സ്നാപ്ഡ്രാഗൺ 690 5 ജി SoC പ്രോസസറുമായി എച്ച്ടിസി ഡിസയർ 21 പ്രോ 5 ജി അവതരിപ്പിച്ചു: വില, സവിശേഷതകൾ

എച്ച്ടിസി ഡിസയർ 21 പ്രോ 5 ജി: വിലയും, ലഭ്യതയും

എച്ച്ടിസി ഡിസയർ 21 പ്രോ 5 ജിയുടെ 8 ജിബി + 128 ജിബി വേരിയന്റിന് ടിഡബ്ല്യുഡി 11,990 (ഏകദേശം 31,300 രൂപ) ആണ് വില വരുന്നത്. ഫെബ്രുവരി 28 വരെ ഈ ഹാൻഡ്‌സെറ്റിന് വരുന്ന വിലയാണെന്ന് കമ്പനി പറയുന്നു. അതിനുശേഷം, ടിഡബ്ല്യുഡി 12,990 (ഏകദേശം 34,000 രൂപ) വിലയായിരിക്കും തായ്‌വാനിൽ ഈ ഹാൻഡ്‌സെറ്റിന്. ജനുവരി 21 മുതൽ നടക്കുന്ന ഷിപ്പിംഗിലും രണ്ടാമതായി ഫെബ്രുവരി 4 മുതൽ നടക്കുന്ന ഷിപ്പിംഗിലും ഈ ഹാൻഡ്‌സെറ്റ് സ്റ്റാർ ഷിപ്പിലും മിറേജ് പർപ്പിൾ കളർ ഓപ്ഷനുകളിലും ലഭ്യമാകും. എച്ച്ടിസി ഡിസയർ 21 പ്രോ 5 ജി യുടെ അന്തർദ്ദേശീയ വിലയെക്കുറിച്ചോ ലഭ്യതയെക്കുറിച്ചോ ഒരു വിവരവും ഇതുവരെ കമ്പനി വ്യക്തമാക്കിയിട്ടില്ല.

എച്ച്ടിസി ഡിസയർ 21 പ്രോ 5 ജി: സവിശേഷതകൾ

ആൻഡ്രോയിഡ് 10 ഓപ്പറേറ്റിംഗ് സിസ്റ്റത്തിൽ പ്രവർത്തിക്കുന്ന ഡ്യുവൽ നാനോ സിം വരുന്ന എച്ച്ടിസി ഡിസയർ 21 പ്രോ 5 ജിയിൽ 6.7 ഇഞ്ച് ഫുൾ എച്ച്ഡി + (1,080x2,400 പിക്‌സൽ) ഡിസ്‌പ്ലേ വരുന്നു. ഇതിന് 90 ഹെർട്സ് റിഫ്രഷ് റേറ്റും 20: 9 ആസ്പെക്റ്റ് റേഷിയോയുമുണ്ട്. മൈക്രോ എസ്ഡി കാർഡ് വഴി എക്സ്പാൻഡ് ചെയ്യാവുന്ന 8 ജിബി റാമും 128 ജിബി സ്റ്റോറേജുമായി ജോടിയാക്കിയ സ്നാപ്ഡ്രാഗൺ 690 5 ജി SoC പ്രോസസറാണ് ഈ ഹാൻഡ്‌സെറ്റിന് കരുത്ത് നൽകുന്നത്.

എച്ച്ടിസി ഡിസയർ 21 പ്രോ 5 ജി: ക്യാമറ സവിശേഷതകൾ

ക്വാഡ് റിയർ ക്യാമറ സെറ്റപ്പ് വരുന്ന എച്ച്ടിസി ഡിസയർ 21 പ്രോ 5 ജിയിൽ എഫ് / 1.8 ലെൻസുള്ള 48 മെഗാപിക്സൽ പ്രൈമറി സെൻസർ, എഫ് / 2.2 ലെൻസുള്ള വൈഡ് ആംഗിൾ 8 മെഗാപിക്സൽ സെൻസർ, എഫ് / 2.4 അപ്പർച്ചർ വരുന്ന 2 മെഗാപിക്സൽ മാക്രോ ഷൂട്ടർ, എഫ് / 2.4 ലെൻസുള്ള 2 മെഗാപിക്സൽ സെൻസർ എന്നിവ ഉൾപ്പെടുന്നു. ഹാൻഡ്സെറ്റിൻറെ മുകളിലെ മധ്യഭാഗത്ത് ഒരു ഹോൾ-പഞ്ച് കട്ട്ഔട്ടിൽ 16 മെഗാപിക്സൽ ക്യാമറ സെൽഫികൾക്കും വീഡിയോ കോളുകൾക്കുമായി നൽകിയിരിക്കുന്നു.

ഡ്യുവൽ-ബാൻഡ് വൈ-ഫൈ, ബ്ലൂടൂത്ത് 5.1, എൻഎഫ്സി, ജിപിഎസ്, ചാർജ്ജിംഗിനായി യുഎസ്ബി ടൈപ്പ്-സി പോർട്ട് എന്നിവ എച്ച്ടിസി ഡിസയർ 21 പ്രോ 5 ജിയിലെ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു. ആംബിയന്റ് ലൈറ്റ് സെൻസർ, പ്രോക്‌സിമിറ്റി സെൻസർ, ഗൈറോ, ഗ്രാവിറ്റി സെൻസർ, കോമ്പസ്, സൈഡ് മൗണ്ട് ചെയ്ത ഫിംഗർപ്രിന്റ് സ്‌കാനർ എന്നിവ ബോർഡിലെ സെൻസറുകളിൽ ഉൾപ്പെടുന്നു. 18W ഫാസ്റ്റ് ചാർജിംഗിനായി (QC4.0 +) സപ്പോർട്ടുള്ള 5,000 എംഎഎച്ച് ബാറ്ററിയാണ് ഈ ഫോണിൽ വരുന്നത്. എച്ച്ടിസി ഡിസയർ 21 പ്രോ 5 ജി സ്മാർട്ഫോണിന് 167.1x78.1x9.4 മില്ലിമീറ്റർ അളവിൽ 205 ഗ്രാം ഭാരമാണ് വരുന്നത്.