₹25,000 രൂപയുടെ ഗെയിമിംഗ് കിറ്റ് സൗജന്യം! ഇൻഫിനിക്സ് ജിടി 50 പ്രോ വിൽപന ഇന്ന് ഉച്ചയ്ക്ക് 12 മുതൽ

ഗെയിമിംഗിന് പ്രാധാന്യം നൽകി തയ്യാറാക്കിയ ഇൻഫിനിക്സ് ജിടി 50 പ്രോയുടെ (Infinix GT 50 Pro) വിൽപന ഇന്ത്യയിൽ ഇന്ന് ആരംഭിക്കുന്നു. ഒക്ടോബർ 30 ഉച്ചയ്ക്ക് 12 മണി മുതലാണ് വിൽപന തുടങ്ങുന്നത്. 12GB/256GB വേരിയന്റിന് ₹69,999 രൂപയാണ് വില. ഫ്ലിപ്കാർട്ട്, ഇൻഫിനിക്സ് ഓൺലൈൻ സ്റ്റോർ എന്നിവ വഴി ഫോൺ സ്വന്തമാക്കാം. ആദ്യഘട്ടത്തിൽ വാങ്ങുന്നവർക്ക് ₹24,999 രൂപ വിലമതിക്കുന്ന 'ജിടി ഇക്കോസിസ്റ്റം ബണ്ടിൽ' സൗജന്യമായി ലഭിക്കും. 144Hz 1.5K അമോലെഡ് ഡിസ്‌പ്ലേ, ഹൈഡ്രോഫ്ലോ കൂളിംഗ് സിസ്റ്റം, ഗെയിമിംഗിനായുള്ള ഷെൽഡർ ട്രിഗറുകൾ എന്നിവയാണ് ഈ ഫോണിന്റെ പ്രധാന ആകർഷണങ്ങൾ.

ലോഞ്ച് ഓഫറുകളുടെ ഭാഗമായി ₹5,000 ഇൻസ്റ്റന്റ് ബാങ്ക് ഡിസ്കൗണ്ടും 6,999 വരെയുള്ള റിവാർഡ് പോയിന്റുകളും സ്വന്തമാക്കാം. 18 മാസം വരെയുള്ള നോ-കോസ്റ്റ് ഇഎംഐ സൗകര്യം പ്രതിമാസം ₹3,611 രൂപ നിരക്കിൽ ലഭ്യമാണ്. കൂടാതെ വെറും ₹1 രൂപയ്ക്ക് ജിയോഗെയിംസ് പ്രോ പാസും (JioGames Pro Pass) ലഭിക്കും. സൗജന്യമായി ലഭിക്കുന്ന ബണ്ടിലിൽ ജിടി എൻഎക്സ് സ്റ്റേഷൻ, ജിടി എൻഎക്സ് കൺട്രോളർ, കൂളിംഗ് ഫാൻ-ചാർജർ, മാഗ്‌സേഫ് സ്റ്റൈൽ കവർ എന്നിവ ഉൾപ്പെടുന്നു.

ഇൻഫിനിക്സ് ജിടി 50 പ്രോ: സവിശേഷതകളും ഗെയിമിംഗ് ഫീച്ചറുകളും

ഹൈഡ്രോഫ്ലോ ലിക്വിഡ് കൂളിംഗ് സാങ്കേതികവിദ്യയുള്ള മീഡിയടെക് ഡിമൻസിറ്റി 8400 അൾട്ടിമേറ്റ് പ്രൊസസറാണ് ഫോണിന് കരുത്ത് പകരുന്നത്. 144Hz റിഫ്രഷ് റേറ്റും 2,800Hz ഇൻസ്റ്റന്റ് ടച്ച് സാമ്പ്ലിംഗ് റേറ്റുമുള്ള 6.78 ഇഞ്ച് 1.5K അമോലെഡ് ഡിസ്‌പ്ലേയാണ് ഇതിലുള്ളത്. ഡിസ്‌പ്ലേയുടെ സംരക്ഷണത്തിനായി ഗോറില്ല ഗ്ലാസ് 7i നൽകിയിട്ടുണ്ട്. കൂടാതെ IP64 പ്രൊട്ടക്ഷൻ, വൈഫൈ 6, ബ്ലൂടൂത്ത് 5.4, എൻഎഫ്‌സി (NFC), കൺസോൾ ഗെയിമിംഗ് അനുഭവം നൽകുന്ന പ്രഷർ സെൻസിറ്റീവ് ഷോൾഡർ ട്രിഗറുകൾ എന്നിവയും ഇതിന്റെ പ്രത്യേകതകളാണ്.

ഇൻഫിനിക്സ് ജിടി 50 പ്രോ: വിലയും ലഭ്യതയും അപ്‌ഡേറ്റുകളും

45W വയർഡ്, 30W വയർലെസ്, റിവേഴ്സ് ചാർജിംഗ് സപ്പോർട്ടുള്ള 6,500mAh ബാറ്ററിയാണ് ഫോണിൽ നൽകിയിരിക്കുന്നത്. XOS 16 അധിഷ്ഠിത ആൻഡ്രോയിഡ് 16-ലാണ് ഫോണിന്റെ പ്രവർത്തനം. മൂന്ന് വർഷത്തെ ആൻഡ്രോയിഡ് അപ്‌ഡേറ്റുകളും അഞ്ച് വർഷത്തെ സെക്യൂരിറ്റി പാച്ചുകളും ഇൻഫിനിക്സ് വാഗ്ദാനം ചെയ്യുന്നുണ്ട്. ബ്ലാക്ക് അബിസ് (Black Abyss), റെഡ് ബ്ലേസ് (Red Blaze) എന്നീ ആകർഷകമായ കളറുകളിലാണ് ഇന്ത്യയിൽ ഫോൺ അവതരിപ്പിച്ചിരിക്കുന്നത്. ഇൻ-ഡിസ്‌പ്ലേ ഫിംഗർപ്രിന്റ് സെൻസറും ഇൻഫ്രാറെഡ് ബ്ലാസ്റ്ററും (IR Blaster) ഫോണിലുണ്ട്.

ഫോണിനൊപ്പം ലഭിക്കുന്ന ഗെയിമിംഗ് അക്‌സസറികൾ കൃത്യമായി ഉപയോഗിക്കുന്നവർക്ക് ഈ വില തീർത്തും ലാഭകരമാണ്. ഒരു ഗെയിമിംഗ് കൺട്രോളർ, ഡോക്ക്, കൂളർ എന്നിവ പ്രത്യേകമായി വാങ്ങാൻ ഉദ്ദേശിച്ചിരുന്നവർക്ക് അക്‌സസറികൾക്കായി മാറ്റിവെച്ച തുക ലാഭിക്കാൻ ഈ ഓഫർ സഹായിക്കും. ഫോൺ മാത്രം വേറെ വാങ്ങാനുള്ള ഓപ്ഷൻ നിലവിൽ ലഭ്യമായിട്ടില്ല. അതുകൊണ്ട് ഉച്ചയ്ക്ക് 12 മണിക്ക് ഓർഡർ ചെയ്യുന്നതിന് മുൻപ് ബാങ്ക് കാർഡ് ഓഫറുകളും ഡെലിവറി സമയവും പരിശോധിക്കാൻ മറക്കരുത്.