ഹോണർ വി 40 സ്മാർട്ട്ഫോൺ പുറത്തിറങ്ങുക 120 ഹെർട്സ് ഡിസ്പ്ലേയുമായി: റിപ്പോർട്ട്

ഹോണർ വി 40 സീരീസ് ലോഞ്ച്

ടിപ്പ്സ്റ്റർ ടീമിന്റെ ട്വീറ്റിൽ, ഹോണർ വി 40 സീരീസ് ഡിസംബറിൽ വിപണിയിലെത്തുമെന്ന് മറ്റൊരു ടിപ്പ്സ്റ്ററിന്റെ മുമ്പത്തെ അവകാശവാദത്തിൽ നിന്ന് വ്യത്യസ്തമായി നവംബറിൽ ഈ സ്മാർട്ട്ഫോൺ ലോഞ്ച് ചെയ്യുമെന്ന് പറഞ്ഞിരുന്നു. കഴിഞ്ഞ വർഷം നവംബറിൽ ഹോണർ വി 30, ഹോണർ വി 30 പ്രോ സ്മാർട്ട്‌ഫോണുകൾ വിപണിയിലെത്തിയതിനാൽ, ചൈനീസ് ടെക്‌നോളജി ഭീമന് ഈ വർഷം സമാനമായ ലോഞ്ച് ഷെഡ്യൂൾ ഹോണർ വി 40 ഉപയോഗിച്ച് പിന്തുടരാമെന്നായിരുന്നു അനുമാനം. ഈ ഹാൻഡ്‌സെറ്റിൻറെ ലോഞ്ചിനെ കുറിച്ച് ഇതുവരെ ഔദ്യോഗികമായി ഒരു വ്യക്തതയുമില്ല.

ഹോണർ വി 40 സീരീസ്: പ്രതീക്ഷിക്കുന്ന സവിശേഷതകൾ

ട്വിറ്ററിലെ ഏറ്റവും പുതിയ പോസ്റ്റുകൾ ഹോണർ വി 40 സീരീസിന്റെ പ്രധാന സവിശേഷതകൾ പങ്കിട്ടു. ഈ സീരിസിൽ രണ്ട് സ്മാർട്ട്‌ഫോണുകളാണ് വരുന്നത്: അതിലൊന്ന് വിവോ വി 40 പ്രോ, വി 40 പ്രോ + എന്നിവയാണ്. ടിപ്‌സ്റ്റർ നൽകിയ വിവരങ്ങൾ അനുസരിച്ച്, രണ്ട് സ്മാർട്ട്‌ഫോണുകളിലും 6.72 ഇഞ്ച് ഫുൾ എച്ച്ഡി + കർവ് ഡിസ്‌പ്ലേ 120 ഹെർട്സ് റിഫ്രഷ് റേറ്റിനൊപ്പം വരുമെന്നാണ്. ട്വീറ്റിൽ പറഞ്ഞ സുപ്രധാന മാറ്റങ്ങളിലൊന്ന് വികസിതമായ കോർ പവർ ആണ്.

ഹോണർ വി 40 പ്രോയ്ക്ക് മീഡിയടെക്കിന്റെ ഡൈമെൻസിറ്റി 1000+ SoC പ്രോസസർ ഉണ്ടെന്നും ഹോണർ വി 40 പ്രോ + ന് ഹുവാവേയുടെ കിരിൻ 9000 SoC പ്രോസസർ ഉണ്ടെന്നും റിപ്പോർട്ടിൽ പറയുന്നു. സോണി IMX700 RYYB 50 മെഗാപിക്സൽ മെയിൻ സെൻസറുമായി ഹോണർ വി 40 സീരീസ് വരുന്നു. പിന്നിലുള്ള ക്യാമറകളുടെ എണ്ണത്തെക്കുറിച്ച് ഇതുവരെ ഒരു വിവരവുമില്ല, അതിനാൽ, ഈ സ്മാർട്ട്ഫോണിന് ട്രിപ്പിൾ അല്ലെങ്കിൽ ക്വാഡ് റിയർ ക്യാമറ സെറ്റപ്പ് വരുന്നുണ്ടോ എന്നതിനെക്കുറിച്ച് ഇപ്പോൾ സൂചനകളൊന്നുമില്ല.

എന്നാൽ, മുൻവശത്ത്, ഡിസ്പ്ലേയിൽ ഗുളിക ആകൃതിയിലുള്ള കട്ട്ഔട്ടിൽ സ്ഥിതിചെയ്യുന്ന ഡ്യൂവൽ ക്യാമറ സെറ്റപ്പ് ഈ ഹാൻഡ്‌സെറ്റിൽ അവതരിപ്പിക്കുമെന്ന് പറയുന്നു. ഹോണർ വി 40 സീരീസിൽ 66W സൂപ്പർചാർജ് ചാർജിംഗ് സാങ്കേതികവിദ്യയും 40W വയർലെസ് ചാർജിംഗും ഉൾപ്പെടുന്നു. വരാനിരിക്കുന്ന സീരീസിനൊപ്പം 66W ചാർജിംഗ് സപ്പോർട്ടും ഉണ്ടാകുമെന്ന് മുൻപ് വന്ന ഒരു റിപ്പോർട്ടിൽ സൂചിപ്പിച്ചിരുന്നു.