19: 5: 9 ആസ്പെക്റ്റ് റേഷിയോ റേഷിയോട് കൂടിയാണ് വരുന്നത്. കോർണിംഗ് ഗോറില്ല ഗ്ലാസ് 3 പ്രോട്ടക്ഷനുള്ള ഡിസ്‌പ്ലേയിൽ ഒരു വാട്ടർ ഡ്രോപ്പ് നോച്ചും നൽകിയിട്ടുണ്ട്. മാലി-ജി 52 ജിപിയുവിനൊപ്പം ജോടിയാക്കിയിരിക്കുന്ന മീഡിയടെക് ഹീലിയോ ജി 80 പ്രോസസറാണ് ഈ ഹാൻഡ്‌സെറ്റിന് കരുത്ത് നൽകുന്നത്. 4 ജിബി റാമും 64 ജിബി സ്റ്റോറേജ് കോൺഫിഗറേഷനുമുള്ള സ്മാർട്ഫോണിൽ സോഫ്റ്റ്വെയർ-സൈഡ് കൈകാര്യം ചെയ്യുന്നത് ആൻഡ്രോയിഡ് 10 ഓപ്പറേറ്റിംഗ് സിസ്ടത്തിലാണ്. ഇത് എംഐയുഐ 11 സ്കിൻ ഉപയോഗിച്ച് ലേയേർഡ് ചെയ്തിട്ടുണ്ട്.