ക്വാഡ് ക്യാമറയുമായി ഹുവാവേ വൈ 9 എ അവതരിപ്പിച്ചു: വില, സവിശേഷതകൾ

ഹുവാവേ വൈ 9 എയുടെ വിലയെയും ലഭ്യതയെയും കുറിച്ചുള്ള വിശദാംശങ്ങൾ ഇനിയും പുറത്തുവന്നിട്ടില്ല. സ്മാർട്ട്‌ഫോൺ ഇതിനകം കമ്പനിയുടെ ആഗോള സൈറ്റായ മിഡ്‌നൈറ്റ് ബ്ലാക്ക്, സകുര പിങ്ക്, സ്‌പേസ് സിൽവർ കളർ ഓപ്ഷനുകളിൽ പട്ടികപ്പെടുത്തിയിട്ടുണ്ട്. ഹുവാവേ വൈ 9 എ ഉടൻ തന്നെ ആഗോള വിപണിയിൽ എത്തുമെന്ന് സൂചിപ്പിക്കുന്നു. അതേസമയം, ഈ ഹാൻഡ്സെറ്റിനെ സവിശേഷതകൾ വിശദീകരിക്കുന്ന ഒരു ബാനറും കുറച്ച് ദിവസങ്ങൾക്ക് മുമ്പ് ചോർന്നിരുന്നു.

ഹുവാവേ വൈ 9 എ: സവിശേഷതകൾ

ഡ്യുവൽ സിം (നാനോ) വരുന്ന ഹുവാവേ വൈ 9 എ ആൻഡ്രോയിഡ് 10 ഒഎസ് അടിത്തനമായി വരുന്ന ഈഎംഎയുഐ 10.1ൽ പ്രവർത്തിക്കുന്നു. 6.63 ഇഞ്ച് ഫുൾ എച്ച്ഡി + (1,080x2,400 പിക്‌സൽ) ടിഎഫ്ടി ഡിസ്‌പ്ലേ 20:9 ആസ്പെക്റ്റ് റേഷിയോയിൽ വരുന്ന ഈ ഡിവൈസിന് മാലി-ജി 52 എംസി 2 ജിപിയു, 6 ജിബി റാമുമായി ജോഡിയാക്കിയ ഒക്ടാകോർ മീഡിയടെക് ഹെലിയോ ജി 80 SoC പ്രോസസറാണ് കരുത്ത് നൽകുന്നത്. മിഡിൽ ഈസ്റ്റ്, ആഫ്രിക്ക, ഏഷ്യ-പസഫിക്, മിഡിൽ ഏഷ്യയിലെ ചില രാജ്യങ്ങളിൽ മാത്രമായി ലഭ്യത പരിമിതപ്പെടുത്തിയിരിക്കുന്ന 8 ജിബി റാം മോഡലും ഇതിലുണ്ട്.

ഹുവാവേ വൈ 9 എ: ക്യാമറ

ഫോട്ടോകൾ പകർത്തുന്നതിനും വീഡിയോകൾ റെക്കോർഡ് ചെയ്യുന്നതിനുമായി എഫ് / 1.8 ലെൻസുള്ള 64 മെഗാപിക്സൽ പ്രൈമറി സെൻസർ ഉൾപ്പെടുന്ന ക്വാഡ് റിയർ ക്യാമറ സെറ്റപ്പും 8 മെഗാപിക്സൽ സെക്കൻഡറി സെൻസറുമായി ജോടിയാക്കിയ എഫ് / 2.4 അൾട്രാ വൈഡ് ആംഗിൾ ലെൻസും ഹുവാവേ വൈ 9 എയിൽ വരുന്നു. അതിന് 120 ഡിഗ്രി ഫീൽഡ്-ഓഫ്-വ്യൂ (FoV) ഉണ്ട്. എഫ് / 2.4 ലെൻസുള്ള 2 മെഗാപിക്സൽ ഡെപ്ത് സെൻസറും എഫ് / 2.4 മാക്രോ ലെൻസുള്ള 2 മെഗാപിക്സൽ സെൻസറും ക്യാമറ സെറ്റപ്പിൽ ഉൾപ്പെടുന്നു. പോപ്പ്-അപ്പ് മൊഡ്യൂളിൽ 16 മെഗാപിക്സൽ ക്യാമറ സെൻസറും ഹുവാവേ വൈ 9 എയിലുണ്ട്. സെൽഫി ക്യാമറ സെൻസറിന് മുകളിൽ ഒരു എഫ് / 2.2 ലെൻസ് വരുന്നു.

മൈക്രോ എസ്ഡി കാർഡ് വഴി 256 ജിബി വരെ വികസിപ്പിക്കാവുന്ന 128 ജിബി ഓൺബോർഡ് സ്റ്റോറേജാണ് ഹുവാവേ വൈ 9 എയിലുള്ളത്. 4 ജി എൽടിഇ, വൈ-ഫൈ 802.11ac, ബ്ലൂടൂത്ത് വി 5.1, ജിപിഎസ് / എ-ജിപിഎസ്, യുഎസ്ബി ടൈപ്പ്-സി, 3.5 എംഎം ഹെഡ്‌ഫോൺ ജാക്ക് എന്നിവ കണക്റ്റിവിറ്റി ഓപ്ഷനുകളിൽ വരുന്നു. സൈഡ് മൗണ്ട് ചെയ്ത ഫിംഗർപ്രിന്റ് സെൻസറും സ്മാർട്ട്‌ഫോണിലുണ്ട്. ആക്‌സിലറോമീറ്റർ, ആംബിയന്റ് ലൈറ്റ്, ഗൈറോസ്‌കോപ്പ്, മാഗ്നെറ്റോമീറ്റർ എന്നിവ ഓൺബോർഡിലെ മറ്റ് സെൻസറുകളിൽ ഉൾപ്പെടുന്നു.

4,300 എംഎഎച്ച് ബാറ്ററി വരുന്ന ഹുവാവേ വൈ 9 എ 40W വരെ സൂപ്പർചാർജ് പിന്തുണ നൽകുന്നു. മിഡിൽ ഈസ്റ്റ്, ആഫ്രിക്ക, മിഡിൽ ഏഷ്യയിലെ ചില രാജ്യങ്ങൾ എന്നിവയിൽ 4,200 എംഎഎച്ച് ബാറ്ററി വരുന്ന 22.5W ഫാസ്റ്റ് ചാർജിംഗ് പിന്തുണയ്ക്കുന്ന മോഡലുകളാണ് വരുന്നത്. കൂടാതെ, ഹുവാവേ വൈ 9 എ 163.5x76.5x8.95 മിമി നീളവും 197 ഗ്രാം ഭാരവും വരുന്നു.