ഡൈമെൻസിറ്റി 8000 യു പ്രോസസറുമായി ഹുവാവേ നോവ 7 എസ്ഇ ഒക്ടോബർ 16 ന് അവതരിപ്പിക്കും

ഹുവാവേ നോവ 7 എസ്ഇയുടെ പുതിയ എഡിഷൻ ഒക്ടോബർ 16 ന് അവതരിപ്പിക്കുമെന്ന് റിപ്പോർട്ട് വ്യക്തമാക്കി. വെയ്‌ബോയിലെ ഒരു ഉപയോക്താവിൽ നിന്ന് ഈ വിവരം ലഭിച്ചിരുന്നു. സ്മാർട്ട്‌ഫോണിന്റെ രൂപകൽപ്പന വെളിപ്പെടുത്തുന്ന ഒരു ലോഞ്ച് പോസ്റ്ററും ഇതിനോടകം പങ്കിട്ടു. നമുക്ക് കാണാൻ കഴിയുന്നതിൽ നിന്ന് ഹുവാവേ നോവ 7 എസ്ഇയുടെ പുതിയ എഡിഷൻ യഥാർത്ഥ മോഡലിൽ നിന്ന് വളരെ വ്യത്യസ്തമായി വരുന്നില്ല.

പിന്നിൽ ലംബമായി മൗണ്ട് ചെയ്തിരിക്കുന്ന ക്വാഡ് ക്യാമറ സെറ്റപ്പിനോടപ്പം ഇതിന് ഒരു പഞ്ച്-ഹോൾ ഡിസൈനും വരുന്നു. 64 മെഗാപിക്സൽ പ്രൈമറി ക്യാമറയാണ് നോവ 7 എസ്ഇ വൈറ്റാലിറ്റി എഡിഷൻ ക്യാമറകളിലൊന്ന് എന്നും 40W സൂപ്പർചാർജ് പിന്തുണയുള്ള 5 ജി സ്മാർട്ട്‌ഫോണായിരിക്കുമെന്നും ടീസർ പോസ്റ്റർ സ്ഥിരീകരിക്കുന്നു. ഇത് യഥാർത്ഥ നോവ 7 എസ്ഇ വാഗ്ദാനം ചെയ്യുന്നതിന് തുല്യമാണ്.

ഹുവാവേ നോവ 7 എസ്ഇ: പ്രതീക്ഷിക്കുന്ന സവിശേഷതകൾ

ഹുവാവേ നോവ 7 എസ്ഇയുടെ പുതിയ എഡിഷന് മീഡിയടെക് ഡൈമെൻസിറ്റി 800 യു SoC പ്രോസസറാണ് നൽകുന്നതെന്ന് റിപ്പോർട്ടുകൾ പറയുന്നുണ്ടെങ്കിലും ഒരുപക്ഷേ പ്രോസസറിൽ വ്യത്യാസം ഉണ്ടായിരിക്കാം. കിരിൻ 820 ചിപ്‌സെറ്റിനെ ആശ്രയിക്കുന്ന ആദ്യ എഡിഷനിൽ നിന്ന് വ്യത്യസ്തമായിയിരിക്കാം ഈ ഹാൻഡ്‌സെറ്റിന്റെ കാര്യവും. ഹുവാവേ നോവ എസ്ഇ വൈറ്റാലിറ്റി എഡിഷന് ഒരു മെമ്മറി കോൺഫിഗറേഷൻ മാത്രമേ വരുന്നുള്ളു. അതായത് 8 ജിബി റാമും 128 ജിബി ഒറിജിനൽ സ്റ്റോറേജിലുമാണ് ഈ പുതിയ ഹാൻഡ്‌സെറ്റ് വരുന്നത്.

ഈ സ്മാർട്ഫോണിന്റെ ബാക്കി സവിശേഷതകൾ മറ്റേ ഫോണിനെ പോലെ അതേപടി തുടരും. ഈ ഡിവൈസിൻറെ സുരക്ഷയ്ക്കായി 6.5 ഇഞ്ച് ഡയഗണൽ എൽസിഡി പാനൽ ഉണ്ടായിരിക്കും. ഇതിന് പൂർണ്ണ എച്ച്ഡി + റെസല്യൂഷനും സൈഡ് മൗണ്ട് ചെയ്ത ഫിംഗർപ്രിന്റ് സെൻസറും നൽകുന്നു. മുകളിലെ കോണിലുള്ള ചെറിയ ഹോൾ ഒരൊറ്റ 16 മെഗാപിക്സൽ സെൽഫി ക്യാമറയാണ്. പിന്നിലുള്ള 64 മെഗാപിക്സൽ പ്രൈമറി ക്യാമറ 8 മെഗാപിക്സൽ അൾട്രാവൈഡ് ക്യാമറ, 2 മെഗാപിക്സൽ മാക്രോ ലെൻസ്, 2 മെഗാപിക്സൽ ഡെപ്ത് സെൻസർ എന്നിവയുമായി വരുന്നു. 4W എംഎഎച്ച് ശേഷിയുള്ള ബാറ്ററിയും 40W സൂപ്പർചാർജ് സാങ്കേതികവിദ്യയിൽ വരുന്നു. വിലയെക്കുറിച്ച് ഔദ്യോഗിക വിവരങ്ങളൊന്നും ഇതുവരെ ലഭിച്ചിട്ടില്ല. എന്നാൽ, 2,399 യുവാൻ (ഏകദേശം 26,100 രൂപ) വിലയോടെ കമ്പനി ഇത് വിൽക്കുമെന്ന് അഭ്യൂഹങ്ങളുണ്ട്.