6799 രൂപ വിലയിൽ ഇന്ത്യയിൽ പുതിയ സ്മാർട്ട്ഫോൺ അ‌വതരിപ്പിച്ച് ഇൻഫിനിക്സ്; വാങ്ങൽ ഈസി

ഒരു സാധാരണ ഫീച്ചർ ഫോൺ വാങ്ങുന്ന ലാഘവത്തോടെ ഒരു സ്മാർട്ട്ഫോൺ സ്വന്തമാക്കാൻ ഇന്ത്യൻ സ്മാർട്ട്ഫോൺ ആരാധകർക്ക് അ‌വസരം ഒരുക്കിക്കൊണ്ട് പ്രമുഖ ബ്രാൻഡായ ഇൻഫിനിക്സ് ചീപ് റേറ്റിൽ ഒരു പുതിയ ഫോൺ ഇന്ത്യയിൽ ലോഞ്ച് ചെയ്തിരിക്കുന്നു. കഴിഞ്ഞ വർഷത്തെ സ്മാർട്ട് 9 HD യുടെ പിൻഗാമിയായി, ഇൻഫിനിക്സ് സ്മാർട്ട് 10 (Infinix Smart 10 ) എന്ന ഫോണാണ് അ‌വതരിപ്പിച്ചിരിക്കുന്നത്. ഫീച്ചറുകളെക്കാൾ ഉപരി, വെറും 6,799 രൂപ വിലയിൽ വാങ്ങാം എന്നതാണ് ഈ ഫോണിന്റെ ഏറ്റവും വലിയ പ്രത്യേകത.

മൊബൈൽ സിഗ്നൽ ലഭ്യമല്ലാത്തപ്പോൾ പോലും നിർണായക ആശയവിനിമയ സാധ്യമാക്കാൻ സഹായിക്കുന്ന നോ നെറ്റ്വർക്ക് കമ്യൂണിക്കേഷൻ ( No Network Communication) ഫീച്ചർ സഹിതമാണ് ഈ ബജറ്റ് സ്മാർട്ട്ഫോൺ എത്തിയിരിക്കുന്നത് എന്നത് ​ശ്രദ്ധേയമാണ്. 4 വർഷം വരെ ലാഗ് ഫ്രീ പെർഫോമൻസ് ഈ ഫോൺ വാഗ്ദാനം ചെയ്യുന്നു.

ഇൻഫിനിക്സ് സ്മാർട്ട് 10 ന്റെ പ്രധാന ഫീച്ചറുകൾ: 120Hz റിഫ്രഷ് റേറ്റ് ഉള്ള 6.67 ഇഞ്ച് (1600 x 720 പിക്സലുകൾ) HD+ ഡിസ്പ്ലേ, 20:9 സ്ക്രീൻ ആസ്പക്ട് റേഷ്യോ, 700 nits വരെ പീക്ക് ബ്രൈറ്റ്നസ് എന്നിവ ഇതിൽ ഉണ്ട്.

1.8 GHz ഒക്ട കോർ UNISOC T7250 12nm പ്രൊസസർ ആണ് ഈ ഫോണിന്റെ കരുത്ത്. Mali-G57 MP1 ജിപിയു, 4GB LPDDR4X റാം, 64GB eMMC 5.1 സ്റ്റോറേജ്, മൈക്രോ എസ്ഡി ഉപയോഗിച്ച് സ്റ്റോറേജ് വർധിപ്പിക്കാനുള്ള സൗകര്യം എന്നിവ ഇതിലുണ്ട്.

8 മെഗാപിക്സൽ മെയിൻ ക്യാമറ (f/2.0 അപ്പർച്ചർ), നയിക്കുന്ന റിയർ ക്യാമറ സജ്ജീകരണം, ഡ്യുവൽ എൽഇഡി ഫ്ലാഷ്, സെൽഫിക്കും വീഡിയോ കോളുകൾക്കുമായി 8MP ഫ്രണ്ട് ഫേസിംഗ് ക്യാമറ ( f/2.0 അപ്പർച്ചർ), LED ഫ്ലാഷ് എന്നിവയും ഇൻഫിനിക്സ് സ്മാർട്ട് 10-ൽ ഉണ്ട്.

ആൻഡ്രോയിഡ് 15 അടിസ്ഥാനമാക്കിയുള്ള XOS 15.1ൽ ആണ് ഈ ബജറ്റ് സ്മാർട്ട്ഫോണിന്റെ പ്രവർത്തനം. സൈഡ്-മൗണ്ടഡ് ഫിംഗർപ്രിന്റ് സെൻസർ, ഇൻഫ്രാറെഡ് സെൻസർ, 3.5 എംഎം ഓഡിയോ ജാക്ക്, സ്റ്റീരിയോ സ്പീക്കറുകൾ, ഡിടിഎസ്, എഫ്എം റേഡിയോ, ഡ്യുവൽ സിം (നാനോ + നാനോ + മൈക്രോ എസ്ഡി) എന്നീ ഫീച്ചറുകളും ഇതിലുണ്ട്.

പൊടിയും സ്പ്ലാഷും പ്രതിരോധിക്കുന്നതിനായി IP64 റേറ്റിങ് ഇതിലുണ്ട്. ഡ്യുവൽ 4G VoLTE, Wi-Fi 802.11 b/g/n (2.4GHz), ബ്ലൂടൂത്ത് 5.2, GPS, USB ടൈപ്പ്-സി, 15W ചാർജിംഗുള്ള 5000mAh ബാറ്ററി എന്നിവയാണ് മറ്റ് പ്രധാന ഫീച്ചറുകൾ. 165.62 x 77.01 x 8.25mm വലിപ്പവും 187 ഗ്രാം ഭാരവും ഈ ഫോണിനുണ്ട്.

ഇത് ഒരു 4ജി സ്മാർട്ട്ഫോൺ ആണ് എന്ന് ഈ ഫീച്ചറുകളും തുടക്കത്തിൽ പറഞ്ഞ വിലയും കണ്ടപ്പോൾ തന്നെ മനസിലായിക്കാണും. 5ജി ഫോണുകൾ 10000 രൂപയിൽ താഴെ വിലയിൽ ധാരാളമായി ലഭ്യമായിക്കൊണ്ടിരിക്കുന്ന ഒരു ഘട്ടത്തിലാണ് ഇൻഫിനിക്സ് ഈ 4ജി ഫോൺ അ‌വതരിപ്പിച്ചിരിക്കുന്നത് എന്നത് ശ്രദ്ധേയമാണ്. എന്തായാലും വില കണ്ട് വാങ്ങാൻ ഉദ്ദേശിക്കുന്നവർ ഇത് ഒരു 4ജി ഫോൺ ആണെന്ന് മനസിലാക്കി വേണം വാങ്ങാൻ.

ഇൻഫിനിക്സ് സ്മാർട്ട് 10ന്റെ 4GB + 64GB അ‌ടിസ്ഥാന വേരിയന്റിന് 6,799 രൂപയാണ് വില. സ്ലീക്ക് ബ്ലാക്ക്, ടൈറ്റാനിയം സിൽവർ, ഐറിസ് ബ്ലൂ, ട്വിലൈറ്റ് ഗോൾഡ് എന്നീ നിറങ്ങളിൽ ഇത് വാങ്ങാൻ ലഭ്യമാണ്. ഓഗസ്റ്റ് 2 മുതൽ ഫ്ലിപ്കാർട്ട് വഴി വിൽപ്പന ആരംഭിക്കും.