ഇൻഫിനിക്സ് സ്മാർട്ട് എച്ച്ഡി 2021 ബജറ്റ് ഫോൺ ഡിസംബർ 16 ന് അവതരിപ്പിക്കും: വില, സവിശേഷതകൾ

ഇൻഫിനിക്‌സ് സ്മാർട്ട് എച്ച്ഡി 2021: ഇന്ത്യയിൽ വില

ഫ്ലിപ്കാർട്ട് പേജിൽ നിന്നുമുള്ള വിവരങ്ങൾ അനുസരിച്ച്, ഡിസംബർ 16 ന് രാജ്യത്ത് അവതരിപ്പിക്കുന്ന സിംഗിൾ 2 ജിബി + 32 ജിബി ഇൻഫിനിക്സ് സ്മാർട്ട് എച്ച്ഡി 2021 മോഡലിന് 5,999 രൂപയാണ് വിലവരുന്നത്. ഈ ഹാൻഡ്‌സെറ്റ് ബ്ലാക്ക്, ബ്ലൂ, ടർക്കോയ്സ് കളർ ഓപ്ഷനുകളിൽ വിപണിയിൽ വരുന്നു. എന്നാൽ, ഈ ബജറ്റ് സ്മാർട്ഫോൺ വിൽപ്പനയ്ക്കായി വരുന്ന തീയതി ഇതുവരെ വ്യക്തമല്ല.

ഇൻഫിനിക്‌സ് സ്മാർട്ട് എച്ച്ഡി 2021: സവിശേഷതകൾ

ഇൻഫിനിക്‌സ് സ്മാർട്ട് എച്ച്ഡി 2021 ഹാൻഡ്സെറ്റിൻറെ ചില സവിശേഷതകൾ ഫ്ലിപ്കാർട്ടിൽ പട്ടികപ്പെടുത്തിയിട്ടുണ്ട്. 6.1 ഇഞ്ച് എച്ച്ഡി + ഡിസ്‌പ്ലേയാണ് ഈ ഹാൻഡ്‌സെറ്റിന് വരുന്നത്. 2 ജിബി റാമും 32 ജിബി സ്റ്റോറേജുമായാണ് ഇത് വിപണിയിൽ വരുന്നത്. പിന്നിൽ, ഫിംഗർപ്രിന്റ് സ്കാനറും ഡ്യുവൽ റിയർ ക്യാമറകളും ഒരു ഫ്ലാഷ് മൊഡ്യൂളുമുണ്ട്. ഇൻഫിനിക്സ് സ്മാർട്ട് എച്ച്ഡി 2021 5,000 എംഎഎച്ച് ബാറ്ററിയുടെ സപ്പോർട്ടും ലഭിക്കുന്നു.

ഇൻഫിനിക്‌സ് സ്മാർട്ട് എച്ച്ഡി 2021 മൊബൈൽ ആൻഡ്രോയിഡ് 10 (ഗോ പതിപ്പ്) പ്രവർത്തിപ്പിക്കുമെന്നും 720x1,560 പിക്‌സൽ റെസല്യൂഷൻ ഡിസ്‌പ്ലേയോടെ 500 നിറ്റ് പീക്ക് ബറൈറ്നെസ്സ് വരുന്നതാണെന്നും 91 മൊബൈൽസ് റിപ്പോർട്ടിൽ പറയുന്നു. ഇൻഫിനിക്‌സ് സ്മാർട്ട് എച്ച്ഡി 2021ൽ 8 മെഗാപിക്സൽ സെൽഫി ഷൂട്ടറും പിന്നിൽ 8 മെഗാപിക്സൽ സെൻസറും ഉണ്ടെന്ന് പറയപ്പെടുന്നു. മൈക്രോ എസ്ഡി കാർഡ് സ്ലോട്ട് വഴി 256 ജിബി വരെ സ്റ്റോറേജ് എക്സ്പാൻഡ് ചെയ്യുവാൻ സാധിക്കും. ഇത് സ്റ്റാൻഡേർഡ് 5W ചാർജിംഗിനെ സപ്പോർട്ട് ചെയ്‌തേക്കും. ഇൻഫിനിക്സ് സ്മാർട്ട് എച്ച്ഡി 2021 ന് വശത്ത് സ്ലിം ബെസലുകളും താരതമ്യേന കട്ടിയുള്ള ചിൻ വരുന്നു. കൂടാതെ, വോളിയവും പവർ ബട്ടണുകളും ഹാൻഡ്‌സെറ്റിൻറെ വലതുവശത്താണ് വരുന്നത്.