ഇന്റക്‌സ് അക്വ i4 പ്ലസ് സ്മാര്‍ട്‌ഫോണ്‍ ലോഞ്ച് ചെയ്തു; വില 7,600 രൂപ

ഇന്ത്യന്‍ സ്മാര്‍ട്‌ഫോണ്‍ നിര്‍മാതാക്കളായ ഇന്റക്‌സ് ടെക്‌നോളജീസ് അക്വ സീരീസില്‍ പെട്ട പുതിയ സ്മാര്‍ട്‌ഫോണ്‍ ലോഞ്ച് ചെയ്തു. അക്വ i4+ എന്നു പേരിട്ടിരിക്കുന്ന ഫോണിന് 7,600 രൂപയാണ് വില.

ഫോണിന്റെ പ്രത്യേകതകള്‍

854-480 പിക്‌സല്‍ റെസല്യൂഷനോടു കൂടിയ 5 ഇഞ്ച് FWVGA ഡിസ്‌പ്ലെ, 1.2 GHz ഡ്യുവല്‍ കോര്‍ പ്രൊസസര്‍, 512 എം.ബി. റാം, ആന്‍ഡ്രോയ്ഡ് ജെല്ലിബീന്‍ 4.2.2 ഒ.എസ്., 8 എം.പി. പ്രൈമറി ക്യാമറ, 1.3 എം.പി. ഫ്രണ്ട് ക്യാമറ, 4 ജി.ബി. ഇന്റേണല്‍ മെമ്മറി, 32 ജി.ബി. വരെ വികസിപ്പിക്കാവുന്ന മെമ്മറി കാര്‍ഡ് സ്ലോട് എന്നിവയാണ് പ്രധാന പ്രത്യേകതകള്‍.

ഇതിനു പുറമെ ഇന്റക്‌സ് ക്ലൗഡ് ആപ്ലിക്കേഷന്‍ വഴി 5 ജി.ബി. സൗജന്യ ക്ലൗഡ് സ്‌റ്റോറേജും ലഭിക്കും. 3 ജി, ബ്ലുടൂത്ത്, ഡ്യുവല്‍ സിം എന്നിവ സപ്പോര്‍ട് ചെയ്യുന്ന ഫോണില്‍ 2000 mAh ബാറ്ററിയാണ് ഉള്ളത്. 6 മണിക്കൂര്‍ സംസാര സമയവും 220 മണിക്കൂര്‍ സ്റ്റാന്‍ഡ് ബൈ സമയവും നല്‍കുമെന്നാണ് കമ്പനി അവകാശപ്പെടുന്നത്.

വിചാറ്റ്, OLX അപ്, മാതൃഭാഷ (സപ്പോര്‍ട് ചെയ്യുന്ന 22 പ്രാദേശിക ഭാഷകളില്‍ ഫോണ്‍ ഉപയോഗിക്കാന്‍ സാധിക്കുന്ന ആപ്ലിക്കേഷന്‍) എന്നിവ പ്രീഇന്‍സ്റ്റാള്‍ഡായി ഫോണിലുണ്ട്.