8300mAh ബാറ്ററി, 108MP ക്യാമറ സഹിതം ഹോണർ X9d 5G ലോഞ്ച് ചെയ്തു; കരുത്തിലും ടോപ്!

ഹോണർ ശക്തമായ സ്മാർട്ട്ഫോണുകൾ ഇറക്കുന്നത് തുടരുന്നു. മികച്ച ഫീച്ചറുകൾ വാഗ്ദാനം ചെയ്യുന്ന ഹോണർ സ്മാർട്ട്ഫോണുകളുടെ നിരയിലേക്ക് ഒരു പുതിയ ഫോൺ കൂടി കമ്പനി പുറത്തിറക്കി. ഹോണർ X സീരീസിന്റെ ഭാഗമായി ഹോണർ X9d 5G (HONOR X9d 5G) എന്ന സ്മാർട്ട്ഫോണാണ് മലേഷ്യയിൽ പുറത്തിറക്കിയിരിക്കുന്നത്. സ്മാർട്ട്ഫോണുകളിൽ സ്ഥിരം കാണുന്നതിനെക്കാൾ വളരെ ഉയർന്ന ബാറ്ററി ശേഷിയും ഈടും വാഗ്ദാനം ചെയ്യുന്നു എന്നതാണ ഹോണർ X9d 5ജിയുടെ വരവിനെ ശ്രദ്ധേയമാക്കിയിരിക്കുന്നത്. നേരത്തെ ​ചൈനയിൽ X70 എന്ന ഒരു മോഡൽ ഹോണർ ഇത് അവതരിപ്പിച്ചിരുന്നു. അ‌തിന് സമാനമായ ഫീച്ചറുകൾ പുതിയ ഫോണിലുണ്ട്, എന്നാൽ ക്യാമറകൾ മെച്ചപ്പെടുത്തിയിട്ടുണ്ട്.

8300mAh സിലിക്കൺ-കാർബൺ ബാറ്ററിയാണ് ഹോണർ X9d 5ജിയുടെ പ്രധാന ഹൈലൈറ്റ്. ഇതോടൊപ്പം 6000 nits വരെ പീക്ക് ബ്രൈറ്റ്‌നസ്, 12GB വരെ റാം, സ്‌നാപ്ഡ്രാഗൺ 6 Gen 4 ചിപ്സെറ്റ് കരുത്ത് എന്നിവയും ഈ ഹോണർ 5ജി ഫോൺ വാഗ്ദാനം ചെയ്യുന്നു.

മികച്ച നിരവധി ഫീച്ചറുകളുണ്ടെങ്കിലും ഉയർന്ന ബാറ്ററി ശേഷി കഴിഞ്ഞാൽ ശ്രദ്ധേയമായ മറ്റൊരു ഫീച്ചർ ഇതിന്റെ ഈട് ആണ്. സെഗ്മെന്റിലെ ആദ്യത്തെ SGS ട്രിപ്പിൾ-റെസിസ്റ്റന്റ് പ്രീമിയം പെർഫോമൻസ് സർട്ടിഫിക്കേഷൻ ഇതിന് ഉണ്ട്. ഇത് 2.5 മീറ്റർ വരെ ഉയരത്തിൽ നിന്നുള്ള വീഴ്ചകളിൽ നിന്ന് സംരക്ഷണം നൽകുന്നു.

ഇൻഡസ്ട്രിയിലെ ആദ്യത്തെ മൾട്ടിലെയർ കുഷ്യനിംഗ് ഡിസൈനുള്ള അൾട്രാ ടഫ് ടെമ്പർഡ് ഗ്ലാസ്, മെച്ചപ്പെട്ട ഷോക്ക് അബ്സോർപ്ഷനുള്ള ബാലിസ്റ്റിക്-ഗ്രേഡ് ഡാമ്പിംഗ് ലെയർ എന്നിവയും ഹോണർ X9d 5G ഫീച്ചർ ചെയ്യുന്നു. പൊടി, ജലം എന്നിവലെ പ്രതിരോധിക്കാൻ ശക്തമായ IP69K + IP68 + IP66 റേറ്റിങ്ങും ഈ ഹോണർ 5ജി ഫോണിന് ഉണ്ട്.

ഹോണർ X9d 5G ഫീച്ചറുകൾ

120Hz റിഫ്രഷ് റേറ്റുള്ള 6.79 ഇഞ്ച് (2640×1200 പിക്സലുകൾ) 1.5K AMOLED ഡിസ്പ്ലേ, 100% DCI-P3 കളർ ഗാമട്ട്, 6,000 nits വരെ പീക്ക് ബ്രൈറ്റ്നസ്, 3840Hz ഹൈ-ഫ്രീക്വൻസി PWM ഡിമ്മിംഗ് എന്നിവ ഇതിലുണ്ട്. 2.3GHz ഒക്ട കോർ സ്നാപ്ഡ്രാഗൺ 6 Gen 4 4nm മൊബൈൽ പ്ലാറ്റ്ഫോം ആണ് ഈ ഫോണിന്റെ പ്രവർത്തനങ്ങളുടെ ശക്തികേന്ദ്രം.

8GB/ 12GB റാം, 128GB/ 256GB /512GB സ്റ്റോറേജ് ഓപ്ഷനുകൾ ഹോണർ X9d 5ജി വാഗ്ദാനം ചെയ്യുന്നു. ആൻഡ്രോയിഡ് 15 അ‌ടിസ്ഥാനമാക്കിയുള്ള മാജിക്OS 9.0-ൽ ആണ് പ്രവർത്തനം. ഡ്യുവൽ റിയർ ക്യാമറ സജ്ജീകരണമാണ് ഇതിൽ ഉള്ളത്. അ‌തിൽ 108MP മെയിൻ ക്യാമറ ( f/1.75 അപ്പേർച്ചർ, OIS, 4K വീഡിയോ റെക്കോർഡിംഗ്), 5MP അൾട്രാ-വൈഡ് ക്യാമറ എന്നിവ അ‌ടങ്ങുന്നു. ഫ്രണ്ടിൽ 16MP ക്യാമറയും (f/2.45 അപ്പേർച്ചർ) ഉണ്ട്.

ഇൻ-ഡിസ്പ്ലേ ഫിംഗർപ്രിന്റ് സെൻസർ, ഇൻഫ്രാറെഡ് സെൻസർ, USB ടൈപ്പ്-സി ഓഡിയോ, സ്റ്റീരിയോ സ്പീക്കറുകൾ, IP69K + IP69 + IP68 + IP66 റേറ്റിങ്, ഡ്യുവൽ സിം (നാനോ + നാനോ), 5G SA/NSA, ഡ്യുവൽ 4G VoLTE, Wi-Fi 6 802.11ax (2.4GHz/5GHz), ബ്ലൂടൂത്ത് 5.3, GPS (L1+L5 ഡ്യുവൽ ഫ്രീക്വൻസി), USB ടൈപ്പ്-C, NFC എന്നീ ഫീച്ചറുകളും ഇതിലുണ്ട്.

ഹോണർ X9d 5ജിയിലെ തേർഡ് ജനറേഷൻ 8300mAh സിലിക്കൺ-കാർബൺ ബാറ്ററി 66W സൂപ്പർചാർജ് ഫാസ്റ്റ് ചാർജിങ് സഹിതം എത്തുന്നു. വയർലെസ് ചാർജിംഗ് പിന്തുണ ഇതിലില്ല. ആറ് വർഷത്തെ ഈട് ഈ ബാറ്ററി വാഗ്ദാനം ചെയ്യുന്നുണ്ട്. ഇത്ര വലിയ ബാറ്ററി ശേഷി ഉണ്ടായിട്ടും ഈ ഫോണിന് 193 ഗ്രാം ഭാരം മാത്രമേയുള്ളൂ. 161.9×76.1×7.76 മിമി ആണ് വലിപ്പം.

ഹോണർ X9d 5G വില

ഹോണർ X9d 5ജിയുടെ 12GB + 256GB അ‌ടിസ്ഥാന മോഡലിന് 1499 RM (ഏകദേശം 31,500 രൂപ) ആണ് വില, 12GB + 512GB മോഡലിന് 1699 RM (ഏകദേശം 35,705 രൂപ) വിലയുണ്ട്. മലേഷ്യയിൽ ഇതിനകം ഈ ഫോൺ ഓഡർ ചെയ്യാനാകും. ഹോണർ X9 സീരീസ് മോഡലുകൾ ഇന്ത്യയിലും ലോഞ്ച് ചെയ്യാറുണ്ട്. എന്നാൽ X9d 5ജിയുടെ ഇന്ത്യൻ ലോഞ്ചിനെപ്പറ്റി നിലവിൽ വിവരങ്ങളില്ല.