ഇനി ഗ്ലോബൽ സ്റ്റാർ! ഹുവാവേയുടെ ഫോൾഡബിൾ സ്മാർട്ട്ഫോൺ മേറ്റ് X7 ലോഞ്ച് ചെയ്തു

പ്രമുഖ സ്മാർട്ട്ഫോൺ ബ്രാൻഡായ ഹുവാവേ തങ്ങളുടെ ഏറ്റവും പുതിയ ഫോൾഡബിൾ സ്മാർട്ട്ഫോണായ ഹുവാവേ മേറ്റ് X7 ​(HUAWEI Mate X7) ആഗോളതലത്തിൽ ലോഞ്ച് ചെയ്തു. കഴിഞ്ഞ മാസം ഈ ഫോൺ ​ചൈനയിൽ ലോഞ്ച് ചെയ്തിരുന്നു. ഇതിന് പിന്നാലെയാണ് ഇപ്പോൾ ആഗോള തലത്തിലും ഈ സ്മാർട്ട്ഫോൺ അ‌വതരിപ്പിച്ചിരിക്കുന്നത്. ഫ്രീക്ലിപ്പ് 2 TWS ഇയർബഡുകൾ, വാച്ച് അൾട്ടിമേറ്റ് ഡിസൈൻ സ്മാർട്ട് വാച്ച്, മേറ്റ്പാഡ് 11.5 S ടാബ്‌ലെറ്റ് എന്നിവയും ഇതോടൊപ്പം ആഗോള തലത്തിൽ ലോഞ്ച് ചെയ്തിട്ടുണ്ട്. സെക്കൻഡ് ജനറേഷൻ റെഡ് മേപ്പിൾ ഇമേജിംഗ് സിസ്റ്റമാണ് ഈ ഫോണിന്റെ ​ഹൈ​ലൈറ്റ്.

പ്രൊപ്രൈറ്ററി "അൾട്രാ-റിലയബിൾ ഫോൾഡബിൾ ആർക്കിടെക്ചർ" ഹുവാവേ ഈ ഫോൾഡബിൾ ഫോണിൽ ഉപയോഗിക്കുന്നു. ക്രിസ്റ്റൽ ആർമർ കുൻലുൻ ഗ്ലാസ് കൊണ്ട് നിർമ്മിച്ച ഒരു ഔട്ടർ ഡിസ്‌പ്ലേ, അഡ്വാൻസ്ഡ് പ്രിസിഷൻ ഹിംഗുകൾ, ത്രീ-ലെയർ കോമ്പോസിറ്റ് സ്ട്രക്ചർ എന്നിവ ഇതിൽ ഉൾപ്പെടുന്നു. 3,550 mm² VC, ഗ്രാഫീൻ ഹീറ്റ് ഡിസ്‌സിപ്പേഷൻ സിസ്റ്റം എന്നിവയും ഇതിലുണ്ട്.

ഹുവാവേ മേറ്റ് X7-ലെ ക്യാമറ സിസ്റ്റത്തിൽ സെക്കൻഡ് ജനറേഷൻ ട്രൂ-ടു-കളർ ക്യാമറയുണ്ട്, ഇത് കളർ കൃത്യതയിൽ 43% മെച്ചപ്പെടുത്തൽ വാഗ്ദാനം ചെയ്യുന്നുവെന്ന് ഹുവാവേ പറയുന്നു. അൾട്രാ ലൈറ്റിംഗ് എച്ച്ഡിആർ ക്യാമറ, അൾട്രാ-വൈഡ് ക്യാമറ, ടെലിഫോട്ടോ മാക്രോ ക്യാമറ എന്നിവയും ഇതിലുണ്ട്. 17.5 EV വരെ അൾട്രാ ലൈറ്റിംഗ് എച്ച്ഡിആർ വീഡിയോ റെക്കോർഡിങ് പിന്തുണയും ഈ ഫോണിനുണ്ട്.

ഹുവാവേ മേറ്റ് X7 ഫീച്ചറുകൾ

8-ഇഞ്ച് (2416 × 2210 പിക്സൽസ്) ഫോൾഡബിൾ ഫ്ലെക്സിബിൾ OLED 120Hz LTPO ഇന്റേണൽ ഡിസ്പ്ലേയാണ് ഇതിലുള്ളത്. 1440Hz ഹൈ-ഫ്രീക്വൻസി PWM ഡിമ്മിംഗ്, 240Hz ടച്ച് സാമ്പിൾ റേറ്റ്, 2500 nits വരെ പീക്ക് ബ്രൈറ്റ്നസ് എന്നിവ സഹിതം ഇത് എത്തുന്നു.

ഇതിൽ 6.49-ഇഞ്ച് (2444 × 1080 പിക്സൽസ്) 3D ക്വാഡ്-കർവ്ഡ് OLED 120Hz LTPO എക്സ്റ്റേണൽ ഡിസ്പ്ലേയും ഉണ്ട്. ഇത് 1440Hz ഹൈ-ഫ്രീക്വൻസി PWM ഡിമ്മിംഗ്, 300Hz ടച്ച് സാമ്പിൾ റേറ്റ്, 3000 nits വരെ പീക്ക് ബ്രൈറ്റ്നസ്, സെക്കൻഡ് ജനറേഷൻ ബസാൾട്ട് ടെമ്പർഡ് കുൻലുൻ ഗ്ലാസ്​ പ്രൊട്ടക്ഷൻ എന്നിവ സഹിതം എത്തുന്നു.

കിരിൻ 9030 പ്രോ പ്രോസസർ ആണ് ഈ ഹുവാവേ ഫോണിലുള്ളത്. 16GB റാം, 512GB സ്റ്റോറേജ് കോൺഫിഗറേഷനിലാണ് ഈ ഫോൾഡബിൾ ഫോൺ ആഗോളതലത്തിൽ എത്തിയിരിക്കുന്നത്. HarmonyOS 6.0-ൽ ആണ് ഈ ഫോണിന്റെ പ്രവർത്തനം. 66W വയർഡ് ഫാസ്റ്റ് ചാർജിംഗ്, 50W വയർലെസ് ഫാസ്റ്റ് ചാർജിംഗ് ഉള്ള 5600mAh ബാറ്ററിയാണ് ഈ മേറ്റ് X7 ഗ്ലോബൽ വേരിയന്റിൽ ഉള്ളത്.

OIS ഉള്ള 50MP ക്യാമറ, 40MP അൾട്രാ വൈഡ് ആംഗിൾ ലെൻസ്, 50MP 3.5x പെരിസ്‌കോപ്പ് ടെലിഫോട്ടോ ലെൻസ്, OIS, 100x വരെ ഡിജിറ്റൽ സൂം, 5cm ടെലിഫോട്ടോ മാക്രോ ഉള്ള 1.5MP മൾട്ടി-സ്പെക്ട്രൽ ചാനൽ റെഡ് മേപ്പിൾ പിമറി കളർ ക്യാമറ എന്നിവ അ‌ടങ്ങുന്ന റിയർ ക്യാമറ സജ്ജീകരണവും 8MP ഇന്റേണൽ, എക്സ്റ്റേണൽ ഫ്രണ്ട് ക്യാമറകളും ഇതിലുണ്ട്.

സൈഡ്-മൗണ്ടഡ് ഫിംഗർപ്രിന്റ് സെൻസർ, IPX8 സ്പ്ലാഷ് റെസിസ്റ്റന്റ് എന്നിവയും ഇതിലുണ്ട്. ഡ്യുവൽ സിം (നാനോ + നാനോ), 5G SA/NSA, ഡ്യുവൽ 4G VoLTE എന്നിവയാണ് മറ്റ് പ്രധാന ഫീച്ചറുകൾ. 156.8x 73.8 (ഫോൾഡഡ്) / 144.2 (ഓപ്പൺ) x 9.5mm (ഫോൾഡഡ്) / 4.5mm (ഓപ്പൺ) വലിപ്പവും 236 ഗ്രാം ഭാരവും മേറ്റ് X7 ന് ഉണ്ട്.

വില

ഹുവാവേ മേറ്റ് X7 ഫോൾഡബിൾ ഫോണിന് 2,099 യൂറോ (ഏകദേശം 2,23,810 രൂപ) ആണ് വില. ഇതോടൊപ്പം ആഗോളതലത്തിൽ ലോഞ്ച് ചെയ്ത ഹുവാവേ ഫ്രീക്ലിപ്പ് 2-200 യൂറോ (ഏകദേശം 21,325 രൂപ), ഹുവാവേ വാച്ച് അൾട്ടിമേറ്റ് ഡിസൈൻ റോയൽ ഗോൾഡ് - 3,300 യൂറോ (ഏകദേശം 3,51,870 രൂപ), മേറ്റ്പാഡ് 11.5 S (2026) 480 യൂറോ (ഏകദേശം 51,175 രൂപ) വിലകളിൽ എത്തുന്നു.