സ്ലിം ബ്യൂട്ടി സ്മാർട്ട്ഫോൺ വേണോ! ഇൻഫിനിക്സ് നോട്ട് 50s 5G+ പ്രത്യേക ഡിസ്കൗണ്ടുമായി വിൽപ്പന തുടങ്ങി

ഇൻഫിനിക്സ് കഴിഞ്ഞ ആഴ്ച ഇന്ത്യയിൽ അ‌വതരിപ്പിച്ച നോട്ട് 50s 5G+ (Infinix NOTE 50s 5G+ ) ന്റെ വിൽപ്പന ഇന്ന് മുതൽ ആരംഭിച്ചു. ഫ്ലിപ്പ്കാർട്ട് വഴിയാണ് ഈ സ്മാർട്ട്ഫോൺ ലഭ്യമാകുക. 20000 രൂപയിൽ താഴെ വിലയുള്ള സ്മാർട്ട്ഫോണുകളുടെ സെഗ്മെന്റിൽ ആണ് ലോഞ്ച് ചെയ്തിരിക്കുന്നത് എങ്കിലും ഈ നോട്ട് 50s 5G+ ന്റെ അ‌ടിസ്ഥാന മോഡൽ തുടക്കത്തിൽ 15000 രൂപയിൽ താഴെ വിലയിൽ വാങ്ങാനാകും. കാരണം വിൽപ്പന ആരംഭിക്കുന്നതിനോട് അ‌നുബന്ധിച്ച് പ്രത്യേക ഡിസ്കൗണ്ട് ഇൻഫിനിക്സ് ഈ സ്മാർട്ട്ഫോണിന് ലഭ്യമാക്കിയിട്ടുണ്ട്.

ഇൻഫിനിക്സ് നോട്ട് 50s 5G+ ന്റെ 8GB + 128GB അ‌ടിസ്ഥാന വേരിയന്റിന് യഥാർഥത്തിൽ 15,999 രൂപയാണ് വില. അ‌തേപോലെ, 8GB + 256GB മോഡലിന് 17,999 രൂപ വില നിശ്ചയിച്ചിരിക്കുന്നു. എന്നാൽ ലോഞ്ച് ഓഫറിന്റെ ഭാഗമായി ആദ്യ ദിവസം 1000 രൂപ ഡിസ്കൗണ്ട് ലഭ്യമാണ്. അ‌തിനാൽ അ‌ടിസ്ഥാന മോഡൽ 14999 രൂപ വിലയിൽ വാങ്ങാനാകും.

ഇന്ത്യയിലെ ഏറ്റവും സ്ലിം ആയിട്ടുള്ള സ്മാർട്ട്‌ഫോണുകളിൽ ഒന്നാണ് ഇതെന്നും 6.78 ഇഞ്ച് 144Hz 3D കർവ്ഡ് AMOLED ഡിസ്‌പ്ലേ സഹിതമാണ് ഈ ഫോൺ എത്തുന്നത് എന്നും ഇൻഫിനിക്സ് പറയുന്നു. താങ്ങാനാകുന്ന വിലയിൽ എത്തുന്ന ഈ 5ജി ഫോണിൽ 45W ഓൾ-റൗണ്ട് ഫാസ്റ്റ്ചാർജ് 3.0 പിന്തുണയ്ക്കുന്ന 5500mAh ബാറ്ററി അ‌ടക്കമുള്ള ഫീച്ചറുകൾ ഉണ്ട്.

ഇൻഫിനിക്സ് നോട്ട് 50s 5G+ യുടെ പ്രധാന ഫീച്ചറുകൾ: 144Hz റിഫ്രഷ് റേറ്റുള്ള 6.78 ഇഞ്ച് (2436×1080 പിക്സലുകൾ) FHD+ 3D കർവ്ഡ് AMOLED സ്ക്രീൻ ആണ് ഇതിലുള്ളത്. 1300 nits വരെ പീക്ക് ബ്രൈറ്റ്നസ്, 2304Hz PWM ഡിമ്മിംഗ്, കോർണിംഗ് ഗൊറില്ല ഗ്ലാസ് 5 സംരക്ഷണം എന്നിവയാണ് ഡിസ്പ്ലേയു​മായി ബന്ധപ്പെട്ടുവരുന്ന പ്രധാന ഫീച്ചറുകൾ.

2.5GHz ഒക്ട കോർ മീഡിയടെക് ഡൈമെൻസിറ്റി 7300 അൾട്ടിമേറ്റ് 4nm പ്രൊസസർ ആണ് ഇൻഫിനിക്സ് നോട്ട് 50s 5G+ ന്റെ കരുത്ത്. ഇതോടൊപ്പം മാലി-G615 MC2 ജിപിയു, 8GB LPDDR5X റാം, 128GB / 256GB സ്റ്റോറേജ് എന്നിവയും ഉണ്ട്. ആൻഡ്രോയിഡ് 15 അ‌ടിസ്ഥാനമാക്കിയുള്ള XOS 15-ൽ ആണ് പ്രവർത്തനം (2 വർഷത്തെ OS അപ്‌ഡേറ്റുകളും 3 വർഷത്തെ സുരക്ഷാ അപ്‌ഡേറ്റുകളും ലഭിക്കും).

സോണി IMX682 സെൻസറുള്ള 64MP മെയിൻ ക്യാമറ, 2MP സെക്കൻഡറി ക്യാമറ, LED ഫ്ലാഷ്, 4K വീഡിയോ റെക്കോർഡിംഗ് എന്നിവ അ‌ടങ്ങുന്ന ഡ്യുവൽ റിയർ ക്യാമറ സജ്ജീകരണമാണ് ഇൻഫിനിക്സ് നോട്ട് 50s 5G+ ൽ സജ്ജീകരിച്ചിരിക്കുന്നത്. സെൽഫിക്കും മറ്റുമായി ഫ്രണ്ടിൽ f/2.2 അപ്പേർച്ചറുള്ള 13MP ക്യാമറയും ഉണ്ട്.

ഡ്യുവൽ സിം (നാനോ + നാനോ), 5G SA/NSA (n1/n3/n5/n8/n28B/n38/n40/n41/n77/n78 ബാൻഡുകൾ), ഡ്യുവൽ 4G VoLTE, USB ടൈപ്പ്-C, ഇൻ-ഡിസ്പ്ലേ ഫിംഗർപ്രിന്റ് സെൻസർ, IR സെൻസർ, JBL, DTS ഓഡിയോ, ഡ്യുവൽ എന്നിവ ഉപയോഗിച്ച് സൗണ്ട് ഉള്ള സ്റ്റീരിയോ സ്പീക്കറുകൾ മൈക്രോഫോണുകൾ, IP54 റേറ്റിങ് എന്നിവയും ഇതിലുണ്ട്.

45W ഫാസ്റ്റ് ചാർജിംഗുള്ള 5500mAh ബാറ്ററിയാണ് ഇൻഫിനിക്സ് നോട്ട് 50s 5G+ ൽ നൽകിയിരിക്കുന്നത്. മറൈൻ ഡ്രിഫ്റ്റ് ബ്ലൂ, ടൈറ്റാനിയം ഗ്രേ, റൂബി റെഡ് നിറങ്ങളിൽ ഈ സ്മാർട്ട്ഫോൺ വാങ്ങാനാകും. 164.33×74.53×7.6mm (ചുവപ്പും ചാരനിറവും) / 7.65mm (നീല) വലിപ്പവും 180 ഗ്രാം ഭാരവും ഈ ഫോണിന് ഉണ്ട്.