7150mAh ബാറ്ററി, സ്നാപ്ഡ്രാഗൺ 8 എ​ലൈറ്റ് ജെൻ 5 കരുത്ത്; ഹോണർ മാജിക് V6 ലോഞ്ച് ചെയ്തു

ഹോണർ തങ്ങളുടെ മാജിക് സീരീസിൽ പുതിയ സ്മാർട്ട്ഫോൺ ലോഞ്ച് ചെയ്തു, നേരത്തെ MWC 2026 ൽ അ‌വതരിപ്പിച്ച ഹോണർ മാജിക് V6 (HONOR Magic V6) എന്ന മോഡൽ ആണ് ഇപ്പോൾ ​ചൈനയിൽ ലോഞ്ച് ചെയ്തിരിക്കുന്നത്. MWC 2026 ൽ ഇത് അ‌വതരിപ്പിച്ചിരുന്നു എങ്കിലും വിശദമായ ഫീച്ചറുകളും വിലയും വെളിപ്പെടുത്തിയിരുന്നില്ല. എന്നാലിപ്പോൾ ​ചൈനീസ് ലോഞ്ചിൽ കമ്പനി ഫീച്ചറുകൾ മുഴുവൻ വെളിപ്പെടുത്തിയിട്ടുണ്ട്. 2026​ ന്റെ രണ്ടാം പാദത്തിൽ തെരഞ്ഞെടുത്ത വിപണികളിൽ ഇത് അ‌വതരിപ്പിക്കുമെന്ന് കമ്പനി അ‌റിയിച്ചിട്ടുണ്ട്. സ്‌നാപ്ഡ്രാഗൺ 8 എലൈറ്റ് ജെൻ 5 കരുത്തിലാണ് ഈ ഫോൾഡബിൾ ഫോൺ എത്തിയിരിക്കുന്നത്.

ആഗോളതലത്തിൽ MWCയിൽ അ‌വതരിപ്പിക്കപ്പെട്ട വേരിയന്റും ഇപ്പോൾ ​ചൈനയിൽ ലോഞ്ച് ചെയ്ത വേരിയന്റും തമ്മിൽ ചില വ്യത്യാസങ്ങളുണ്ട്. 16GB + 1TB മോഡലിൽ ചൈനീസ് മോഡലിന് 7150mAh സിലിക്കൺ-കാർബൺ ബാറ്ററിയുണ്ട്. ഫോൾഡബിൾ ഫോണുകളിൽ ലഭ്യമായതിൽ വച്ച് ഏറ്റവും വലിയ ബാറ്ററി ശേഷിയാണിത്. മറ്റ് വേരിയന്റുകളിൽ 6850mAh ബാറ്ററിയാണുള്ളത്.

Also Read

MOST READ: 10001mAh ബാറ്ററിയുടെ പവർ അ‌റിയണ്ടേ! റിയൽമി നാർസോ പവർ 5G വിൽപ്പന തുടങ്ങി; 4000 രൂപ ഡിസ്കൗണ്ട്

പ്രധാന ഫീച്ചറുകൾ

7.95 ഇഞ്ച് ഫോൾഡബിൾ OLED (2352×2172), 6.52 ഇഞ്ച് ഔട്ടർ OLED (2420×1080) ഡിസ്പ്ലേകൾ ഇതിലുണ്ട്. 120Hz റിഫ്രഷ് റേറ്റ്, 1.07B കളറുകൾ, HDR വിവിഡ്, ഡോൾബി വിഷൻ, ZREAL, 6000 (ബാഹ്യ) / 5000 നിറ്റ്‌സ് (ആന്തരിക) പീക്ക് ബ്രൈറ്റ്‌നസ് എന്നിവ ഇതിലുണ്ട്.

4.6GHz വരെ ഒക്ട കോർ സ്‌നാപ്ഡ്രാഗൺ 8 എലൈറ്റ് ജെൻ 5 3nm പ്രോസസർ കരുത്തിലാണ് ഹോണർ മാജിക് V6 അ‌വതരിപ്പിക്കപ്പെട്ടിരിക്കുന്നത്. ഇതോടൊപ്പം അഡ്രിനോ 840 GPU, 12GB / 16GB റാം, 256GB / 512GB / 1TB സ്റ്റോറേജ് എന്നിവയും ഉണ്ട്.

Also Read

MOST READ: സ്വന്തം നമ്പർ രഹസ്യമാക്കി വച്ച് റീച്ചാർജ് ചെയ്യാം! വനിതകൾക്കായി 'കവച്' ​പ്രൈവസി ഫീച്ചർ അ‌വതരിപ്പിച്ച് BSNL

50MP ​വൈഡ് (f/1.6 അപ്പർച്ചർ), 50MP അൾട്രാ-വൈഡ് (f/2.2 അപ്പർച്ചർ), 64MP പെരിസ്‌കോപ്പ് ടെലിഫോട്ടോ (f/2.5 അപ്പർച്ചർ), 3x OIS, 100x ഡിജിറ്റൽ സൂം എന്നിവ അ‌ടങ്ങുന്ന ട്രിപ്പിൾ റിയർ ക്യാമറ സജ്ജീകരണം ഇതിലുണ്ട്. കൂടാതെ 20MP ഇന്നർ, ഔട്ടർ ഫ്രണ്ട് ക്യാമറകളും (f/2.2 അപ്പർച്ചർ) ഈ ഫോൾഡബിൾ ഫോണിലുണ്ട്.

ഡ്യുവൽ 5G, Wi-Fi 7 802.11 be, ബ്ലൂടൂത്ത് 6.0, BeiDou (B1I+B1C+B2a+B2b ക്വാഡ്-ഫ്രീക്വൻസി), GPS (L1+L5 ഡ്യുവൽ-ഫ്രീക്വൻസി), GLONASS (G1), ഗലീലിയോ (E1+E5a+E5b ട്രൈ-ഫ്രീക്വൻസി), QZSS (L1+L5 ഡ്യുവൽ-ഫ്രീക്വൻസി), NavIC (L1+L5 ഡ്യുവൽ-ഫ്രീക്വൻസി), A-GNSS, NFC, USB ടൈപ്പ്-C USB 3.2 Gen1എന്നിവയും ഇതിലുണ്ട്.

ആൻഡ്രോയിഡ് 16 അടിസ്ഥാനമാക്കിയുള്ള MagicOS 10-ൽ ആണ് പ്രവർത്തനം. IP68 & IP69 റേറ്റിങ്, USB ടൈപ്പ്-സി ഓഡിയോ, സ്റ്റീരിയോ സ്പീക്കറുകൾ, 7150mAh (16GB + 1TB) / 6850mAh (മറ്റുവേരിയന്റുകൾ) ബാറ്ററി, 80W വയർഡ് ഫാസ്റ്റ് ചാർജിംഗ്, 66W വയർലെസ് ചാർജിംഗ്, വയർലെസ് റിവേഴ്സ് ചാർജിംഗ് എന്നിവയാണ് മറ്റ് പ്രധാന ഫീച്ചറുകൾ.

Also Read

MOST READ: ഒറ്റ ദിവസത്തെ ഓഫർ: 5699 രൂപയ്ക്ക് ഫോൺ കിട്ടും! Ai+ പൾസ് 2 ഇന്ത്യയിൽ ഇന്ന് മുതൽ വാങ്ങാം

വിലയും ലഭ്യതയും

ഹോണർ മാജിക് V6 ന്റെ 12GB+256GB വേരിയന്റിന് 8999 യുവാൻ (ഏകദേശം 1,20,220 രൂപ), 12GB+512GB വേരിയന്റിന് 9999 യുവാൻ (ഏകദേശം 1,33,580 രൂപ), 16GB+512GB വേരിയന്റിന് 10999 യുവാൻ (ഏകദേശം 1,46,940 രൂപ), 16GB+1TB വേരിയന്റിന് 11999 യുവാൻ (ഏകദേശം 1,60,300 രൂപ) എന്നിങ്ങനെയാണ് വില.