ട്രിപ്പിൾ ക്യാമറയുമായി ഹുവാവേ നോവ 8 എസ്ഇ വൈറ്റാലിറ്റി എഡിഷൻ അവതരിപ്പിച്ചു; വിലയും, സവിശേഷതകളും

ഹുവാവേ നോവ 8 എസ്ഇ വൈറ്റാലിറ്റി എഡിഷൻറെ വിലയും, ലഭ്യതയും

ഹുവാവേ നോവ 8 എസ്ഇ വൈറ്റാലിറ്റി എഡിഷൻ 8 ജിബി + 128 ജിബി സ്റ്റോറേജ് മോഡലിന് സിഎൻ‌വൈ 1,899 (ഏകദേശം 21,700 രൂപ) വിലയുണ്ട്. ഫ്രോസ്റ്റ് സിൽവർ, മാജിക് നൈറ്റ് ബ്ലാക്ക് കളർ ഓപ്ഷനുകളിൽ ഇത് വിപണിയിൽ വരുന്നു. ഓഗസ്റ്റ് 13 മുതൽ വിൽപ്പന ആരംഭിക്കുന്ന ചൈനയിൽ പ്രീ-ഓർഡറുകൾക്കായി ഈ സ്മാർട്ട്ഫോൺ ഇപ്പോൾ തയ്യാറാണ്. നിലവിൽ, ഹുവാവേ നോവ 8 എസ്ഇ വൈറ്റാലിറ്റി എഡിഷനുള്ള അന്താരാഷ്ട്ര ലഭ്യതയെക്കുറിച്ച് ഇതുവരെ ഒരു വിവരവും ലഭ്യമായിട്ടില്ല.

ഹുവാവേ നോവ 8 എസ്ഇ വൈറ്റാലിറ്റി എഡിഷൻറെ സവിശേഷതകൾ

ആൻഡ്രോയിഡ് 10 അടിസ്ഥാനമാക്കി ഡ്യുവൽ സിം (നാനോ) ഹുവാവേ നോവ 8 എസ്ഇ വൈറ്റാലിറ്റി എഡിഷൻ ഇഎംയുഐ 10.1ൽ പ്രവർത്തിക്കുന്നു. 6.6 ഇഞ്ച് ഫുൾ എച്ച്ഡി + (1,080x2,400 പിക്‌സൽ) എൽസിഡി ഡിസ്‌പ്ലേയാണ് ഇതിലുള്ളത്. കിരിൻ 710 എ ഒക്ടാകോർ SoC പ്രോസസർ, മാലി ജി 51-എംപി 4 ജിപിയു എന്നിവയാണ് ഈ സ്മാർട്ട്ഫോണിന് കരുത്ത് പകരുന്നത്. 8 ജിബി റാമും 128 ജിബി സ്റ്റോറേജുമായാണ് ഇത് വിപണിയിൽ വരുന്നത്. ഫോട്ടോകൾ എടുക്കുവാനും വീഡിയോകൾ പകർത്തുവാനും എഫ് / 1.8 ലെൻസുള്ള 48 മെഗാപിക്സൽ പ്രൈമറി സെൻസർ, എഫ് / 2.4 അപ്പേർച്ചറുള്ള 2 മെഗാപിക്സൽ മാക്രോ ഷൂട്ടർ, എഫ്/ 2.4 ലെൻസുള്ള എഫ് 2 മെഗാപിക്സൽ ഡെപ്ത് സെൻസർ എന്നിവ ഉൾപ്പെടുന്ന ട്രിപ്പിൾ റിയർ ക്യാമറ സംവിധാനമാണ് ഈ സ്മാർട്ഫോണിൽ വരുന്നത്. മുൻവശത്ത്, ഹുവാവേ നോവ 8 എസ്ഇ വൈറ്റാലിറ്റി എഡിഷനിൽ 16 മെഗാപിക്സൽ സെൻസറും സെൽഫി, വീഡിയോ കോളുകൾക്കായി എഫ് / 2.0 ലെൻസും ഉണ്ട്.

4 ജി, ഡ്യുവൽ-ബാൻഡ് വൈ-ഫൈ, ജിപിഎസ്, ബ്ലൂടൂത്ത് വി 5.1, 3.5 എംഎം ഹെഡ്‌ഫോൺ ജാക്ക്, ചാർജിംഗിനായി യുഎസ്ബി ടൈപ്പ്-സി പോർട്ട് എന്നിവ ഈ സ്മാർട്ട്ഫോണിലെ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു. ഹുവാവേ നോവ 8 എസ്ഇ വൈറ്റാലിറ്റി എഡിഷനിലെ സെൻസറുകളിൽ ഗ്രാവിറ്റി സെൻസർ, കോമ്പസ്, ആംബിയന്റ് ലൈറ്റ് സെൻസർ എന്നിവ ഉൾപ്പെടുന്നു, കൂടാതെ ഫിംഗർപ്രിന്റ് സ്‌കാനറും ഉണ്ട്. 40W ഫാസ്റ്റ് ചാർജിംഗിനുള്ള സപ്പോർട്ടുള്ള വൈറ്റാലിറ്റി എഡിഷൻ മോഡലിൽ 4,000 എംഎഎച്ച് ബാറ്ററിയാണ് ഹുവാവേ ഉൾപ്പെടുത്തിയിരിക്കുന്നത്. 160.68x73.3x8.4 മില്ലിമീറ്റർ അളവിൽ വരുന്ന ഈ ഹാൻഡ്‌സെറ്റിന് 179 ഗ്രാം ഭാരമുണ്ട്.