ശിവനെ... ഇതേത് ജില്ല! വരാനിരിക്കുന്ന ഐഫോൺ 16 സീരീസിലുള്ള അതിശയിപ്പിക്കുന്ന സവിശേഷതകൾ

ആപ്പിൾ ഐഫോൺ 16 സീരീസ് അവതരിപ്പിക്കാൻ ഇനി വെറും രണ്ട് മാസമാണ് ബാക്കി ഉള്ളത്. ഹാർഡ്‌വെയറിൻ്റെ കാര്യത്തിൽ വരാനിരിക്കുന്ന സ്‌മാർട്ട്‌ഫോണുകൾ എന്തെല്ലാം വാഗ്ദാനം ചെയ്യുമെന്നതിനെ കുറിച്ച് ധാരാളം ചർച്ചകൾ നടക്കുന്നുണ്ട്. ഇപ്പോൾ ഒന്നും ഉറപ്പില്ലെങ്കിലും, പുതിയ ഐഫോണുകൾക്ക് ശക്തി പകരുന്ന ഓപ്പറേറ്റിംഗ് സിസ്റ്റമായ iOS 18ന് നിരവധി എഐ പവർ സവിശേഷതകൾ ലഭിക്കുമെന്ന് ആപ്പിൾ ഇതിനകം പറഞ്ഞിട്ടുണ്ട്. ChatGPT സംയോജനം മുതൽ ഐ ട്രാക്കിംഗ് പ്രവർത്തനക്ഷമത വരെ, വരാനിരിക്കുന്ന ഐഫോണിൽ ഷിപ്പ് ചെയ്യുമെന്ന് പ്രതീക്ഷിക്കുന്ന ചില അവിശ്വസനീയമായ സവിശേഷതകൾ ആണ് ഈ ലേഖനത്തിൽ പറയുന്നത്.

ChatGPT (ചാറ്റ് ജിപിടി) സംയോജനം: ആപ്പിൾ അതിൻ്റെ വേൾഡ് വൈഡ് ഡെവലപ്പർ കോൺഫറൻസിൽ (WWDC), ശരിക്കും സഹായകമായ ബുദ്ധി നൽകാൻ സിരിയുമായി ചാറ്റ്‌ജിപിടി സംയോജിപ്പിക്കുമെന്ന് കമ്പനി പ്രഖ്യാപിച്ചിരുന്നു. ഐഒഎസ് 18ൽ (iOS 18), സിരി (Siri) ഉപകരണത്തിൽ ആപ്പിൾ ഇൻ്റലിജൻസ് ഉപയോഗിക്കും.

എന്നാൽ ഫോട്ടോകളും ഡോക്യുമെൻ്റുകളും സംബന്ധിച്ച ചോദ്യങ്ങൾക്ക് ഉത്തരം നൽകുമ്പോൾ, എഴുത്ത് സഹായവും മറ്റും നൽകുമ്പോൾ, പേഴ്സണൽ അസിസ്റ്റൻ്റ് ChatGPT അവലംബിക്കും. സിരിയുടെ ചാറ്റ്‌ജിപിടി സംയോജനം ഉപയോക്തൃ ഹിസ്റ്ററി സംഭരിക്കുന്നില്ലെന്ന് ആപ്പിൾ പറയുന്നു, ഇത് എഐ പവർഡ് ചാറ്റ്‌ബോട്ടുമായി കൂടുതൽ സ്വകാര്യ സംഭാഷണം വാഗ്ദാനം ചെയ്യുന്നു.

കൂടുതൽ ആപ്പുകളിൽ പണമടയ്ക്കാൻ വെറും ഒരു ടാപ്പ് (ടാപ്പ്-ടു-പേ): 10 വർഷത്തേക്ക് യൂറോപ്യൻ യൂണിയനിലെ മൊബൈൽ വാലറ്റ് ദാതാക്കൾക്ക് ടാപ്പ്-ടു-പേ പ്രവർത്തനം തുറക്കുമെന്ന് ഈ മാസം ആദ്യം ആപ്പിൾ പറഞ്ഞു. ഇതിനർത്ഥം ആപ്പിൾ പേ ഒഴികെയുള്ള ആപ്പുകൾക്ക് ഷോപ്പുകളിൽ മൊബൈൽ പേയ്‌മെൻ്റുകൾ നടത്താനും കാറുകൾ അൺലോക്ക് ചെയ്യാനും ഇവൻ്റ് ടിക്കറ്റുകൾ പോലുള്ള മറ്റ് ആവശ്യങ്ങൾക്കും ഐഫോണിൻ്റെ NFC ചിപ്പ് ഉപയോഗിക്കാനും കഴിയും.

പുതിയതും മെച്ചപ്പെട്ടതുമായ സിരി: ഐഒഎസ് ഉപകരണങ്ങൾക്കായുള്ള ആപ്പിളിൻ്റെ വോയ്‌സ് അസിസ്റ്റൻ്റ് സിരിയും ചില അപ്‌ഗ്രേഡുകൾ വാഗ്ദാനം ചെയ്യുന്നു. പേഴ്‌സണൽ അസിസ്റ്റൻ്റ് ഉടൻ തന്നെ കൂടുതൽ സംഭാഷണം നടത്തുകയും വാക്കുകൾ തെറ്റായി ഉച്ചരിക്കുമ്പോൾ പോലും ചോദ്യം മനസ്സിലാക്കുകയും ചെയ്യും. ഉപയോക്താക്കൾക്ക് സിരിയുടെ വേക്ക് വേഡ് (wake word) അവർക്കാവശ്യമുള്ള രീതിയിൽ മാറ്റാനും കഴിയുമെന്ന് കമ്പനി പറയുന്നു.

ക്ലീൻ അപ്പ് ടൂൾ: ഗൂഗിളിൻ്റെ മാജിക് ഇറേസറിന് സമാനമായി, ഐഒഎസ് 18ലെ ക്ലീൻ അപ്പ് ടൂളിന് ഇമേജ് പശ്ചാത്തലത്തിൽ നിന്ന് ഒബ്‌ജക്റ്റുകൾ തിരിച്ചറിയാനും നീക്കം ചെയ്യാനും കഴിയും. ഉപകരണത്തിൽ തന്നെ പ്രോസസ്സിംഗ് നടക്കുമോ അതോ ആപ്പിൾ ക്ലൗഡിൽ ഫോട്ടോ പ്രോസസ്സ് ചെയ്യുമോ എന്നത് ഇപ്പോഴും അറിയില്ല എങ്കിലും നിങ്ങൾ പലപ്പോഴും ഫോട്ടോകൾ എടുക്കുന്ന ആളാണെങ്കിൽ ഇത് വളരെ ഉപകാരപ്രദമാണ്.

ഐ ട്രാക്കിംഗ്: ഐഫോണിലും ഐപാഡിലും ഐ ട്രാക്കിംഗ് ഫീച്ചറും ആപ്പിൾ കൊണ്ടുവരുന്നു. ഇത് കണ്ണിൻ്റെ ചലനങ്ങൾ ഉപയോഗിച്ച് ഐഒഎസ് ഉപയോഗിച്ച് പ്രവർത്തിക്കുന്ന ഉപകരണം നിയന്ത്രിക്കാൻ ഉപയോക്താക്കളെ പ്രാപ്‌തമാക്കുന്നു. വരാനിരിക്കുന്ന ഫീച്ചറിൽ പോയിൻ്ററിൻ്റെ വേഗത മാറ്റുന്നതിനുള്ള സ്മൂത്തിംഗ് സ്ലൈഡർ, സ്‌നാപ്പ് ടു ഐറ്റം, ഡ്വേൽ കൺട്രോൾ തുടങ്ങിയ നിരവധി കസ്റ്റമൈസേഷൻ ഓപ്ഷനുകളും ഉൾപ്പെടുന്നു. ഫേസ്ഐഡി ക്യാമറ ഉപയോഗിക്കുന്ന ഫീച്ചർ നിലവിൽ ഐഒഎസ് 18ൻ്റെ ബീറ്റ പതിപ്പിലുള്ളവർക്ക് ലഭ്യമാണ്.

സ്മാർട്ട് സ്ക്രിപ്റ്റ്: ഐപാഡിൽ ഈ ഫീച്ചർ ലഭ്യമാണ്. നിങ്ങളുടെ കൈയക്ഷര ശൈലി നിലനിർത്തിക്കൊണ്ട് തന്നെ കൈയക്ഷര കുറിപ്പുകൾ സ്വയമേവ പരിഷ്‌ക്കരിക്കുന്ന ഒരു പുതിയ സവിശേഷതയാണ് സ്മാർട്ട് സ്ക്രിപ്റ്റ്. ആപ്പിൾ പെൻസിൽ ഉപയോക്താക്കൾക്ക് സ്പേസ് ചേർക്കാനും ടൈപ്പ് ചെയ്ത ടെക്സ്റ്റ് പേസ്റ്റ് ചെയ്യാനും ഒരു വാചകം സ്ക്രാച്ച് ചെയ്ത് നീക്കം ചെയ്യാനും കഴിയുമെന്ന് കമ്പനി പറയുന്നു.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന ഉറപ്പാണ്.