ഇത് നിങ്ങൾ അറിഞ്ഞിരിക്കണം; ഹുവായ് മേറ്റ് 70 സീരീസ് ഇറങ്ങാൻ പോകുന്നു

2023 സെപ്റ്റംബറിൽ ചൈനയിൽ ലോഞ്ച് ചെയ്ത മേറ്റ് 60 (Mate 60) ലൈനപ്പിൻ്റെ പിൻഗാമിയായി ഹുവായ് മേറ്റ് 70 (Huawei Mate 70) സീരീസ് ഉടൻ ലോഞ്ച് ചെയ്യുമെന്ന് പ്രതീക്ഷിക്കുന്നു. സീരീസിൽ ഒരു ബേസ്, ഒരു പ്രോ, ഒരു പ്രോ+, ഒരു RS അൾട്ടിമേറ്റ് ഡിസൈൻ വേരിയൻ്റ് എന്നിവ ഉൾപ്പെടുമെന്ന് കരുതുന്നു. ഈ പറഞ്ഞ ഹാൻഡ്‌സെറ്റുകളെ കുറിച്ചുള്ള വിശദാംശങ്ങൾ കഴിഞ്ഞ കുറച്ച് ദിവസങ്ങളായി ലീക്ക് റിപ്പോർട്ടിലൂടെ പ്രചരിക്കുന്നുണ്ട്. ക്യാമറ രൂപകൽപ്പനയും ബാറ്ററി വലുപ്പവും ഉൾപ്പെടെ സ്മാർട്ട്‌ഫോണുകളുടെ പ്രതീക്ഷിക്കുന്ന പ്രധാന സവിശേഷതകൾ ഈ ലീക്ക് റിപ്പോർട്ടുകൾ സൂചിപ്പിക്കുന്നു.

മേറ്റ് 70 സീരീസ് മോഡലുകൾ, ഡിസൈൻ, ലോഞ്ച് ടൈംലൈൻ: മുമ്പത്തെ ഹുവായ് മേറ്റ് 60 ലൈനപ്പിന് സമാനമായി ഹുവായ് മേറ്റ് 70 സീരീസിൽ നാല് ഹാൻഡ്‌സെറ്റുകൾ ഉൾപ്പെടുമെന്ന് പ്രതീക്ഷിക്കുന്നു. ടിപ്സ്റ്റർ ഡിജിറ്റൽ ചാറ്റ് സ്റ്റേഷൻ്റെ വെയ്‌ബോ പോസ്റ്റ് അനുസരിച്ച്, കാത്തിരിക്കുന്ന ലൈനപ്പിൽ വാനില ഹുവായ് മേറ്റ് 70, ഹുവായ് മേറ്റ് 70 പ്രോ, ഹുവായ് മേറ്റ് 70 പ്രോ+, ഹുവായ് മേറ്റ് 70 ആർഎസ് അൾട്ടിമേറ്റ് ഡിസൈൻ എന്നിവ ഉൾപ്പെടുന്നു.

ഹുവായ് മേറ്റ് 70 സീരീസ് സ്‌മാർട്ട്‌ഫോണുകൾക്ക് നിലവിലുള്ള മേറ്റ് 60 സീരീസിനേക്കാൾ കനം കുറഞ്ഞതും ഇടുങ്ങിയതും വൃത്താകൃതിയിൽ ഉള്ളതുമായ ഡിസൈനുകൾ ഉണ്ടായിരിക്കുമെന്ന് ടിപ്‌സ്റ്റർ അവകാശപ്പെടുന്നു. വലിയ, സെൻറ്റേഡ്‌ ബാക്ക് ക്യാമറ മൊഡ്യൂളുകൾ അവ അവതരിപ്പിക്കുമെന്ന് പറയപ്പെടുന്നു. നവംബർ പകുതിയോടെ സീരീസ് ചൈനയിൽ ലോഞ്ച് ചെയ്യുമെന്ന് ടിപ്സ്റ്റർ കൂട്ടിച്ചേർത്തു.

ഹുവായ് മേറ്റ് 70 സീരീസ് ഫീച്ചറുകൾ: ഹുവായ് മേറ്റ് 70 സീരീസ് ഫോണുകൾ നിലവിലെ മേറ്റ് 60 മോഡലുകളെ അപേക്ഷിച്ച് മികച്ച ബാറ്ററി ലൈഫ് വാഗ്ദാനം ചെയ്യുമെന്ന് പ്രതീക്ഷിക്കുന്നു. അവയിൽ 5,000 mAh ബാറ്ററികൾ വരെ സജ്ജീകരിച്ചിരിക്കുന്നു. Tipster Fixed Focus Digital (ചൈനീസിൽ നിന്ന് വിവർത്തനം ചെയ്തത്) ഒരു വെയ്‌ബോ പോസ്റ്റിൽ മേറ്റ് 70 ഹാൻഡ്‌സെറ്റുകൾ 6,000mAhൽ താഴെയുള്ള ബാറ്ററികൾ വഹിക്കുന്നുണ്ടെന്ന് അവകാശപ്പെട്ടു .

അവയ്ക്ക് 5,500 അല്ലെങ്കിൽ 5,700mAh സെല്ലുകൾ ലഭിക്കുമെന്ന് ഊഹിക്കപ്പെടുന്നു. ഹുവായ് മേറ്റ് 70 ലൈനപ്പിൽ സുരക്ഷയ്ക്കായി ക്വാൽകോമിൻ്റെ അൾട്രാസോണിക് ഫിംഗർപ്രിൻ്റ് സെൻസർ സജ്ജീകരിക്കുമെന്ന് മറ്റൊരു ടിപ്‌സ്റ്റർ സ്മാർട്ട് പിക്കാച്ചു ഒരു വെയ്‌ബോ പോസ്റ്റിൽ നിർദ്ദേശിച്ചു. അതേ സമയം, ഹുവായ് മേറ്റ് 70 സീരീസ് ക്യാമറ പ്രൊട്ടക്ടറുകളുടെ ലീക്ക് ചിത്രങ്ങൾ ഹുവായ് സെൻട്രൽ റിപ്പോർട്ട് പങ്കിട്ടു.

ലീക്ക് റിപ്പോർട്ടുകളിൽ സ്മാർട്ട്‌ഫോണുകളുടെ ക്യാമറ ലേഔട്ട് ഡിസൈൻ കാണിക്കുന്നു. വലുതും വൃത്താകൃതിയിൽ ഉള്ളതുമായ യൂണിറ്റുകളുള്ള അടിസ്ഥാന, പ്രോ വകഭേദങ്ങൾ, ഹുവായ് മേറ്റ് 50 സീരീസ് ഹാൻഡ്‌സെറ്റുകൾക്ക് സമാനമായി കാണപ്പെടുന്നു. ലീക്ക് ആയ ഹുവായ് മേറ്റ് 70 RS അൾട്ടിമേറ്റ് ഡിസൈനിന് മേറ്റ് 60 RS അൾട്ടിമേറ്റ് ഡിസൈനിൻ്റെ അതേ ഒക്റ്റഗണൽ ബാക്ക് ക്യാമറ മൊഡ്യൂൾ ഉണ്ടായിരിക്കാം.

പുറത്ത് ഇറങ്ങാൻ ഇരിക്കുന്ന ഹുവായ് മേറ്റ് 70 സീരീസ് കിരിൻ SoCs, Hongmeng കേർണൽ അടിസ്ഥാനമാക്കി ഉള്ള Harmony OS, 1.5K ഡിസ്‌പ്ലേകൾ, സാറ്റലൈറ്റ് കമ്മ്യൂണിക്കേഷൻ സപ്പോർട്ട് എന്നിവയ്‌ക്ക് ഒപ്പം ഷിപ്പ് ചെയ്യപ്പെടുമെന്ന് മുമ്പ് പുറത്ത് വന്ന ലീക്ക് റിപ്പോർട്ടുകൾ സൂചിപ്പിച്ചിരുന്നു.

ഈ ലേഖനം നിങ്ങൾക്ക് ഉപകാരപ്രദം എന്ന് തോന്നുന്നുണ്ടോ? ഇത്തരത്തിൽ ഉപകാരപ്രദമായ നിരവധി ലേഖനങ്ങൾ Gizbot മലയാളത്തിൽ ഉണ്ട്. കൂടുതൽ ടെക്ക് ന്യൂസുകൾ, ടെക്ക് ടിപ്‌സുകൾ, റിവ്യൂകൾ, ലോഞ്ചുകൾ എന്നിവക്ക് Gizbot മലയാളം ഫോള്ളോ ചെയ്യൂ. ലേഖനങ്ങളിൽ പറയുന്നവ നിങ്ങൾക്ക് ഉപകാരപ്പെടുമെന്ന് ഉറപ്പാണ്.