ക്വാഡ് ക്യാമറ സെറ്റപ്പുമായി ഹുവാവേ നോവ 7 എസ്ഇ 5 ജി ലോഹാസ് എഡിഷൻ സ്മാർട്ഫോൺ അവതരിപ്പിച്ചു

ഹുവാവേ നോവ 7 എസ്ഇ 5 ജി ലോഹാസ് എഡിഷൻ: വിലയും, വിൽപ്പനയും

പുതിയ 8 ജിബി റാം + 128 ജിബി സ്റ്റോറേജ് മോഡലിന് പുതിയ ഹുവാവേ നോവ 7 എസ്ഇ 5 ജി ലോഹാസ് എഡിഷൻറെ സിഎൻ‌വൈ 2,299 (ഏകദേശം 25,900 രൂപ) വിലയുണ്ട്. ഈ ഹാൻഡ്‌സെറ്റ് നാളെ മുതൽ ഇത് ചൈനയിൽ 'വിമാൾ' വഴി വിൽപ്പനയ്‌ക്കെത്തും. മാജിക് നൈറ്റ് ബ്ലാക്ക്, മിഡ്‌സമ്മർ പർപ്പിൾ, ക്വിജിംഗ് ഫോറസ്റ്റ്, സിൽവർ മൂൺ സ്റ്റാർ കളർ ഓപ്ഷനുകളിൽ ഈ സ്മാർട്ട്ഫോൺ വരുന്നു.

ഹുവാവേ നോവ 7 എസ്ഇ 5 ജി ലോഹാസ് എഡിഷൻ: സവിശേഷതകൾ

ആൻഡ്രോയിഡ് 10 ഓപ്പറേറ്റിംഗ് സിസ്റ്റം അടിസ്ഥാനമാക്കിയുള്ള ഹുവാവേ നോവ 7 എസ്ഇ 5 ജി ലോഹാസ് എഡിഷൻ ഇഎംയുഐ 10.1 ൽ പ്രവർത്തിക്കുന്നു. 6.5 ഇഞ്ച് ഫുൾ എച്ച്ഡി + (1,080x2,400 പിക്‌സൽ) എൽടിപിഎസ് എൽസിഡി 96 ശതമാനം എൻ‌ടി‌എസ്‌സി കളർ സാച്ചുറേഷൻ നൽകുന്നു. 8 ജിബി റാമും 128 ജിബി സ്റ്റോറേജുമായി ജോടിയാക്കിയ കിരിൻ 820 ഇ SoC പ്രോസസറാണ് ഈ സ്മാർട്ട്ഫോണിൻറെ കരുത്ത്. എൻ‌എം മെമ്മറി കാർഡ് വഴി 256 ജിബി വരെ സ്റ്റോറേജ് എക്സ്പാൻഡ് ചെയ്യുവാനുള്ള സപ്പോർട്ടും ഇതിലുണ്ട്.

ഹുവാവേ നോവ 7 എസ്ഇ 5 ജി ലോഹാസ് എഡിഷൻ: ക്യാമറ സവിശേഷതകൾ

ഹുവാവേ നോവ 7 എസ്ഇ 5 ജി ലോഹാസ് എഡിഷനിൽ ക്വാഡ് റിയർ ക്യാമറ സെറ്റപ്പാണ് വരുന്നത്. എഫ് / 1.8 അപ്പേർച്ചറുള്ള 64 മെഗാപിക്സൽ പ്രധാന ക്യാമറ, എഫ് / 2.4 അപ്പേർച്ചറുള്ള 8 മെഗാപിക്സൽ അൾട്രാ വൈഡ് ആംഗിൾ ക്യാമറ, 2 മെഗാപിക്സൽ മാക്രോ ക്യാമറ, എഫ് / 2.4 അപ്പർച്ചർ വരുന്ന 2 മെഗാപിക്സൽ ഡെപ്ത് സെൻസർ എന്നിവ ഇതിൽ ഉൾപ്പെടുന്നു. 10x ഡിജിറ്റൽ സൂമിനെ ഇതിൽ സപ്പോർട്ട് ചെയ്യുന്നു. മുൻവശത്ത്, ഫോണിന് എഫ് / 2.0 അപ്പേർച്ചർ വരുന്ന 16 മെഗാപിക്സൽ സെൽഫി സ്നാപ്പറും, ഒരു നിശ്ചിത ഫോക്കൽ ലെങ്ത്തുമുണ്ട്.

പുതിയ ഹുവാവേ നോവ 7 എസ്ഇ 5 ജി ലോഹാസ് എഡിഷന് 4,000 എംഎഎച്ച് ബാറ്ററിയാണ് ഉൾപ്പെടുത്തിയിരിക്കുന്നത്. 5 ജി എസ്എ / എൻ‌എസ്‌എ, വൈ-ഫൈ 802.11ac, ബ്ലൂടൂത്ത് 5.1, യുഎസ്ബി ടൈപ്പ്-സി പോർട്ട് എന്നിവ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു.187 ഗ്രാം ഭാരം വരുന്ന ഈ ഹാൻഡ്‌സെറ്റിൽ പുതിയ സൈഡ് മൗണ്ട് ചെയ്ത ഫിംഗർപ്രിന്റ് സെൻസറും 3.5 എംഎം ഓഡിയോ ജാക്കും ഉണ്ട്.