ട്രിപ്പിൾ ക്യാമറകളും, കിരിൻ 990 ചിപ്‌സെറ്റും വരുന്ന ഹുവായ് പി 40 4 ജി സ്മാർട്ഫോൺ അവതരിപ്പിച്ചു

ഹുവായ് പി 40 4 ജി: വിലയും, ലഭ്യതയും

ഹുവായ് പി 40 4 ജിയുടെ 8 ജിബി + 128 ജിബി വേരിയന്റിന് സി‌എൻ‌വൈ 3,988 (ഏകദേശം 45,250 രൂപ) വില വരുന്നു. ഡാർക്ക് ബ്ലൂ, ഫ്രോസ്റ്റ് സിൽവർ കളർ ഓപ്ഷനുകളിൽ ഇത് വിപണിയിൽ ലഭ്യമാണ്. ഇത് നിലവിൽ ജെഡി.കോമിൽ പ്രീ-ബുക്കിംഗിനായി ലഭ്യമാക്കിയിരിക്കുകയാണ്. നാളെ മുതൽ ഹുവായ് പി 40 4 ജി വിൽപ്പനയ്‌ക്കെത്തും. ഹുവായ് പി 40 4 ജിയുടെ അന്താരാഷ്ട്ര ലഭ്യതയെക്കുറിച്ചുള്ള വിശദാംശങ്ങൾ ഹുവായ് ഇതുവരെ വ്യക്തമാക്കിയിട്ടില്ല.

ഹുവായ് പി 40 4 ജി സവിശേഷതകൾ

നേരത്തെ സൂചിപ്പിച്ചതുപോലെ, ഹുവായ് പി 40 4 ജി യുടെ സവിശേഷതകൾ കഴിഞ്ഞ വർഷം മാർച്ചിൽ അവതരിപ്പിച്ച 5 ജി വേരിയന്റിന് സമാനമാണ്. ഡ്യുവൽ നാനോ സിം വരുന്ന ഹുവായ് പി 40 4 ജിയിൽ 6.1 ഇഞ്ച് (1,080x2,340 പിക്‌സൽ) ഒ‌എൽ‌ഇഡി ഡിസ്‌പ്ലേ 60 ഹെർട്സ് റിഫ്രഷ് റേറ്റാണ് വരുന്നത്. ഹുവായ് പി 40 5 ജിയിൽ കാണപ്പെടുന്ന കിരിൻ 990 5 ജി SoC പ്രോസസറിന് പകരം ഒക്ടാ കോർ കിരിൻ 990 SoC പ്രോസസറിലാണ് പ്രവർത്തിക്കുന്നത്.

ഹുവായ് പി 40 4 ജി ക്യാമറ സവിശേഷതകൾ

എഫ് / 1.9 ലെൻസുള്ള 50 മെഗാപിക്സൽ പ്രൈമറി സെൻസർ, എഫ് / 2.2 അപ്പേർച്ചറുള്ള 16 മെഗാപിക്സൽ അൾട്രാ വൈഡ് ആംഗിൾ ഷൂട്ടർ, എഫ് / 2.4 ലെൻസ് വരുന്ന 8 മെഗാപിക്സൽ ടെലിഫോട്ടോ എന്നിവ ഉൾപ്പെടുന്ന ട്രിപ്പിൾ റിയർ ക്യാമറ സെറ്റപ്പാണ് ഹുവായ് പി 40 4 ജിയുടെ ക്യാമറ സെറ്റപ്പിൽ നൽകിയിട്ടുള്ളത്. മുൻവശത്ത്, 3 എഫ് / 2.0 അപ്പർച്ചർ വരുന്ന 2 മെഗാപിക്സൽ സെൽഫി ഷൂട്ടർ, ഇൻഫ്രാറെഡ് സെൻസർ എന്നിവയുണ്ട്. 128 ജിബി ഓൺബോർഡ് സ്റ്റോറേജും വൈ-ഫൈ, 4 ജി എൽടിഇ, ബ്ലൂടൂത്ത് 5.1, ജിപിഎസ്, യുഎസ്ബി ടൈപ്പ്-സി പോർട്ട് എന്നിവയും ഈ സ്മാർട്ട്ഫോണിലുണ്ട്. ഹുവായ് പി 40 4 ജിയിൽ 22.5W ഫാസ്റ്റ് ചാർജിംഗിനെ സപ്പോർട്ടുള്ള 3,800 എംഎഎച്ച് ബാറ്ററിയാണ് ഉൾപ്പെടുത്തിയിരിക്കുന്നത്.