മാതാപിതാക്കളുടെ കൈകളിലാകും ഈ ഫോണിന്റെ കൺട്രോൾ ! എച്ച്എംഡി ഫോണുകൾ ഇനി വിപണി കീഴടക്കും

കൗമാരക്കാരുടെ അമിതമായ ഫോൺ ഉപയോഗം കാരണം മാതാപിതാക്കളാണ് എന്നും കുരുക്കിലാകാറുള്ളത്. എന്നാൽ അതിനൊക്കെ പരിഹാരമായി പുതിയ ഫോൺ പുറത്തിറക്കിയിരിക്കുകയാണ് ഫിന്നിഷ് (Finnish )കമ്പനി. വേൾഡ് മൊബൈൽ കോൺഗ്രസിൽ വെച്ചാണ് മൂന്ന് മോഡലുകൾ ഫിന്നിഷ് പുറത്തിറക്കിയത്. അതിൽ ഒന്നാണ് കൗമാരക്കാരുടെ ഫോൺ ഉപയോഗം നിയന്ത്രിക്കുന്നതിനുള്ള മോഡൽ. അതിനെ കുറിച്ച് വഴിയേ പറയാം. സ്പാനിഷ് ഫുട്‌ബോൾ ക്ലബ്ബായ എഫ്സി ബാഴ്‌സലോണയുമായുള്ള സഹകരണത്തിന്റെ ഭാഗമായി ഫിന്നിഷ് കമ്പനി എച്ച്എംഡി ബാഴ്സ ഫ്യൂഷൻ (HMD Barca Fu-sion), എച്ച്എംഡി ബാഴ്സ 3210 (HMD Barca 3210), എച്ച്എംഡി ഫ്യൂഷൻ എക്‌സ് 1 (HMD Fusion X1) എന്നീ മോഡലുകൾ പുറത്തിറക്കിയത്.

എച്ച്എംഡി ബാഴ്സ ഫ്യൂഷൻ എക്സ്‌ക്ലൂസീവ് തീം ഉള്ളടക്കം ഉൾക്കൊള്ളുന്ന ഒരു കളക്ടേഴ്സ് എഡിഷൻ സ്മാർട്ട്ഫോണാണ്. അതേസമയം എച്ച്എംഡി ബാഴ്സ 3210 കമ്പനിയുടെ ക്ലാസിക് ഫീച്ചർ ഫോണിനോട് സാമ്യമുള്ളതും 4G കണക്റ്റിവിറ്റി വാഗ്ദാനം ചെയ്യുന്നതുമാണ്. ഇന്റർനെറ്റ് ഉപയോഗിക്കുമ്പോൾ യുവ ഉപയോക്താക്കളെ സുരക്ഷിതമായി നിലനിർത്തുന്നതിനായി രൂപകൽപ്പന ചെയ്തിരിക്കുന്ന സ്മാർട്ട്ഫോണായാണ് എച്ച്എംഡി ഫ്യൂഷൻ എക്‌സ് 1 ഉം കമ്പനി പുറത്തിറക്കിയത്.

എച്ച്എംഡി ഫ്യൂഷൻ എക്‌സ്് 1ൽ (HMD Fusion X1)സ്‌നാപ്ഡ്രാഗൺ 4 ജെൻ 2 ചിപ്സെറ്റും 8GB വരെ റാമും 256GB വരെ സ്റ്റോറേജും സജ്ജീകരിച്ചിട്ടുണ്ടെന്നാണ് റിപ്പോർട്ട്. 90Hz റിഫ്രഷ് റേറ്റും 90Hz റിഫ്രഷ് റേറ്റും ഉള്ള 6.56 ഇഞ്ച് HD ഡിസ്പ്ലേയാണ് ഈ സ്മാർട്ട്ഫോണിനുള്ളത്. 108 മെഗാപിക്‌സൽ പ്രൈമറി ക്യാമറയും രണ്ട് മെഗാപിക്‌സൽ സെൻസറും ഈ സ്മാർട്ട്ഫോണിൽ ഉണ്ട്. 50 മെഗാപിക്‌സൽ സെൽഫി ക്യാമറയാണ് ഈ ഹാൻഡ്സെറ്റിലുള്ളത്. 33W-ൽ ചാർജ് ചെയ്യാൻ കഴിയുന്ന 5,000mAh ബാറ്ററിയും ഈ സ്മാർട്ട് ഫോണിലുണ്ട്.

എച്ച്എംഡി ബാഴ്‌സ ഫ്യൂഷൻ (HMD Barca Fusion) ഫോണിൽ 108-മെഗാപിക്‌സൽ പ്രൈമറി ക്യാമറയാണ് സജ്ജീകരിച്ചിട്ടുള്ളത്. കൂടുതൽ വിവരങ്ങൾ കമ്പനി പുറത്തുവിട്ടിട്ടില്ല. ഇത് HMD ഫ്യൂഷൻ X1 ന്റെ റീബ്രാൻഡഡ് പതിപ്പാവാനാണ് സാധ്യത. കമ്പനിയുടെ മറ്റ് ഫ്യൂഷൻ സ്മാർട്ട്ഫോണുകളെപ്പോലെ ഇത് ആക്സസറികളെയും പിന്തുണയ്ക്കും.

എഫ്സി ബാഴ്സലോണ ആപ്പ്, വാൾപേപ്പറുകൾ, ക്ലബ്ബിന്റെ നിലവിലെ ടീമിൽ നിന്നുള്ള ആശംസകൾ എന്നിവ ഉൾപ്പെടുന്ന എച്ച്എംഡി ബാഴ്സ ഫ്യൂഷനിൽ ഉപഭോക്താക്കൾക്ക് എക്സ്‌ക്ലൂസീവ് തീം ഉള്ളടക്കത്തിലേക്ക് ആക്സസ് ലഭിക്കും. ബാഴ്സ ഫ്യൂഷനിൽ കമ്പനിയുടെ കളിക്കാരുടെ ഒപ്പുകൾ ഉൾക്കൊള്ളുന്ന ഒരു കേസും ഉണ്ട്. ഈ ഒപ്പുകൾ യുവി വെളിച്ചത്തിൽ തിളങ്ങുന്നതായി പറയപ്പെടുന്നു.

എച്ച്എംഡി ബാഴ്‌സ 3210 'നോക്കിയ 3210' ന്റെ ഒരു തീം പതിപ്പാണ്. ആപ്പുകൾക്കുള്ള പിന്തുണ വാഗ്ദാനം ചെയ്യാത്ത ഒരു ഫീച്ചർ ഫോണാണിത്. സ്മാർട്ട്ഫോണിൽ പ്രീലോഡ് ചെയ്തിരിക്കുന്ന ക്ലാസിക് സ്നേക്ക് ഗെയിമിന്റെ എഫ്‌സി ബാഴ്‌സലോണ തീം പതിപ്പാണ് ഇതിലുള്ളത്. 4 ജി കണക്റ്റിവിറ്റിയാണ് ഇതിലുള്ളത്. ഒരു പിൻ ക്യാമറയും എൽഇഡി ഫ്‌ലാഷും ഉണ്ട്. കൂടാതെ ഒറ്റ ചാർജിൽ ദീർഘനേരം ബാറ്ററി ലൈഫ് ലഭിക്കും.