ഇൻഫിനിക്സ് നോട്ട് 7 സെപ്റ്റംബർ 16 ന് ഇന്ത്യയിൽ അവതരിപ്പിക്കും: പ്രതീക്ഷിക്കുന്ന വില, സവിശേഷതകൾ

യൂട്യൂബിൽ വന്ന ഒരു വീഡിയോയിലൂടെ ഇൻഫിനിക്സ് നോട്ട് 7 ലോഞ്ച് തീയതി പ്രഖ്യാപിച്ചു. ഇൻഫിനിക്സ് നോട്ട് 7, നോട്ട് 7 ലൈറ്റ് എന്നിവ ആദ്യം ഏപ്രിലിൽ അവതരിപ്പിച്ചതിനാൽ നോട്ട് 7 ലൈറ്റ് സെപ്റ്റംബർ 16 ന് അവതരിപ്പിക്കുവാൻ സാധ്യതയുണ്ട്, എന്നാൽ, ഇൻഫിനിക്സ് ഇതുവരെ ഈ കാര്യത്തെ കുറിച്ച് കൂടുതൽ വിവരങ്ങൾ പങ്കുവെച്ചിട്ടില്ല. ഈ മാസം അവസാനം സ്മാർട്ട്ഫോൺ ഔദ്യോഗികമാകുമ്പോൾ ഇൻഫിനിക്സ് നോട്ട് 7 ന്റെ വിലയും ലഭ്യതയും മറ്റ് വിശദാംശങ്ങളും അറിയുവാൻ സാധിക്കും.

ഇൻഫിനിക്സ് നോട്ട് 7 സവിശേഷതകൾ

ഡ്യുവൽ സിം (നാനോ) ഇൻഫിനിക്സ് നോട്ട് 7 ആൻഡ്രോയിഡ് 10 എക്‌സ് ഓപ്പറേറ്റിംഗ് സിസ്റ്റം 6.0ൽ പ്രവർത്തിക്കുന്നു. 6.95 ഇഞ്ച് എച്ച്ഡി + (720x1,640 പിക്‌സൽ) ഐപിഎസ് ഡിസ്‌പ്ലേയും 20.5: 9 ആസ്പെക്റ്റ് റേഷിയോയുമാണ് ഇൻഫിനിക്‌സ് നോട്ട് 7ൽ വരുന്നത്. 6 ജിബി റാമിനൊപ്പം ഒക്ടാ കോർ മീഡിയടെക് ഹെലിയോ ജി 70 SoC പ്രോസസറാണ് ഈ സ്മാർട്ഫോണിന് മികച്ച രീതിയിൽ പ്രവർത്തനക്ഷമത നൽകുന്നത്. മൈക്രോ എസ്ഡി കാർഡ് വഴി 2 ടിബി വരെ എക്സ്പെൻഡിബിൾ മെമ്മറിയും 128 ജിബി ഓൺബോർഡ് സ്റ്റോറേജുമുണ്ട് ഈ ഹാൻഡ്‌സെറ്റിൽ.

ഇൻഫിനിക്സ് നോട്ട് 7 വില

നൈജീരിയയിൽ ഈ ഹാൻഡ്‌സെറ്റിന്റെ വില എൻ‌ജി‌എൻ 89,500 ആണ് (ഏകദേശം 18,000 രൂപ). ഇന്ത്യയിൽ ഈ സ്മാർട്ഫോണിൻറെ വില 20,000 രൂപയിൽ താഴെയാകുമെന്ന് പ്രതീക്ഷിക്കാം. ഈ ഹാൻഡ്‌സെറ്റിന് ബ്ലാക്ക്, ഗ്രീൻ, ബ്ലൂ തുടങ്ങിയ കളർ ഓപ്ഷനുകളിൽ വരുന്നു. ഏപ്രിലിൽ നോട്ട് 7 ലൈറ്റിനൊപ്പം ഇൻഫിനിക്സ് നോട്ട് 7 അവതരിപ്പിച്ചു. മുൻപ് പറഞ്ഞതുപോലെ, ഒരു ടീസർ വീഡിയോയിലൂടെ ഇൻഫിനിക്സ് നോട്ട് 7 ഇന്ത്യ പുറത്തിറക്കിയതായി കമ്പനി സ്ഥിരീകരിക്കുകയും ചെയ്യ്തു.

സെപ്റ്റംബർ 16 ന് ഇന്ത്യയിൽ ഇൻഫിനിക്സ് നോട്ട് 7 പുറത്തിറക്കുമെന്ന് വീഡിയോ ടീസർ വഴി കമ്പനി അറിയിച്ചു. ഈ സ്മാർട്ട്‌ഫോൺ യഥാർത്ഥത്തിൽ ഏപ്രിലിൽ വീണ്ടും പുറത്തിറക്കിയതിനുശേഷം ഇപ്പോൾ രാജ്യത്ത് ലോഞ്ച് ചെയ്യുവാൻ പോകുകയാണ്. ഫ്ലിപ്പ്കാർട്ട് വഴിയാണ് ഈ സ്മാർട്ട്ഫോൺ വിൽപ്പനയ്‌ക്കെത്തുന്നതെന്ന് വീഡിയോയിലൂടെ ഇൻഫിനിക്‌സ് വെളിപ്പെടുത്തി കഴിഞ്ഞു. ഇൻഫിനിക്സ് നോട്ട് 7ൻറെ പുറകളിലായി വൃത്താകൃതിയിലുള്ള ക്യാമറ മൊഡ്യൂൾ, ഹോൾ-പഞ്ച് ഡിസ്പ്ലേ, 5,000 എംഎഎച്ച് ബാറ്ററി തുടങ്ങിയ സവിശേഷതകൾ വരുന്നു.

4 ജി എൽടിഇ, വൈ-ഫൈ 802.11ac, ബ്ലൂടൂത്ത്, ജിപിഎസ് / എ-ജിപിഎസ്, മൈക്രോ-യുഎസ്ബി, 3.5 എംഎം ഹെഡ്‌ഫോൺ ജാക്ക് എന്നിവ ഫോണിന്റെ കണക്റ്റിവിറ്റി ഓപ്ഷനുകളിൽ ഉൾപ്പെടുന്നു. സൈഡ് മൗണ്ട് ചെയ്ത ഫിംഗർപ്രിന്റ് സെൻസർ മൊഡ്യൂളും ഇൻഫിനിറ്റ് നോട്ട് 7ൽ ഉണ്ട്. കൂടാതെ, ആക്‌സിലറോമീറ്റർ, ആംബിയന്റ് ലൈറ്റ്, മാഗ്നെറ്റോമീറ്റർ, പ്രോക്‌സിമിറ്റി സെൻസർ തുടങ്ങിയ ഒരു കൂട്ടം സെൻസറുകളും വരുന്നു. 5,000 എംഎഎച്ച് ബാറ്ററി കപ്പാസിറ്റിൽ വരുന്ന ഈ സ്മാർട്ഫോണിന് 18W ഫാസ്റ്റ് ചാർജിംഗ് എന്ന പ്രത്യകതയും ലഭിക്കുന്നു.