ഹെലിയോ ജി 70 പ്രോസസറുമായി ഇൻഫിനിക്സ് ഹോട്ട് 10 അവതരിപ്പിച്ചു: വില, സവിശേഷതകൾ

ഇൻഫിനിക്സ് ഹോട്ട് 10 വില, ലഭ്യത

4 ജിബി + 64 ജിബി വേരിയന്റിന് ഇൻഫിനിക്സ് ഹോട്ട് 10ന് പികെആർ 20,999 (ഏകദേശം 9,300 രൂപ) ആണ് വില വരുന്നത്. 4 ജിബി + 128 ജിബി വേരിയന്റിന് പി‌കെ‌ആർ 23,999 (ഏകദേശം 10,600 രൂപ) വിലയും വരുന്നു. ടോപ്പ് 6 ജിബി + 128 ജിബി വേരിയന്റിന് പി‌കെ‌ആർ 25,999 (ഏകദേശം 11,500 രൂപ) വിലയുണ്ട്. ഒബ്സിഡിയൻ ബ്ലാക്ക്, മൂൺലൈറ്റ് ജേഡ് എന്നിവയുൾപ്പെടെ നാല് കളർ ഓപ്ഷനുകളിലാണ് സ്മാർട്ഫോൺ വരുന്നത്. ഇത് നിലവിൽ രാജ്യത്ത് പ്രീ-ഓർഡറുകൾക്ക് കിഴിവുകളോടുകൂടിയ നിരക്കിൽ ലഭ്യമാണ്. സെപ്റ്റംബർ 28 മുതൽ ഇൻഫിനിക്സ് ഹോട്ട് 10 വിൽപ്പനയ്‌ക്കെത്തും. പാക്കിസ്ഥാന് പുറത്തുള്ള വിപണികളിലേക്ക് ഈ സ്മാർഫോൺ എപ്പോൾ വരുമെന്ന കാര്യം ഇപ്പോൾ വ്യക്തമല്ല.

ഇൻഫിനിക്സ് ഹോട്ട് 10 സവിശേഷതകൾ

ഡ്യുവൽ നാനോ സിം വരുന്ന ൻഫിനിക്സ് ഹോട്ട് 10 ആൻഡ്രോയിഡ് 10 ഇഎക്സ്ഒഎസ് 7.0 ഓപ്പറേറ്റിംഗ് സിസ്റ്റത്തിൽ പ്രവർത്തിക്കുന്നു. 6.78 ഇഞ്ച് എച്ച്ഡി + (720x1,640 പിക്‌സൽ) ഐപിഎസ് ഡിസ്‌പ്ലേ, സെൽഫി ക്യാമറയ്‌ക്കായി ഒരു പഞ്ച്ഹോൾ കട്ട്ഔട്ട് എന്നിവ ഈ ഡിവൈസിൽ വരുന്നു. 6 ജിബി വരെ റാമുള്ള മീഡിയടെക് ഹെലിയോ ജി 70 പ്രോസസറാണ് ഇതിൽ പ്രവർത്തിക്കുന്നത്.

ഇൻഫിനിക്സ് ഹോട്ട് 10 ക്യാമറ

16 മെഗാപിക്സൽ പ്രൈമറി സെൻസർ, രണ്ട് 2 മെഗാപിക്സൽ സെൻസറുകൾ, എഎൽ ലെൻസ് എന്നിവ ഉൾപ്പെടുന്ന ക്വാഡ് റിയർ ക്യാമറ സെറ്റപ്പാണ് ഇൻഫിനിക്സ് ഹോട്ട് 10ൽ വരുന്നത്. ഈ ഫോണിന് ക്വാഡ് റിയർ ഫ്ലാഷ് വരുന്നു. സ്‌ക്രീനിന്റെ മുകളിൽ ഇടത് കോണിൽ സ്ഥിതിചെയ്യുന്ന പഞ്ച്-ഹോൾ കട്ട്ഔട്ടിൽ സ്ഥാപിച്ചിരിക്കുന്ന സെൽഫി ഷൂട്ടർ 8 മെഗാപിക്സൽ സെൻസറിലാണ് വരുന്നത്.

128 ജിബി വരെ സ്റ്റോറേജ് കപ്പാസിറ്റിയുമായി ഇൻഫിനിക്സ് ഹോട്ട് 10 വരുന്നു. ഇത് മൈക്രോ എസ്ഡി കാർഡ് വഴി ഒരു സ്ലോട്ടിലൂടെ വികസിപ്പിക്കാനാകും. ഫോണിലെ കണക്റ്റിവിറ്റി ഓപ്ഷനുകളിൽ വൈ-ഫൈ, 4 ജി, ജിപിഎസ്, ബ്ലൂടൂത്ത്, 3.5 എംഎം ഹെഡ്‌ഫോൺ ജാക്ക്, ചാർജിംഗിനായി മൈക്രോ-യുഎസ്ബി പോർട്ട് എന്നിവ ഉൾപ്പെടുന്നു. ഓൺ‌ബോർഡിലെ സെൻസറുകളിൽ ആംബിയന്റ് ലൈറ്റ് സെൻസർ, പിന്നിൽ ഫിംഗർപ്രിന്റ് സ്‌കാനർ, ഗൈറോസ്‌കോപ്പ്, ഗ്രാവിറ്റി സെൻസർ, പ്രോക്‌സിമിറ്റി സെൻസർ എന്നിവ വരുന്നു. 5,200mAh ബാറ്ററി സപ്പോർട്ടുള്ള ഇൻഫിനിക്സ് ഹോട്ട് 10 ബോക്സിൽ 10W ചാർജറുമായി വരുന്നു. ഈ സ്മാർട്ഫോണിന് 171.1x77.6x8.88 മിമി നീളം വരുന്നു.