കുറഞ്ഞ വിലയിൽ നല്ല പെർഫോമൻസ് ഉള്ള ഫോൺ അ‌ന്വേഷിക്കുകയാണോ? ഇതാ പരിചയപ്പെടൂ ഐക്കൂ Z6 ​ലൈറ്റ് 5ജി

ഐക്കൂ Z6 ​ലൈറ്റ് 5ജി ആദ്യവിൽപ്പനയും ഓഫറുകളും

ആമ​സോണിന്റെ വെബ്​​സൈറ്റ് വഴിയും ​തങ്ങളുടെ സ്വന്തം ​സൈറ്റ് വഴിയും ഓൺ​ലൈൻ ആയി ഫോൺ ബുക്ക് ചെയ്യാനുള്ള സൗകര്യമാണ് നിലവിൽ ഐക്കൂ ഒരുക്കിയിരിക്കുന്നത്. വിൽപ്പന ആരംഭിക്കുന്നത് കണക്കിലെടുത്ത് ഏതാനും ഓഫറുകളും കമ്പനി നൽകിയിട്ടുണ്ട്. എസ്ബിഐയുടെ ക്രെഡിറ്റ് കാർഡ് ഉപയോഗിച്ച് ഐക്കൂ Z6 ​ലൈറ്റ് 5ജി ഫോൺ വാങ്ങുന്നവർക്ക് 2,500 രൂപയുടെ ഡിസ്കൗണ്ട് ലഭ്യമാണ്.

എന്നാൽ ഈ ഓഫർ സെപ്റ്റംബർ 14-15 തീയതികളിൽ മാത്രമാണ് ലഭിക്കുക എന്നത് പ്രത്യേകം അ‌റിഞ്ഞിരിക്കുക. ഫോണിനോടൊപ്പം ചാർജർ ലഭ്യമല്ല എന്നതാണ് ഐക്കൂ Z6 ​ലൈറ്റ് 5ജി യുടെ കാര്യത്തിൽ അ‌റിഞ്ഞ് വയ്ക്കേണ്ട മറ്റൊരു കാര്യം. 399 രൂപ മുടക്കിയാൽ 18 വാട്ട് ഫാസ്റ്റ് ചാർജിങ് അ‌ഡാപ്റ്റർ വാങ്ങാം എന്നാണ് കമ്പനി പറയുന്നത്. ആപ്പിളിനെ അ‌നുകരിച്ച് മറ്റ് ഫോണുകൾ നടപ്പിലാക്കിവരുന്ന പരിസ്ഥിതി സ്നേഹമാണ് ചാർജർ നൽകാത്തതിന് കാരണമായി ഐക്കൂവിനും പറയാനുള്ളത്.

ഐക്കൂ Z6 ​ലൈറ്റ് 5ജി ഫീച്ചറുകൾ

സാധാരണക്കാർക്ക് അ‌ത്യാവശ്യം താങ്ങാൻ കഴിയുന്ന വിലയിൽ കുറെയേറെ നല്ല ഫീച്ചറുകളുമായാണ് ഐക്കൂ Z6 ​ലൈറ്റ് 5ജി യുടെ വരവ്. ക്വാൽകോം സ്നാപ്ഡ്രാഗൺ 4 ജെൻ 1 എസ്ഒസി ​ചിപ്സെറ്റാണ് ഈ സ്മാർട്ട്ഫോണി​ന്റെ പ്രവർത്തനങ്ങളുടെ ശക്തികേന്ദ്രം. സ്റ്റോറേജിന്റെ അ‌ടിസ്ഥാനത്തിൽ രണ്ട് വേരിയന്റുകളാണ് ഐക്കൂ Z6 ​ലൈറ്റ് 5ജിക്ക് ഉള്ളത്. 4ജിബി റാം+ 64ജിബി ഇന്റേണൽ സ്​റ്റോറേജ് ഉള്ള ഒരു വേരിയന്റും 6 ജിബി റാം +128 ജിബി സ്റ്റോറേജ് ഉള്ള മറ്റൊരു വേരിയന്റുമാണ് അ‌വ.

64 ജിബി സ്റ്റോറേജുള്ള ഐക്കൂ Z6 ​ലൈറ്റ് 5ജി മോഡലിന് 13,999 രൂപയും 128 ജിബി സ്റ്റോറേജുള്ള മോഡലിന് 15,499 രൂപയുമാണ് വില. മിസ്റ്റിക് ​നൈറ്റ്, സ്റ്റെല്ലാർ ഗ്രീൻ കളറുകളിൽ ഫോൺ ലഭിക്കും. 120 ഹെർട്സ് റിഫ്രഷ് റേറ്റ്, 240 ഹെർട്സ് ടച്ച് സാമ്പിളിങ് റേറ്റ് എന്നിവയോ​ടെ 6.58 ഇഞ്ച് ഫുൾ എച്ച്ഡി +ഡിസ്പ്ലെയാണ് ഫോണിനുള്ളത്.

18 വാട്ട് ഫാസ്റ്റ് ചാർജിങ് സപ്പോർട്ട് ​ചെയ്യുന്ന 5000എംഎഎച്ച് ബാറ്ററി, ഗെയിമിങ് നേരത്ത് ഉൾപ്പെടെ നീണ്ട ലൈഫ് ഫോണിന് നൽകും എന്നാണ് കമ്പനി അ‌വകാശപ്പെടുന്നത്. കൂടാതെ ഗെയിമിങ്ങിനെ സ്പ്പോർട്ട് ​ചെയ്യുന്ന 2ജിബി റാമും ഒരു അ‌ൾട്രാ ഗെയിം മോഡും ഫോണിനുണ്ട് എന്ന് കമ്പനി വെളിപ്പെടുത്തിയിട്ടുണ്ട്. ആൻഡ്രോയ്ഡ് 12 ആണ് ഒഎസ്.

ക്യാമറ സെക്ഷനിലേക്ക് വന്നാൽ, പുറകുവശത്ത് ഡ്യുവൽ ക്യാമറ സെറ്റപ്പാണ് നൽകിയിരിക്കുന്നത്. മോശമല്ലാത്ത 50 എംപി സെൻസറോടു കൂടിയ ​പ്രൈമറി ക്യാമറയും ഒപ്പം 2എംപിയുടെ മാക്രോ ലെൻസ് ക്യാമറയും ആണ് അ‌വ. വാട്ടർഡ്രോപ്പ് നോ​ച്ച് ​സ്​​​റ്റെലിൽ സ്ഥാപിച്ചിരിക്കുന്ന സെൽഫി സെൻസറോടുകൂടിയ 8എംപി ക്യാമറയാണ് മുൻ വശത്തുള്ളത്.

കുറഞ്ഞ വിലയിൽ വാങ്ങാവുന്നൊരു സ്മാർട്ട്ഫോൺ എന്ന നിലയിൽ ഇന്ത്യയിൽ തിളങ്ങാൻ കഴിയുന്നൊരു ​മോഡലാണ് ഐക്കൂ Z6 ​ലൈറ്റ് 5ജി. രണ്ടു ദിവസത്തെ പ്രത്യേക ഓഫറിൽ 12,000 രൂപയ്ക്ക് വാങ്ങാൻ കമ്പനി നൽകിയിരിക്കുന്ന അ‌വസരം ആളുകൾ എത്രത്തോളം ഉപയോഗപ്പെടുത്തും എന്നാണ് ഇനി അ‌റിയാനുള്ളത്.