ഹോണർ 10 എക്‌സ് ലൈറ്റ് നവംബർ 10 ന് അവതരിപ്പിക്കും: പ്രതീക്ഷിക്കുന്ന വില, സവിശേഷതകൾ

ഹോണർ 10 എക്‌സ് ലൈറ്റ്: ലോഞ്ച്

കമ്പനി തത്സമയം സംപ്രേഷണം ചെയ്യുന്ന ഒരു വെർച്വൽ ഇവന്റിലൂടെ ഹോണർ 10 എക്‌സ് ലൈറ്റ് നവംബർ 10 ന് വൈകുന്നേരം 6: 30 മണിക്ക് അവതരിപ്പിക്കും. വെർച്വൽ ലോഞ്ചിലേക്കുള്ള ലിങ്ക് ഉടൻ പങ്കിടുമെന്ന് പറയുന്നു. ഹോണർ 10 എക്‌സ് ലൈറ്റിന്റെ വിലയെക്കുറിച്ചോ ലഭ്യതയെക്കുറിച്ചോ ഒരു വിവരവും ഹോണർ ഇതുവരെ വെളിപ്പെടുത്തിയിട്ടില്ല. ഈ കമ്പനിയുടെ റഷ്യൻ വെബ്‌സൈറ്റിൽ പഞ്ച്-ഹോൾ ക്യാമറ ഡിസൈൻ വരുന്ന ഒരു സ്മാർട്ട്ഫോൺ കാണിക്കുന്നു. ഇത് ഗ്രീൻ, പർപ്പിൾ എന്നീ രണ്ട് കളർ ഓപ്ഷനുകളിലാണ് വിപണിയിൽ വരുന്നത്.

ഹോണർ 10 എക്‌സ് ലൈറ്റ്: പ്രതീക്ഷിക്കുന്ന സവിശേഷതകൾ

ആൻഡ്രോയിഡ് 10 അടിസ്ഥാനമാക്കി ഹോണർ 10 എക്‌സ് ലൈറ്റിന് ഹോണർ മാജിക് യുഐ 3.1 ഒഎസ് പ്ലാറ്റ്‌ഫോമിൽ പ്രവർത്തിക്കുമെന്ന് ചോർച്ചകൾ സൂചിപ്പിക്കുന്നു. 1,680x2,400 പിക്‌സൽ റെസല്യൂഷനുള്ള 6.67 ഇഞ്ച് ഐപിഎസ് അധിഷ്ഠിത എൽസിഡി ഈ ഫോണിലുണ്ടെന്ന് പറയുന്നു. 4 ജിബി റാമുമായി വരുന്ന കിരിൻ 710 എ പ്രോസസറാണ് ഈ സ്മാർട്ട്ഫോണിന് കരുത്ത് പകരുന്നത്. മൈക്രോ എസ്ഡി കാർഡ് വഴി 128 ജിബി വരെ സ്റ്റോറേജും വികസിപ്പിക്കാവുന്നതാണ്.

ഹോണർ 10 എക്‌സ് ലൈറ്റ്: ക്യാമറ സവിശേഷതകൾ

ഹോണർ 10 എക്‌സ് ലൈറ്റ് ഒരു ക്വാഡ് റിയർ ക്യാമറ സെറ്റപ്പിൽ 48 മെഗാപിക്സൽ പ്രൈമറി സ്‌നാപ്പർ ഉൾക്കൊള്ളുന്നു. ശേഷിക്കുന്ന മൂന്ന് ക്യാമറകൾ 8 മെഗാപിക്സൽ അൾട്രാ വൈഡ് ആംഗിൾ ലെൻസ്, 2 മെഗാപിക്സൽ മാക്രോ ഷൂട്ടർ, 2 മെഗാപിക്സൽ ഡെപ്ത് സെൻസർ എന്നിവയാണെന്ന് പറയപ്പെടുന്നു. മുൻവശത്ത്, പഞ്ച്-ഹോൾ രൂപകൽപ്പനയിൽ 8 മെഗാപിക്സൽ സെൽഫി ഷൂട്ടറും ഈ ഡിവൈസിൽ വരുന്നു.

22.5W ഫാസ്റ്റ് ചാർജിംഗിനുള്ള സപ്പോർട്ടോടുകൂടി 5,000 എംഎഎച്ച് ബാറ്ററിയാണ് ഹോണർ 10 എക്‌സ് ലൈറ്റിന് ലഭിക്കുന്നത്. ബ്ലൂടൂത്ത് 5.1, 2.4 ജിഗാഹെർട്സ് വൈ-ഫൈ, എൽടിഇ, 3.5 എംഎം ഹെഡ്‌ഫോൺ ജാക്ക്, യുഎസ്ബി ടൈപ്പ്-സി പോർട്ട് എന്നിവ ഫോണിലെ കണക്റ്റിവിറ്റി ഓപ്ഷനുകളിൽ വരുന്നു.